فوتو: pavon.kz
جوبا ارناۋلى مەملەكەتتٸك قور ەسەبٸنەن قارجىلاندىرىلادى. ٷكٸمەت بۇل ماقساتقا 9,3 ملرد تەڭگە بٶلدٸ, دەپ حابارلايدى قر پرەمەر-مينيسترٸنٸڭ باسپاسٶز قىزمەتٸ.
مەملەكەت باسشىسىنىڭ تاپسىرماسىن ورىنداۋ جەنە ەلٸمٸزدٸڭ كٶلٸك-لوگيستيكالىق ەلەۋەتٸن دامىتۋ تۇجىرىمداماسىن جٷزەگە اسىرۋ شەڭبەرٸندە پاۆلودار وبلىسىندا ەۋەجايدى جاڭعىرتۋعا كٸرٸسٸپ جاتىر.
جوبا جاساندى ۇشۋ-قونۋ جولاعىن, بۇرۋ-قوزعالۋ جولىن, پەرروندى رەكونسترۋكتسييالاۋ جۇمىستارىن قامتيدى.
— جوبانى جٷزەگە اسىرۋ ۇشۋ سالماعى بويىنشا شەكتەۋسٸز ەۋە كەمەلەرٸنٸڭ زاماناۋي تٷرلەرٸن قابىلداۋعا مٷمكٸندٸك بەرەدٸ. پاۆلوداردىڭ گەوگرافييالىق ورنالاسۋىن ەسكەرسەك, بۇل ٶڭٸردٸڭ ترانزيتتٸك ەلەۋەتٸن ارتتىرادى. ينفراقۇرىلىمدى جاڭارتۋ سونىمەن بٸرگە, وبلىستىڭ كٶلٸك قولجەتٸمدٸلٸگٸن جاقسارتۋعا, جولاۋشىلار اعىنىن ارتتىرۋعا جەنە ٸسكەرلٸك بەلسەندٸلٸكتٸ دامىتۋعا ىقپال ەتەدٸ دەپ كٷتٸلەدٸ. جوبانىڭ نەگٸزگٸ ماقساتى — ەۋەجاي پارامەترلەرٸن حالىقارالىق ICAO ستاندارتتارىنىڭ تالاپتارىنا سەيكەستەندٸرۋ, — دەلٸنگەن حابارلامادا.
جوسپارلى جۇمىستىڭ نەگٸزگٸ تٷرلەرٸنە مىنالار جاتادى:
ۇشۋ-قونۋ جولاعىن 45 مەتردەن 60 مەترگە دەيٸن رەكونسترۋكتسييالاۋ جەنە كەڭەيتۋ;
بۇرۋ-قوزعالۋ جولى مەن پەرروندى جاڭارتۋ;
ەنەرگييامەن جابدىقتاۋ جٷيەسٸن جاڭعىرتۋ;
پەريمەترٸ بويىنشا جارىقپەن سيگنال بەرۋ جابدىقتارى مەن بەينەباقىلاۋ جٷيەسٸن ورناتۋ.
جٶندەۋ جۇمىستارىن جٷرگٸزۋ جەنە ۇشۋ قاۋٸپسٸزدٸگٸن قامتاماسىز ەتۋ قاجەتتٸلٸگٸنە بايلانىستى ەۋەجاي قىزمەتٸ ٶتكەن جىلدىڭ سەۋٸر ايىنان بەرٸ ۋاقىتشا توقتاتىلعان.
وسى ۋاقىتقا دەيٸن ەۋە ايلاعى استانا جەنە الماتى باعىتتارى بويىنشا تۇراقتى رەيستەرگە قىزمەت كٶرسەتتٸ.
بۇدان بۇرىن الماتىدا ەۋە رەيستەرٸ اۋا رايىنىڭ قولايسىزدىعىنا بايلانىستى كەشٸگٸپ جاتقانىن ايتتى.
