Pavlodarda jol qozǵalysy qaǵidalaryn óreskel buzyp, qaýipti drift jasaǵan júrgizýshi ákimshilik jaýapkershilikke tartyldy, dep habarlaidy ult.kz.
Polisia.kz málimetinshe, quqyq buzýshylyq áleýmettik jeliler men internet-resýrstarǵa júrgizilgen monitoring barysynda anyqtalǵan. BMW F10 kóliginiń júrgizýshisi Mashhúr Júsip pen Lomov kósheleriniń qiylysynda qaýipti manevrler jasap, jol qozǵalysy qaǵidalaryn buzǵan.
Sondai-aq Nursultan Nazarbaev pen Tolstoi kósheleriniń qiylysynda ol joldaǵy basqa júrgizýshilerge qaýip tóndirip, apattyq jaǵdai týǵyzǵan. Sonyń saldarynan ózge kólik júrgizýshileri jol-kólik oqiǵasyn boldyrmaý úshin jyldamdyǵy men qozǵalys baǵytyn kúrt ózgertýge májbúr bolǵan.
Tekserý barysynda júrgizýshiniń jeke basy anyqtalyp, oǵan jol qozǵalysy qaǵidalaryn buzǵany úshin ákimshilik jaza qoldanyldy.
Pavlodar oblysynyń politsiia departamenti jalpyǵa ortaq paidalanylatyn joldar drift jasaýǵa nemese qaýipti manevrler kórsetýge arnalmaǵanyn eske saldy. Tártip saqshylary agressivti kólik júrgizý jol qozǵalysyna qatysýshylardyń ómiri men densaýlyǵyna qaýip tóndiretinin aityp, júrgizýshilerdi jol erejesin qatań saqtaýǵa shaqyrdy.
