پاۆلودار وبلىسىندا 30 جولاۋشى مٸنگەن اۆتوبۋس جول جيەگٸندەگٸ جىراعا اۋدارىلدى, دەپ حابارلايدى "ۇلت اقپارات" .
«ٷشٸنشٸ اقپان كٷنٸ, ساعات 19:30-دا ەكٸباستۇز قالاسىنداعى جاۋاپكەرشٸلٸگٸ شەكتەۋلٸ سەرٸكتەستٸكتەرٸنٸڭ بٸرٸنٸڭ جٷرگٸزۋشٸسٸ №120 مارشرۋتى بويىنشا «ۆولۆو» اۆتوبۋسىن ايداپ كەلە جاتىپ, «ەكٸباستۇز - كپ باتىر» تاسجولىندا (يۋجنايا بەكەتٸ ماڭىندا) رۋلگە يە بولا الماي قالىپ, جىراعا قۇلاپ كەتتٸ. اۆتوبۋستا 30 ادام بولعان, بارلىعى جشس جۇمىسشىلارى», - دەدٸ پاۆلودار وبلىستىق پوليتسييا دەپارتامەنتٸ جەرگٸلٸكتٸ پوليتسييا قىزمەتٸ باسقارماسىنىڭ باسشى ورىنباسارى قۋانىش مۇستافينوۆ.
جولاۋشىلار مەن جٷرگٸزۋشٸ زارداپ شەككەن جوق. كەيٸنٸرەك جولاۋشىلارعا باسقا اۆتوبۋس ۇسىنىلدى.
«مەديتسينالىق كۋەلاندىرۋ نەتيجەسٸ بويىنشا جٷرگٸزۋشٸ ساۋ بولعان. اۆتوبۋس ارنايى ايىپتۇراققا قويىلدى. تەكسەرٸس جٷرٸپ جاتىر», - دەپ تولىقتىردى پد-دان.
