قر يندۋسترييا جەنە ينفراقۇرىلىمدىق دامۋ مينيسترلٸگٸ قۇرىلىس جەنە تۇرعىن ٷي-كوممۋنالدىق شارۋاشىلىق ٸستەرٸ كوميتەتٸ تٶراعاسىنىڭ ورىنباسارى ەركەبۇلان داۋىلباەۆ كٶپپەتەرلٸ تۇرعىن ٷيلەردەن قوسىمشا تابىس تابۋ جولدارىن تٷسٸندٸردٸ, دەپ حابارلايدى قازاقپارات.
«ٸس جٷزٸندە پەتەرلەر يەلەرٸنٸڭ كووپەراتيۆتەرٸنٸڭ, باسقارۋشى كومپانييالاردىڭ باسشىلارى جەنە كٶپپەتەرلٸ تۇرعىن ٷيلەردٸ باسقارۋمەن اينالىساتىن باسقا دا تۇلعالار, پايدالانۋداعى ورتاق مٷلٸكتٸڭ جەكەلەگەن بٶلٸكتەرٸن جالعا نەمەسە پايدالانۋعا بەرۋ ارقىلى قوسىمشا تابىس تابا الادى. مۇنى پەتەرلەردٸڭ, تۇرعىن ەمەس ٷي-جايلاردىڭ مەنشٸك يەلەرٸ بٸلمەۋٸ مٷمكٸن. سوندىقتان پەتەر, تۇرعىن ەمەس ٷي-جايلار يەلەرٸ, جاڭادان قۇرىلعان مٷلٸك يەلەرٸ بٸرلەستٸكتەرٸ مەن جاي سەرٸكتەستٸكتەر كٶپپەتەرلٸ تۇرعىن ٷيدٸڭ قانداي تابىس پەن پايدا ەكەلەتٸنٸن بٸلۋٸ ماڭىزدى», - دەدٸ ە. داۋىلباەۆ ورتالىق كوممۋنيكاتسييالار قىزمەتٸندە ٶتكەن باسپاسٶز مەسليحاتىندا.
ونىڭ ايتۋىنشا, تابىستىڭ نەگٸزگٸ كٶزدەرٸ – جارناما, جابدىقتاردى ورناتۋ جەنە ٷي-جايلاردى جالعا بەرۋ.
«وسىلايشا, ليفتٸدەگٸ جەنە ٷي سىرتىنداعى جارنامالار, تٶبەدە ورناتىلعان انتەننا نەمەسە باسقا جابدىقتار كٶپپەتەرلٸ تۇرعىن ٷيدٸڭ قوسىمشا تابىسى بولا الادى. قوسىمشا كٸرٸستەر كوندومينيۋم وبەكتٸسٸنٸڭ ورتاق مٷلكٸن باسقارۋعا جەنە كٷتٸپ-ۇستاۋعا جۇمسالۋى تيٸس جەنە بۇل تۋرالى اقپارات ەربٸر تۇرعىنعا بەرٸلەتٸن اي سايىنعى ەسەپتە كٶرسەتٸلۋٸ قاجەت.
باسقارۋدىڭ جاڭا فورمالارىن ەنگٸزۋ ەربٸر كٶپپەتەرلٸ تۇرعىن ٷيدەگٸ پەتەر يەلەرٸنٸڭ, تۇرعىن ەمەس ٷي-جايلاردىڭ مٷددەلەرٸن قورعاۋعا, كوندومينيۋم وبەكتٸسٸنٸڭ ورتاق مٷلكٸن كٷتٸپ-ۇستاۋ ساپاسىنىڭ دەڭگەيٸن ارتتىرۋعا مٷمكٸندٸك بەرەدٸ, بۇل تۇتاستاي العاندا تۇرعىن ٷي قورىنىڭ ساقتالۋىن قامتاماسىز ەتەدٸ», - دەدٸ ەركەبۇلان داۋىلباەۆ.
ايتا كەتەيٸك, 2020 جىلدىڭ باسىنان باستاپ «كەيبٸر زاڭنامالىق اكتٸلەرگە تۇرعىن ٷي-كوممۋنالدىق شارۋاشىلىق مەسەلەلەرٸ بويىنشا ٶزگەرٸستەر مەن تولىقتىرۋلار ەنگٸزۋ تۋرالى» قر زاڭى كٷشٸنە ەندٸ. بيىلعى 22 اقپانداعى جاعداي بويىنشا كٶپپەتەرلٸ تۇرعىن ٷيدٸ باسقارۋ بويىنشا 1 735 ۇيىم قۇرىلعان.
باسقارۋدىڭ ەسكٸ فورمالارى 2022 جىلدىڭ 1 شٸلدەسٸنە دەيٸن ٶز قىزمەتٸن جالعاستىرادى. وسى مەرزٸم اياقتالعان سوڭ قازاقستان رەسپۋبليكاسىنىڭ زاڭناماسىندا بەلگٸلەنگەن تەرتٸپپەن جويۋ رەسٸمٸن جٷرگٸزۋٸ تيٸس.
