ٸسساپار شىعىندارى مەن مەملەكەتتٸك ساتىپ الۋ شارالارىنان 11,1 ملن تەڭگە جىمقىردى دەگەن كٷدٸككە ٸلٸنگەن پاۆلودار وبلىسىنىڭ سەۋلەت باسقارماسىنىڭ بٸر توپ قىزمەتكەرٸنە سوت ٷكٸمٸ شىعارىلدى, دەپ حابارلايدى قازاقپارات.
سىبايلاس جەمقورلىققا قارسى ٸس-قيمىل اگەنتتٸگٸنٸڭ اسا ماڭىزدى ٸستەر جٶنٸندەگٸ تەرگەۋشٸسٸ دانييار بەگايداروۆ ANTIKOR News اقپارات الاڭىندا ٶتكەن بريفينگٸدە وسىنداي مەلٸمەت ايتتى.
«پاۆلودار وبلىسىنىڭ سەۋلەت باسقارماسىنىڭ بۇرىنعى باسشىسى, باسقارما باسشىسىنىڭ مٸندەتٸن اتقارۋشى, ەكٸمشٸلٸك بٶلٸم باسشىسىنىڭ مٸندەتٸن اتقارۋشى, ەكٸمشٸلٸك بٶلٸمنٸڭ باس مامانى ەرٸ باس بۋحگالتەرٸ ٸسساپار شىعىستارى مەن مەملەكەتتٸك ساتىپ الۋ ارقىلى تاۋار قابىلداۋ اكتٸلەرٸن قولدان جاساۋ ارقىلى جالپى سوماسى 11 124 738 تەڭگە بيۋدجەت قاراجاتىن جىمقىردى دەپ ايىپتالعان بولاتىن», - دەيدٸ دانييار بەگايداروۆ.
سوت ٷكٸمٸ بويىنشا باسقارما باسشىسى ن.و. كاكامبەتوۆ 3 جىل مەرزٸمگە باس بوستاندىعىنان, مەملەكەتتٸك قىزمەتتە ٶمٸر بويىنا لاۋازىم اتقارۋ قۇقىعىنان ايىرىلدى.
ال باسقارما باسشىسىنىڭ مٸندەتٸن اتقارعان ا.ب. شاربانوۆ 2,5 جىلعا مەرزٸمگە باس بوستاندىعىنان, ٶمٸر بويىنا مەملەكەتتٸك قىزمەتتە جۇمىس ٸستەۋ قۇقىعىنان ايىرىلدى.
«باسقارمانىڭ ەكٸمشٸلٸك بٶلٸمٸنٸڭ باسشىسى ق.ت.بالتاباەۆاعا دەل وسىنداي جازا تاعايىندالدى. سوت ونىڭ جاس بالالارى بار ەكەنٸن ەسكەرٸپ, ٷكٸمدٸ ورىنداۋ مەرزٸمٸن 5 جىلعا كەيٸنگە قالدىردى. باس بۋحگالتەر دە 2,5 جىلعا سوتتالدى», - دەدٸ اگەنتتٸكتٸڭ اسا ماڭىزدى ٸستەر جٶنٸندەگٸ تەرگەۋشٸسٸ.
