پاۆلودار وبلىسىندا 150-دەن استام كٶلٸك قار قۇرساۋىنان شىعارىلىپ, 140 ادام جىلىتۋ پۋنكتتەرٸنە جەتكٸزٸلدٸ, ونىڭ 15-ٸ - بالا, دەپ حابارلايدى قازاقپارات Pavlodarnews.kz سايتىنا سٸلتەمە جاساپ.
5 ناۋرىز كٷنٸ ساعات 12:30-دا بورانعا, ناشار كٶرٸنۋگە, اۋا رايىنىڭ ناشارلاۋىنا بايلانىستى نۇر-سۇلتان - شٸدەرتٸ تاس جولىنىڭ 200-254 شاقىرىمىندا شٸدەرتٸ كەنتٸنەن اقمولا وبلىسىنىڭ شەكاراسىنا دەيٸنگٸ اۆتوموبيل جولىندا كٶلٸك قۇرالدارىنىڭ بارلىق تٷرلەرٸ ٷشٸن قوزعالىس جابىلدى.
- جەلدٸڭ كٷشەيۋٸنە بايلانىستى قوزعالىس ەكٸ باعىتتا دا جابىلدى. بٸراق سول ۋاقىتتا 500-گە جۋىق كٶلٸك نۇر-سۇلتاننان شىعىپ كەتكەن بولاتىن. سونىڭ ٸشٸندە جولدىڭ كٶرٸنبەۋٸنەن, داۋىلدىڭ سالدارىنان قار قۇرساۋىندا قالعاندار بار. پاۆلودار وبلىسىنا كٸرٸپ ٷلگەرگەن كٶلٸكتەر سانى - 150-170, - دەدٸ «قازاۆتوجول» اق وبلىستىق فيليالىنىڭ ديرەكتورى اقىلبەك قابىلدين ٶڭٸرلٸك كوممۋنيكاتسييالار قىزمەتٸندە ٶتكەن جيىندا.
جول قىزمەتكەرلەرٸ جولدى تازالاۋدان جەڭٸل ماشينالاردان جٷك كٶلٸكتەرٸنە دەيٸن قارعا كەپتەلگەن ماشينالاردى شىعارۋعا كٶشتٸ.
ايتا كەتەيٸك, كەشە كەشكە سەمەيگە شىعاتىن باعىتتان باسقا, پاۆلودار وبلىسى ارقىلى ٶتەتٸن بارلىق رەسپۋبليكالىق جولدار جابىلدى.
قازٸر كٶلٸكتەردٸڭ كولوننالارى بٸر قاتارعا جيناقتالدى. قاتاردىڭ الدىڭعى جەنە ارتقى جاعىندا جول قىزمەتكەرلەرٸنٸڭ كٶلٸكتەرٸ بار. ارنايى تەحنيكانىڭ سٷيەمەلدەۋٸمەن كەلە جاتقان كولوننا ساعاتىنا 5-10 شاقىرىمنان اسپايتىن جىلدامدىقپەن قوزعالىپ كەلەدٸ.
اقىلبەك قابىلديننٸڭ ايتۋىنشا, ەڭ كٶپ دەگەندە ەكٸ ساعات ٸشٸندە بارلىق ماشينالار قاردان شىعارىلىپ, شٸدەرتٸ كەنتٸنە دەيٸن جەتكٸزٸلەدٸ. بۇل ۋچاسكەدە 10-نان استام تەحنيكا جۇمىس ٸستەۋدە.
وبلىستىق تٶتەنشە جاعدايلار دەپارتامەنتٸنٸڭ باسشىسى ەرنۇر ٶتەگەنوۆتٸڭ ايتۋىنشا, تٷندە 5 جىلىتۋ پۋنكتٸنە 140 ادام ەكەلٸندٸ, ونىڭ 15-ٸ بالالار. 61 ادام قۇتقارىلدى, ونىڭ 11-ٸ بالالار. 63 ادام ەۆاكۋاتسييالاندى, ونىڭ ٸشٸندە 7 بالا بار. سونداي-اق قار قۇرساۋىنان 32 جەڭٸل جەنە 3 جٷك كٶلٸگٸ شىعارىلدى.
- داۋىل تۋرالى ەسكەرتۋ ەكٸ كٷن بۇرىن بەرٸلگەن. اقمولا وبلىسى باعىتىندا كٷردەلٸ جاعداي قالىپتاستى. سوندىقتان كەشە ساعات 14:30-دا بٸز شتاب پەن سەنٸم تەلەفونىن ورنالاستىردىق. وعان 9 قوڭىراۋ تٷستٸ. جولدا بالالارىمەن بٸرگە قالعان بٸر اۆتوكٶلٸك جٷرگٸزۋشٸسٸنە پسيحولوگييالىق كٶمەك كەرەك بولدى. ولار قاۋٸپسٸز جەرگە جەتكٸزٸلدٸ, - دەدٸ ەرنۇر ٶتەگەنوۆ.
سونىمەن قاتار, جەلەزين اۋدانىندا تٷندە 50-گە جۋىق كٶلٸك كەپتەلٸپ قالدى. مۇندا جىلىتۋ پۋنكتٸ «ارمان» سپورت كەشەنٸندە, سونداي-اق تەرەڭكٶل اۋدانىندا فەدوروۆكا اۋىلىنداعى «سامال» كافەسٸندە اشىلدى. اقتوعاي اۋدانىندا قوجامجار اۋىلىندا 7 ادام اگروتەحنيكالىق كوللەدجگە ەۆاكۋاتسييالاندى.
تٶتەنشەلٸكتەر تاعى ەكٸ بالىقشىنى قۇتقاردى. ولاردىڭ كٶلٸگٸ ەكٸباستۇز ماڭىنداعى 11-سورعى ستانتسيياسىندا ٸستەن شىققان.
قازٸر پاۆلودار وبلىسىنىڭ اقمولا وبلىسى باعىتىنداعى 9 جولى جابىق.
- بٸز كٶلٸكتەردٸ شىعارمايىنشا, قاردى تازالاۋ قيىن, - دەدٸ ەرنۇر ٶتەگەنوۆ. - تٷندە جۇمىس جٷرگٸزٸلدٸ. باس تارتقاندار كٶلٸكتەرٸندە قالدى, ال ونى قالاماعاندار ەۆاكۋاتسييالاندى. تەحنيكالار جۇمىس ٸستەپ تۇر: 2 جول تالعامايتىن ترەكول جەنە 2 كاماز.
