ارمەنييادا پرەمەر-مينيستر مٸندەتٸن اتقارۋشى نيكول پاشينيان كەزەكتەن تىس پارلامەنت سايلاۋىندا جەڭٸسكە جەتكەنٸن مەلٸمدەگەننەن كەيٸن نەگٸزگٸ وپپوزيتسييالىق بلوك سايلاۋ نەتيجەسٸن مويىندامايتىنىن ايتتى, دەپ جازادى ازاتتىق.
سايلاۋ بيۋللەتەندەرٸنٸڭ جارتىسىنان استامى ەسەپتەلگەننەن كەيٸن نيكول پاشينياننىڭ "ازاماتتىق كەلٸسٸم" پارتيياسى سايلاۋشىلاردىڭ – 58,5 پايىز داۋىسىن, ال بۇرىنعى پرەزيدەنت روبەرت كوچارياننىڭ بلوگى 18,8 پايىز داۋىس العانى حابارلاندى.
"ارمەنييا حالقى "ازاماتتىق كەلٸسٸم" پارتيياسىنا ەلدٸ باسقارىپ, مەنٸ پرەمەر-مينيستر رەتٸندە قىزمەت ەتۋگە ٶكٸلەت بەردٸ. بٸز سٶزسٸز جەڭٸسكە جەتتٸك جەنە پارلامەنتتەگٸ ورىنداردىڭ باسىم بٶلٸگٸنە يە بولامىز" دەدٸ پاشينيان 21 ماۋسىمعا قاراعان تٷنٸ. ول كەشكە قاراي جاقتاستارىن ەرەۆانداعى ورتالىق الاڭعا بارۋعا ٷندەدٸ.
كٶپ ۇزاماي كوچاريان بلوگى سايلاۋداعى زاڭبۇزۋشىلىقتار تولىق انىقتالمايىنشا نەتيجەسٸن مويىندامايتىنىن حابارلادى.
"سايلاۋ ۋچاسكەلەرٸنەن ۇيىمداسقان جەنە جوسپارلى تٷردە داۋىس بۇرمالانعانى جايلى جٷزدەگەن حابارلاما سايلاۋ نەتيجەسٸنە سەنٸمسٸزدٸك تۋدىرادى" دەلٸنگەن بلوك مەلٸمدەمەسٸندە.
سايلاۋالدى ەلەۋمەتتٸك ساۋالناما پاشينيان مەن كوچارياننىڭ جاڭادان قۇرعان بلوگى اراسىندا تارتىستىڭ قىزۋ بولاتىنىن كٶرسەتكەن.
كەزەكتەن تىس پارلامەنت سايلاۋى بىلتىر كٷزدە التى اپتاعا سوزىلعان تاۋلى قاراباق ٷشٸن سوعىستان كەيٸن تۋىنداعان ساياسي داعدارىسپەن تۇسپا-تۇس كەلٸپ وتىر. سوعىستان كەيٸن ارمەنييا ەزەربايجان جاعىنا تاۋلى قاراباقتىڭ ەدەۋٸر بٶلٸگٸن قايتارعان.
2018 جىلى حالىق تولقۋى كەزٸندە بيلٸككە كەلگەن پاشينياننىڭ بەدەلٸ سوعىسقا دەيٸن 60 پايىز بولسا, سوعىستان كەيٸن 24 پايىزعا دەيٸن تٶمەندەپ كەتكەن. بٸراق سوعان قاراماستان ساراپشىلار پاشينيان مىڭداعان ادامدى ەلٸ دە سوڭىنان ەرتە الاتىنىن كٶرسەتتٸ دەپ سانايدى.
سايلاۋعا داۋىس بەرۋگە قۇقىعى بار ازاماتتاردىڭ 49,4 پايىزى قاتىسقان. (ياعني, 2 593 572 ادامنىڭ 1 281 174-ٸ داۋىس بەرگەن).
زاڭ بويىنشا, پارلامەنتكە ٶتۋ ٷشٸن پارتييالار كەمٸندە – 5 پايىز, بلوكتار 7 پايىز داۋىس جيناۋ كەرەك.
داۋىس بەرۋ كەزٸندە پارتييا ٶكٸلدەرٸ, باقىلاۋشىلار مەن قۇقىق قورعاۋ ورگاندارى بٸرقاتار زاڭبۇزۋشىلىقتار بولعانىن حابارلادى. اتاپ ايتقاندا, ايماقتاردا سايلاۋشىلاردى ساتىپ الۋ, ولارعا قىسىم جاساۋ, داۋىس بەرۋ پروتسەدۋراسىنىڭ ساقتالماۋى سيياقتى زاڭسىزدىقتار تٸركەلگەن. سايلاۋمەن بايلانىستى كەمٸندە ەكٸ اتىس بولعان.
