Pavlodar qalasynyń ákimi bolyp Asaiyn Baihanov taǵaiyndaldy, dep habarlaidy "Ult aqparat" ákimdiktiń telegram kanalyna silteme jasap.
Qalanyń jańa ákimin aimaq basshysy Ábilqaiyr Sqaqov tanystyrdy. Sońǵy bir jarym jyl Asaiyn Baihanov Pavlodar oblysy ákiminiń orynbasary qyzmetin atqardy.
Pavlodardyń jańa ákiminiń kandidatýrasy QR Prezidenti ákimshiligimen kelisilip, qala máslihaty depýtattarymen maquldandy. Ábilqaiyr Sqaqov qalanyń jańa basshysynyń qyzmetindegi basymdyqtardy aiqyndap berdi. Ol biýdjetti josparlaý men memlekettik satyp alýdaǵy josparlaýdyń qatelikteri saldarynan qala ákimdiginde shirkeilerge qarsy kúreske arnalǵan konkýrs der kezinde ótkizilmei, joldardy jóndeý jáne abattandyrý jumystaryn júrgizý merzimderi yǵysqan. Aimaq basshysy merdigerlik jumystyń sapasy da suraqtar týǵyzatynyn aityp, ony qatań qadaǵalaýdy tapsyrdy.
«Qala ákimdigi qalanyń máseleleri jóninde biletin jáne olardy jedel, utqyr, tiimdi sheshetin oryn bolýy tiis. Al is júzinde ýaqytty ótkizip alyp, máseleni sheshý úshin ózime, orynbasarlaryma nemese oblystyq basqarma basshylaryna aralasýǵa týra keledi. Oblystyq ákimdik qalalyq ákimdikti almastyra almaidy. Bul máselelerdi ózińizdiń jeke, úzdiksiz qadaǵalaýyńyzǵa alýyńyzdy tapsyramyn. Problemalardy der kezinde anyqtap, olardy sheshýge belsendi áreket etý, merdigerler jumysyn úzdiksiz qadaǵalap, memlekettik satyp alýdy tiimdi josparlaý qajet. Sonymen qatar, jylý berý maýsymynyń máseleleri de basymdyqtar qatarynda bolýy tiis», - dedi oblys ákimi.
Asaiyn Baihanov 1978 jyly Pavlodar oblysynyń Baianaýyl aýdanynda dúniege keldi. 2000 jyly ol Pavlodar ýniversitetin «Ekonomika jáne menedjment» mamandyǵy boiynsha támamdap, 2005 – 2006 jyldary ProCredit Holding AG i European Bank for Reconstruction and Development (EBRD) halyqaralyq bank holdinginiń biliktilikti arttyrý korporativtik ortalyǵynda oqydy. 2017 j. M.V.Lomonosov atyndaǵy Máskeý Memlekettik ýniversitetin bitirdi (iskerlik ákimshilik magistri, «Strategiialyq menedjment jáne kásipkerlik»).
2000 jyly joǵary bilim alǵannan keiin Asaiyn Baihanov eńbek jolyn bank sektorynda, Eýropalyq qaita qurý jáne damý banki (EQQDB) Qazaqstanda ótkizgen baǵdarlama boiynsha bastady. Ekibastuzda nesielik eksperttiń tyńdaýshysynan EQQDB-niń Almatydaǵy bas keńsesiniń jańa bank ónimderin engizý bóliminiń basshysyna deiin ósip, sonymen birge EQQDB Qazaqstan jáne shet elderde ótkizgen seminarlarynda kópsatyly oqý baǵdarlamasyn meńgerdi.
2003–2007 jyldary Asaiyn Baihanov ProCredit Holding AG bank halyqaralyq bank holdinginde túrli laýazymdar atqardy, onyń ishinde Kievtegi «ProKredit Ýkraina» JAQ basqardy. 2007 jyly A. Baihanov Qazaqstanǵa oralyp, «Nurbank» AQ basqarma tóraǵasynyń orynbasary qyzmetine taǵaiyndalyp, filialdar jelisin keńeitý men shaǵyn jáne orta biznesti, onyń ishinde aýylsharýashylyǵy salasyndaǵy nesielendirýdi damytý baǵyttary úshin jaýapty boldy.
2009–2015 jyldary Asaiyn Baihanov aýylsharýashylyǵy salasyndaǵy kásipkerlikpen ainalysty: Almatyda jáne Almaty oblysynda mal jáne ósimdik ósirý, logistika jáne júk tasymaldaý boiynsha birqatar sátti jobalardy júrgizip-damytty.
2015–2020 jyldary A. Baihanov «QazAgro» Ulttyq basqarýshy holdingi» AQ quramyndaǵy «QazAgroÓnim» AQ basqarma tóraǵasynyń orynbasary. Osy merzim ishinde aýylsharýashylyǵy salasynyń túrli memlekettik baǵdarlamalaryn talqylaý jáne ózgertý, sondai-aq, agroónerkisip ónimderin eksportqa shyǵarý dyń maqsatty indikatorlaryna qol jetkizý jónindegi jumys toptarynyń múshesi jáne jetekshisi boldy. 2020 jyldyń naýryz aiynan bastap sońǵy taǵaiyndalýyna deiin Pavlodar oblysy ákiminiń orynbasary qyzmetin atqaryp, aýylsharýashylyǵy, aýyldy aimaqtardy damytý, jer qoinaýyn paidalaný, qorshaǵan orta jáne sý resýrstary, jer qatynastary jáne t.b. máseleler úshin jaýapty boldy.
