ەلورداعا ٶزٸنٸڭ ازاماتتىق نەكەدەگٸ ەيەلٸ مەن قىزىنا قاشىپ كەلگەن 38 جاستاعى ەر ادام پاۆلوداردىڭ تەرگەۋ يزولياتورىنا قامالدى, دەپ حابارلايدى "ۇلت اقپارات".
«نۇر-سۇلتان قالاسىندا شٸدەرتٸ كەنتٸندەگٸ قاۋٸپسٸزدٸگٸ بارىنشا تٶمەن مەكەمەدە اپ-162/10 كولونيياسىندا جازاسىن ٶتەۋدەن جالتارعان 38 جاستاعى سوتتالۋشى ۇستالدى. سوتتالعان ازامات 2019 جىلدىڭ تامىز ايىندا مەكەمە اۋماعىنان كەتٸپ, كەشكە كولونيياعا ورالماعان», - دەپ حابارلادى پاۆلودار وبلىسىنىڭ قىلمىستىق-اتقارۋ جٷيەسٸ دەپارتامەنتٸنٸڭ باسپاسٶز قىزمەتٸ.
ۆەدومستۆو بۇل مەكەمەدە سوتتالعانداردىڭ كولونييا اۋماعىندا جۇمىس ٸستەۋگە قۇقىعى بار ەكەنٸن ەسكە سالدى. قاشىپ كەتكەن ازامات الاياقتىق ٷشٸن جازاسىن ٶتەپ جاتقان. ول سوتتالعانعا دەيٸن ەلوردادا تۇرعان. وسى كولونيياعا اۋىستىرىلعانعا دەيٸن پاۆلوداردىڭ ورتاشا قاۋٸپسٸزدٸك مەكەمەسٸندە جازاسىن ٶتەپ جاتقان بولاتىن. 2019 جىلدىڭ سەۋٸرٸندە سوت ونىڭ مەكەمەنٸ اۋىستىرۋ تۋرالى ٶتٸنٸشٸن قاناعاتتاندىرعان.
«قاج جەدەل قىزمەتكەرلەرٸ سوتتالۋشىنىڭ ورنالاسقان جەرٸن انىقتاۋ بويىنشا جۇمىستى ەكٸباستۇز قالاسى پوليتسييا باسقارماسىنىڭ قىزمەتكەرلەرٸمەن بٸرلەسٸپ جٷرگٸزدٸ. بٸر جىلدان استام ۋاقىت بويى بٸز ۇستالعان ازاماتتى تابا الماعان ەدٸك. قازٸر ول پاۆلودار قالاسىنىڭ تەرگەۋ يزولياتورىندا قاماۋدا. بٸز ونى ورتاشا قاۋٸپسٸزدٸك مەكەمەسٸنە قايتارۋ ٷشٸن سوتقا ماتەريال جٸبەرەمٸز», - دەدٸ اپ-162/10 مەكەمەسٸنٸڭ باسشىسى.
جاۋاپ الۋ كەزٸندە سوتتالۋشى كٸنەسٸن مويىنداپ, نۇر-سۇلتان قالاسىنا وتباسىنا بارعانىن ايتتى. ەلوردادا ونىڭ ازاماتتىق نەكەدەگٸ جۇبايى مەن قىزى تۇرادى.
ەر ادام جاسىرىنىپ جٷرگەن ۋاقىتتا ەرتٷرلٸ مەكەنجايلاردا تۇرعان, تٷرلٸ جۇمىس ٸستەپ كٷن كٶرگەن.
ەكٸباستۇز قالاسىنىڭ ماڭىنداعى شٸدەرتٸ كەنتٸنٸڭ قاۋٸپسٸزدٸگٸ بارىنشا تٶمەن اپ-162/10 مەكەمەسٸندە 62 سوتتالۋشى جازاسىن ٶتەپ جاتىر.
