پاۆلودار وبلىسىندا بۇرىن سىبايلاس جەمقورلىق قىلمىسىن جاساعان ەكٸ مەكتەپ ديرەكتورى جۇمىستان شىعارىلدى. بۇل تۋرالى سىبايلاس جەمقورلىققا قارسى ٸس-قيمىل اگەنتتٸگٸنٸڭ پاۆلودار وبلىسى بويىنشا دەپارتامەنتٸ باسشىسىنىڭ مٸندەتٸن اتقارۋشى ارداق بالعوجين مەلٸم ەتتٸ, دەپ حابارلايدى "ۇلت اقپارات".
ارداق بالعوجين ANTIKOR اقپارات الاڭىندا ٶڭٸردەگٸ بٸرنەشە مەكەمەگە جەمقورلىق تەۋەكەلدەرٸ بويىنشا جٷرگٸزٸلگەن تالداۋدىڭ العاشقى قورىتىندىسىن جارييالادى.
«سىبايلاس جەمقورلىق تەۋەكەلدەرٸ بويىنشا تالداۋ جٷرگٸزٸلگەن 12 مەكەمەگە قاتىستى 69 ۇسىنىم ەنگٸزٸلدٸ. ونىڭ ٸشٸندە 59 ۇسىنىم ورىندالدى, قالعاندارى ورىنداۋ ساتىسىندا. تالداۋ نەتيجەلەرٸ بويىنشا 7 لاۋازىمدى تۇلعا تەرتٸپتٸك جاۋاپكەرشٸلٸككە تارتىلدى. بٸلٸم بەرۋ سالاسىنداعى تالداۋ كەزٸندە بۇرىن سىبايلاس جەمقورلىق قىلمىسىن جاساعان ەكٸ مەكتەپ ديرەكتورى انىقتالدى. ولار ەڭبەك زاڭناماسىنا سەيكەس جۇمىستان شىعارىلدى. بۇرىن سىبايلاس جەمقورلىق قىلمىسىنا بارعان ادامداردىڭ لاۋازىمدى قىزمەتكە الىنۋى زاڭعا قايشى ەرەكەت. سونداي-اق, «ەڭبەك» باعدارلاماسىنىڭ ٸسكە اسىرىلۋى بويىنشا دا سىبايلاس جەمقورلىق تەۋەكەلدەرٸ انىقتالدى. بٸز ماتەريالداردى جەدەل بٶلٸمشەلەرٸمٸزگە بەردٸك. جالپى حالىقپەن كەرٸ بايلانىس بار, وڭ ٶزگەرٸستەر سەزٸلە باستادى», – دەدٸ ارداق بالعوجين.
ونىڭ ايتۋىنشا, دەپارتامەنتتە سىبايلاس جەمقورلىققا قارسى مەدەنيەتتٸ ارتتىرۋعا جەنە سىبايلاس جەمقورلىققا قارسى مونيتورينگ جٷرگٸزۋ تەسٸلٸن ٶزگەرتۋگە باعىتتالعان بٸرنەشە جوبا جۇمىس ٸستەيدٸ.
