پاۆلودار قالاسىنىڭ ەكٸمٸ بولىپ اسايىن بايحانوۆ تاعايىندالدى, دەپ حابارلايدى "ۇلت اقپارات" ەكٸمدٸكتٸڭ تەلەگرام كانالىنا سٸلتەمە جاساپ.
قالانىڭ جاڭا ەكٸمٸن ايماق باسشىسى ەبٸلقايىر سقاقوۆ تانىستىردى. سوڭعى بٸر جارىم جىل اسايىن بايحانوۆ پاۆلودار وبلىسى ەكٸمٸنٸڭ ورىنباسارى قىزمەتٸن اتقاردى.
پاۆلوداردىڭ جاڭا ەكٸمٸنٸڭ كانديداتۋراسى قر پرەزيدەنتٸ ەكٸمشٸلٸگٸمەن كەلٸسٸلٸپ, قالا مەسليحاتى دەپۋتاتتارىمەن ماقۇلداندى. ەبٸلقايىر سقاقوۆ قالانىڭ جاڭا باسشىسىنىڭ قىزمەتٸندەگٸ باسىمدىقتاردى ايقىنداپ بەردٸ. ول بيۋدجەتتٸ جوسپارلاۋ مەن مەملەكەتتٸك ساتىپ الۋداعى جوسپارلاۋدىڭ قاتەلٸكتەرٸ سالدارىنان قالا ەكٸمدٸگٸندە شٸركەيلەرگە قارسى كٷرەسكە ارنالعان كونكۋرس دەر كەزٸندە ٶتكٸزٸلمەي, جولداردى جٶندەۋ جەنە اباتتاندىرۋ جۇمىستارىن جٷرگٸزۋ مەرزٸمدەرٸ ىعىسقان. ايماق باسشىسى مەردٸگەرلٸك جۇمىستىڭ ساپاسى دا سۇراقتار تۋعىزاتىنىن ايتىپ, ونى قاتاڭ قاداعالاۋدى تاپسىردى.
«قالا ەكٸمدٸگٸ قالانىڭ مەسەلەلەرٸ جٶنٸندە بٸلەتٸن جەنە ولاردى جەدەل, ۇتقىر, تيٸمدٸ شەشەتٸن ورىن بولۋى تيٸس. ال ٸس جٷزٸندە ۋاقىتتى ٶتكٸزٸپ الىپ, مەسەلەنٸ شەشۋ ٷشٸن ٶزٸمە, ورىنباسارلارىما نەمەسە وبلىستىق باسقارما باسشىلارىنا ارالاسۋعا تۋرا كەلەدٸ. وبلىستىق ەكٸمدٸك قالالىق ەكٸمدٸكتٸ الماستىرا المايدى. بۇل مەسەلەلەردٸ ٶزٸڭٸزدٸڭ جەكە, ٷزدٸكسٸز قاداعالاۋىڭىزعا الۋىڭىزدى تاپسىرامىن. پروبلەمالاردى دەر كەزٸندە انىقتاپ, ولاردى شەشۋگە بەلسەندٸ ەرەكەت ەتۋ, مەردٸگەرلەر جۇمىسىن ٷزدٸكسٸز قاداعالاپ, مەملەكەتتٸك ساتىپ الۋدى تيٸمدٸ جوسپارلاۋ قاجەت. سونىمەن قاتار, جىلۋ بەرۋ ماۋسىمىنىڭ مەسەلەلەرٸ دە باسىمدىقتار قاتارىندا بولۋى تيٸس», - دەدٸ وبلىس ەكٸمٸ.
اسايىن بايحانوۆ 1978 جىلى پاۆلودار وبلىسىنىڭ باياناۋىل اۋدانىندا دٷنيەگە كەلدٸ. 2000 جىلى ول پاۆلودار ۋنيۆەرسيتەتٸن «ەكونوميكا جەنە مەنەدجمەنت» ماماندىعى بويىنشا تەمامداپ, 2005 – 2006 جىلدارى ProCredit Holding AG ي European Bank for Reconstruction and Development (EBRD) حالىقارالىق بانك حولدينگٸنٸڭ بٸلٸكتٸلٸكتٸ ارتتىرۋ كورپوراتيۆتٸك ورتالىعىندا وقىدى. 2017 ج. م.ۆ.لومونوسوۆ اتىنداعى مەسكەۋ مەملەكەتتٸك ۋنيۆەرسيتەتٸن بٸتٸردٸ (ٸسكەرلٸك ەكٸمشٸلٸك ماگيسترٸ, «ستراتەگييالىق مەنەدجمەنت جەنە كەسٸپكەرلٸك»).
2000 جىلى جوعارى بٸلٸم العاننان كەيٸن اسايىن بايحانوۆ ەڭبەك جولىن بانك سەكتورىندا, ەۋروپالىق قايتا قۇرۋ جەنە دامۋ بانكٸ (ەققدب) قازاقستاندا ٶتكٸزگەن باعدارلاما بويىنشا باستادى. ەكٸباستۇزدا نەسيەلٸك ەكسپەرتتٸڭ تىڭداۋشىسىنان ەققدب-نٸڭ الماتىداعى باس كەڭسەسٸنٸڭ جاڭا بانك ٶنٸمدەرٸن ەنگٸزۋ بٶلٸمٸنٸڭ باسشىسىنا دەيٸن ٶسٸپ, سونىمەن بٸرگە ەققدب قازاقستان جەنە شەت ەلدەردە ٶتكٸزگەن سەمينارلارىندا كٶپساتىلى وقۋ باعدارلاماسىن مەڭگەردٸ.
2003–2007 جىلدارى اسايىن بايحانوۆ ProCredit Holding AG بانك حالىقارالىق بانك حولدينگٸندە تٷرلٸ لاۋازىمدار اتقاردى, ونىڭ ٸشٸندە كيەۆتەگٸ «پروكرەديت ۋكراينا» جاق باسقاردى. 2007 جىلى ا. بايحانوۆ قازاقستانعا ورالىپ, «نۇربانك» اق باسقارما تٶراعاسىنىڭ ورىنباسارى قىزمەتٸنە تاعايىندالىپ, فيليالدار جەلٸسٸن كەڭەيتۋ مەن شاعىن جەنە ورتا بيزنەستٸ, ونىڭ ٸشٸندە اۋىلشارۋاشىلىعى سالاسىنداعى نەسيەلەندٸرۋدٸ دامىتۋ باعىتتارى ٷشٸن جاۋاپتى بولدى.
2009–2015 جىلدارى اسايىن بايحانوۆ اۋىلشارۋاشىلىعى سالاسىنداعى كەسٸپكەرلٸكپەن اينالىستى: الماتىدا جەنە الماتى وبلىسىندا مال جەنە ٶسٸمدٸك ٶسٸرۋ, لوگيستيكا جەنە جٷك تاسىمالداۋ بويىنشا بٸرقاتار سەتتٸ جوبالاردى جٷرگٸزٸپ-دامىتتى.
2015–2020 جىلدارى ا. بايحانوۆ «قازاگرو» ۇلتتىق باسقارۋشى حولدينگٸ» اق قۇرامىنداعى «قازاگروٶنٸم» اق باسقارما تٶراعاسىنىڭ ورىنباسارى. وسى مەرزٸم ٸشٸندە اۋىلشارۋاشىلىعى سالاسىنىڭ تٷرلٸ مەملەكەتتٸك باعدارلامالارىن تالقىلاۋ جەنە ٶزگەرتۋ, سونداي-اق, اگروٶنەركٸسٸپ ٶنٸمدەرٸن ەكسپورتقا شىعارۋ دىڭ ماقساتتى ينديكاتورلارىنا قول جەتكٸزۋ جٶنٸندەگٸ جۇمىس توپتارىنىڭ مٷشەسٸ جەنە جەتەكشٸسٸ بولدى. 2020 جىلدىڭ ناۋرىز ايىنان باستاپ سوڭعى تاعايىندالۋىنا دەيٸن پاۆلودار وبلىسى ەكٸمٸنٸڭ ورىنباسارى قىزمەتٸن اتقارىپ, اۋىلشارۋاشىلىعى, اۋىلدى ايماقتاردى دامىتۋ, جەر قويناۋىن پايدالانۋ, قورشاعان ورتا جەنە سۋ رەسۋرستارى, جەر قاتىناستارى جەنە ت.ب. مەسەلەلەر ٷشٸن جاۋاپتى بولدى.
