بيۋدجەتتەن 40 ملن تەڭگە جىمقىردى دەپ ايىپتالعان پاۆودار قالاسىنداعى «شاڭىراق» حالىق شىعارماشىلىعى جەنە مەدەني-دەمالىس قىزمەتٸ ورتالىعىنىڭ باسشىسى سوتتالدى, دەپ حابارلايدى قازاقپارات.
بۇل تۋرالى قر سىبايلاس جەمقورلىققا قارسى ٸس-قيمىل اگەنتتٸگٸنٸڭ اسا ماڭىزدى ٸستەر جٶنٸندەگٸ تەرگەۋشٸسٸ قايسار بارجاقسىنوۆ Antikor اقپارات الاڭىندا مەلٸم ەتتٸ.
«21 قىركٷيەكتە پاۆلودار قالاسىنىڭ №2 سوتىنىڭ ٷكٸمٸمەن وبلىستىق «شاڭىراق» حالىق شىعارماشىلىعى جەنە مەدەني-دەمالىس قىزمەتٸ ورتالىعىنىڭ باسشىسى اياپبەرگەنوۆا 7 جىلعا باس بوستاندىعىنان ايىرىلدى» دەدٸ اگەنتتٸك تەرگەۋشٸسٸ.
وسى ٷكٸممەن «شاڭىراق» ورتالىعىنىڭ كاسسيرٸ ەبٸشاەۆا دا 7 جىل مەرزٸمگە باس بوستاندىعىنان ايىرىلىپتى.
«اتالعان تۇلعالار ەرتٸستەردٸڭ قىزمەتتەر كٶرسەتۋٸ تۋرالى كٶرٸنەۋ جالعان شارتتار جاساۋ ارقىلى 2017 جىلدان باستاپ 2019 جىلعا دەيٸنگٸ كەزەڭدە 40 ملن تەڭگە سوماسىندا بيۋدجەت قاراجاتىن جىمقىردى دەپ كٷدٸكتەنگەن. اياپبەرگەنوۆا ٶمٸر بويى مەملەكەتتٸك قىزمەتتە قىزمەت اتقارۋ قۇقىعىنان ايىرىلدى, ەبٸشاەۆا ماتەريالدىق جاۋاپكەرشٸلٸككە بايلانىستى قىزمەتپەن 10 جىل مەرزٸمگە اينالىسۋ قۇقىعىنان ايىرىلدى. ٷكٸم زاڭدى كٷشٸنە ەنگەن جوق», - دەدٸ قر سىبايلاس جەمقورلىققا قارسى ٸس-قيمىل اگەنتتٸگٸنٸڭ اسا ماڭىزدى ٸستەر جٶنٸندەگٸ تەرگەۋشٸسٸ قايسار بارجاقسىنوۆ.
