پاۆلوداردا 13 جاستاعى جاسٶسپٸرٸم بالالارعا كٷن كٶرسەتپەي جٷر. بۇل تۋرالى بالاسى زەبٸر كٶرگەن اتا-انالاردىڭ بٸرٸ ەلەۋمەتتٸك جەلٸدەگٸ پاراقشاعا حات جازعان, - دەپ حابارلايدى Pavlodarnews.kz.
تۇرعىننىڭ ايتۋىنشا, التى جاستاعى بالاسى زەبٸر كٶرگەن. جاسٶسپٸرٸم ونىڭ باسىنان تاسپەن ۇرعان.
"بۇعان دەيٸن دە بٸرنەشە رەت رەنجٸتكەن. بۇل جولى التى جاستاعى بالامدى شەكەسٸنەن تاسپەن ۇرعان. ال ماعان ايتاتىن بولسا, موينىن ٷزەمٸن دەگەن. ونىڭ اتا-اناسىنا سٶيلەسۋگە بارعان ەدٸم. بٸراق "شاعىم جازا بەر, بەرٸبٸر ەشتەڭە ٸستەي المايدى" دەگەن جاۋاپ الدىم. جەدەل جەردەم مەن پوليتسييا شاقىردىق. دەرٸگەرلەر "جابىق باس سٷيەك-مي جاراقاتى, باس ميىنىڭ شايقالۋى, باس ايماعىنىڭ كٶگەرۋٸ" دياگنوزىن قويدى, - دەيدٸ حاتتىڭ اۆتورى.
ونىڭ ايتۋىنشا, كەمەلەتكە تولماعانداردىڭ ٸسٸ جٶنٸندەگٸ ينسپەكتور كەلٸپ, بۇزاقىلىق تانىتقان بالانىڭ ٷيٸندە بولعان, بٸراق زارداپ شەگۋشٸ تاراپتان, كۋەگەرلەردەن جاۋاپ الماعان. سوت-مەديتسينالىق ساراپتاماسىنا بارا جاتقان كەزدە ٸستٸ جاۋىپ تاستاعان.
وبلىستىق پوليتسييا دەپارتامەنتٸ مەلٸمەتٸنشە, دەرەك پاۆلودار قالاسىنىڭ سولتٷستٸك پوليتسييا بٶلٸمٸندە تٸركەلگەن جەنە تەكسەرۋ جٷرگٸزٸلٸپ جاتىر.
"جانجالعا قاتىسۋشىلار انىقتالدى. كەمەلەتكە تولماعان بالا قىلمىستىق جاۋاپكەرشٸلٸك تۋىندايتىن جاسقا جەتپەگەنٸن ەسكەرە وتىرىپ, سوتالدى تەرگەۋ توقتاتىلدى. سونىمەن قاتار, مٸنەز-قۇلقى كەمەلەتكە تولماعانداردىڭ ٸستەرٸ جەنە ولاردىڭ قۇقىقتارىن قورعاۋ جٶنٸندەگٸ كوميسسييادا قارالادى, بالامەن جەنە ونىڭ اتا-اناسىمەن وسىنداي فاكتٸلەرگە جول بەرمەۋ تۋرالى پروفيلاكتيكالىق ەڭگٸمە ٶتكٸزٸلەدٸ. سونداي-اق, زارداپ شەككەن بالانىڭ اناسى ماتەريالدىق زالالدى ٶتەۋ ٷشٸن ازاماتتىق تەرتٸپپەن سوتقا جٷگٸنۋگە قۇقىلى", - دەيدٸ پوليتسييا ٶكٸلدەرٸ.
دەگەنمەن باسقا دا زارداپ شەككەن بالالاردىڭ اتا-انالارى جازاسىز قالعان جاسٶسپٸرٸم بۇدان كەيٸن دە بۇزاقى ەرەكەتتەرٸن قايتالاي ما دەپ قورقادى.
