پاۆلودار قالاسىندا جاڭا قازاق تٸلدٸ مەكتەپ-ليتسەيٸ بوي كٶتەردٸ. قازٸر وقۋشىلار قابىلدانىپ جاتىر. جاڭا وقۋ جىلىنان باستاپ ەسٸگٸ ايقارا اشىلادى. بۇل تۋرالى كەشە, وبلىس ەكٸمٸ ەبٸلقايىر سقاقوۆ رەسپۋبليكالىق باق ٶكٸلدەرٸنە ارنالعان بريفينگٸ بارىسىندا مەلٸم ەتتٸ.
ەرتٸس-بايان ٶڭٸرٸندە جىل ساناپ قازاق تٸلدٸ مەكتەپتەرگە دەگەن سۇرانىس ارتىپ كەلەدٸ. رەسمي ستاتيستيكاعا جٷگٸنسەك, بٷگٸندە وبلىس بويىنشا بارلىعى 359 مەكتەپ بولسا, ونىڭ 138-ٸ, ياعني 39%-ىنىڭ وقىتۋ تٸلٸ – قازاق تٸلٸ. سوڭعى بەس جىلدا مەملەكەتتٸك تٸلدە بٸلٸم بەرەتٸن مەكتەپتەردٸڭ قاتارى ارتقان. سونىڭ ٸشٸندە تٶرت ارالاس مەكتەپ تولىعىمەن قازاق تٸلٸنە اۋىستى.
ەندٸ مٸنە, بۇل تٸزٸم تاعى بٸر سۋ جاڭا بٸلٸم ورداسىمەن تولىقپاق. پاۆلودار قالاسىندا جاڭادان سالىنعان «سارىارقا» شاعىن اۋدانىندا ورىن تەپكەن مەكتەپ تۇساۋى بيىل كٷزدە كەسٸلەتٸن بولدى. بۇل وبلىس ورتالىعىنداعى ليتسەي دەرەجەسٸ بار العاشقى قازاق تٸلدٸ مەكتەپ بولماق.
«مەكتەپ قۇرىلىسى تولىعىمەن اياقتالدى. مۇندا بٸر اۋىسىمدا 650 وقۋشى بٸلٸم الاتىن بولادى. نىسان الداعى جاڭا وقۋ جىلىنان باستاپ رەسمي تٷردە جۇمىسىن باستايدى. قازٸر وقۋشىلاردى تٸركەۋ بويىنشا تيٸستٸ ٶتٸنٸشتەر قابىلدانۋدا. ەلەۋمەتتٸك, بٸلٸم سالاسىنا جاۋاپتى ماماندار تيٸستٸ تالداۋ جٷرگٸزدٸ. سۇرانىسقا وراي بۇل مەكتەپتە مەملەكەتتٸك تٸلدە بٸلٸم بەرۋلەتٸن بولادى», - دەدٸ ايماق باسشىسى ە.سقاقوۆ رەسپۋبليكالىق ورتالىق كوممۋنيكاتسييالار قىزمەتٸندە سٶيلەگەن سٶزٸندە.
قازاق تٸلدٸ مەكتەپتەرگە دەگەن سۇرانىستىڭ ارتقانىن پاۆلودار وبلىسىنىڭ بٸلٸم بەرۋ باسقارماسىنداعىلار كەلتٸرگەن مىنا بٸر مىسالدان ايقىن بايقاۋعا بولادى. پاۆلودار قالاسىندا باۋىرجان مومىشۇلى اتىنداعى بٸلٸم ورداسىندا 700-گە جۋىق وقۋشى ارتىق وقيدى. ياعني, جٷكتەمە تىم جوعارى. مەكتەپتٸڭ ٷش اۋىسىمعا ٶتۋ قاۋپٸ تۋىنداۋدا. بۇل ونداعى بٸلٸم ساپاسىنا, سانيتارلىق جاعدايعا كەرٸ ەسەرٸن تيگٸزەرٸ سٶزسٸز. سوندىقتان اتالعان بٸلٸم بەرۋ ورداسىنىڭ بٸراز وقۋشىلارى اتا-انالاردىڭ كەلٸسٸمٸ بويىنشا «سارىارقا» شاعىن اۋدانىنداعى جاڭادان بوي كٶتەرگەن ليتسەي-مەكتەبٸنە اۋىستىرىلماق. بۇل ەكٸ مەكتەپ بٸر-بٸرٸنە جاقىن ورنالاستىرىلعان.
ايتا كەتەيٸك, پاۆلودار وبلىسىندا تازا ورىس تٸلٸندە بٸلٸم بەرەتٸن 52 مەكتەپ بار. سوڭعى 4 جىلدا ورىس تٸلدٸ 23 بٸلٸم بەرۋ مەكەمەسٸندە قازاق تٸلٸندە وقىتاتىن بٸرٸنشٸ سىنىپتار اشىلعان. بۇل باعىتتاعى جۇمىستار الداعى ۋاقىتتا دا جٷرگٸزٸلمەك.
