- بٷگٸندە كەيبٸر استانالىقتار ٶز پەتەرلەرٸن, بولماسا, ٷيدٸڭ بٶلمەلەرٸن جالعا بەرٸپ وتىرعان ازاماتتاردى ۋاقىتشا تٸركەۋگە الۋعا اسىقپايدى. سەبەبٸ ودان كەيٸن قوسىمشا سالىق پەن كوممۋنالدىق تٶلەمدەردٸ تٶلەۋگە تۋرا كەلەدٸ دەپ ويلايدى. وسىعان بايلانىستى بٸرەۋلەر پەتەر جالدايتىندارعا ٶز تۋىستارىنىڭ ٷيٸنە ۋاقىتشا تٸركەلۋدٸ سۇراسا, ەندٸ بٸرەۋلەر جالعا بەرٸپ وتىرعان بٶلمەلەرٸن مٷلدەم بوساتۋدى كٶزدەيدٸ, دەپ xابارلايدى قازاقپارات تٸلشٸسٸ.
«يە, xالىق اراسىندا سونداي بٸر سىبىس تاراپ جٷر. پەتەر جالداپ وتىرعان ازاماتتاردى دا ۋاقىتشا تٸركەۋگە السا, ٷيدٸڭ سالىعىن, تٸپتٸ كوممۋنالدىق تٶلەمدەردٸڭ مٶلشەرٸ دە ٶسەدٸ دەيدٸ. ٶزٸم ناقتىسىن بٸلمەدٸم. بٸراق جالعا بەرٸپ وتىرعان ەكٸ بٶلمەم بار. قازٸر ٷيدەگٸلەرمەن اقىلداسىپ جاتىرمىز. بەلكٸم, ەكٸ بٶلمەنٸ دە بوساتىپ, جالعا بەرۋدٸ مٷلدەم دوعاراتىن شىعارمىز. بٸراق ودان كەيٸن يپوتەكانىڭ اقشاسىن قالاي شىعاراتىنىمىزدى بٸلمەي وتىرمىز», - دەيدٸ دارييا ەسٸمدٸ استانا قالاسىنىڭ تۇرعىنى.
ەۋرازييا ۇلتتىق ۋنيۆەرسيتەتٸنٸڭ «پاسپورت ٷستەلٸندە» ٸستەيتٸن مايرا مۇسابەكوۆا دا كەيبٸر استانالىقتاردىڭ پەتەردٸ جالعا بەرٸپ جاتقان ازاماتتاردى ۋاقىتشا تٸركەۋگە الماي وتىرعانىن راستاپ وتىر. «بٷگٸن عانا ماعان بٸر قىزمەتكەرٸمٸز كەلٸپ كەتتٸ. ٶزٸ جالدامالى ٷيدە تۇرادى. يەسٸ ۋاقىتشا تٸركەۋگە العىسى كەلمەي, جۇمىس ٸستەيتٸن ۋنيۆەرسيتەتكە بارىپ تٸركەلٸپ كەل دەپتٸ», - دەيدٸ م.مۇسابەكوۆا.
ال ەلوردادا پەتەر جالداپ جٷرگەن ازامات ەسٸمدٸ جاس جٸگٸتتٸڭ ايتۋىنشا, ٷيدٸڭ يەسٸ ودان تۋعان-تۋىستارىنىڭ ٷيٸندە ۋاقىتشا تٸركەۋگە تۇرۋدى ٶتٸنگەن.
.jpeg)