پاۆلوداردا جول قوزعالىسى قاعيدالارىن ٶرەسكەل بۇزىپ, قاۋٸپتٸ دريفت جاساعان جٷرگٸزۋشٸ ەكٸمشٸلٸك جاۋاپكەرشٸلٸككە تارتىلدى, دەپ حابارلايدى ult.kz.
Polisia.kz مەلٸمەتٸنشە, قۇقىق بۇزۋشىلىق ەلەۋمەتتٸك جەلٸلەر مەن ينتەرنەت-رەسۋرستارعا جٷرگٸزٸلگەن مونيتورينگ بارىسىندا انىقتالعان. BMW F10 كٶلٸگٸنٸڭ جٷرگٸزۋشٸسٸ ماشھٷر جٷسٸپ پەن لوموۆ كٶشەلەرٸنٸڭ قيىلىسىندا قاۋٸپتٸ مانەۆرلەر جاساپ, جول قوزعالىسى قاعيدالارىن بۇزعان.
سونداي-اق نۇرسۇلتان نازارباەۆ پەن تولستوي كٶشەلەرٸنٸڭ قيىلىسىندا ول جولداعى باسقا جٷرگٸزۋشٸلەرگە قاۋٸپ تٶندٸرٸپ, اپاتتىق جاعداي تۋعىزعان. سونىڭ سالدارىنان ٶزگە كٶلٸك جٷرگٸزۋشٸلەرٸ جول-كٶلٸك وقيعاسىن بولدىرماۋ ٷشٸن جىلدامدىعى مەن قوزعالىس باعىتىن كٷرت ٶزگەرتۋگە مەجبٷر بولعان.
تەكسەرۋ بارىسىندا جٷرگٸزۋشٸنٸڭ جەكە باسى انىقتالىپ, وعان جول قوزعالىسى قاعيدالارىن بۇزعانى ٷشٸن ەكٸمشٸلٸك جازا قولدانىلدى.
پاۆلودار وبلىسىنىڭ پوليتسييا دەپارتامەنتٸ جالپىعا ورتاق پايدالانىلاتىن جولدار دريفت جاساۋعا نەمەسە قاۋٸپتٸ مانەۆرلەر كٶرسەتۋگە ارنالماعانىن ەسكە سالدى. تەرتٸپ ساقشىلارى اگرەسسيۆتٸ كٶلٸك جٷرگٸزۋ جول قوزعالىسىنا قاتىسۋشىلاردىڭ ٶمٸرٸ مەن دەنساۋلىعىنا قاۋٸپ تٶندٸرەتٸنٸن ايتىپ, جٷرگٸزۋشٸلەردٸ جول ەرەجەسٸن قاتاڭ ساقتاۋعا شاقىردى.
