بٷگٸن پارلامەنت پالاتالارىنىڭ بٸرلەسكەن وتىرىسىندا مەجٸلٸس تٶراعاسى ەرلان قوشانوۆ پارلامەنتتٸڭ وسى سەسسيياسى بارشا قازاقستاندىق قوعام ٷشٸن ايرىقشا جاۋاپتى كەزەڭدە ٶتكەنٸن ايتتى, دەپ حابارلايدى قازاقپارات.
«بٷگٸن بٸز جەتٸنشٸ سايلانعان قازاقستان رەسپۋبليكاسى پارلامەنتٸنٸڭ ەكٸنشٸ سەسسيياسىنىڭ جۇمىسىن اياقتاپ, قورىتىندىلاپ وتىرمىز. وسى سەسسييانىڭ نەگٸزگٸ ستراتەگييالىق باسىمدىقتارىن قازاقستان رەسپۋبليكاسىنىڭ پرەزيدەنتٸ قاسىم-جومارت كەمەلۇلى توقاەۆ ٶتكەن جىلعى قىركٷيەكتە سەسسييانىڭ اشىلۋىندا, سونداي-اق قازاقستان حالقىنا جولداۋىندا ايقىنداپ بەرگەن بولاتىن. ٶتكەن كەزەڭدە پارلامەنتتٸڭ قىزمەتٸ بەلگٸلٸ وقيعالار مەن ماڭىزدى شەشٸمدەرگە تولى بولدى. بٸرٸنشٸدەن, بيىلعى سەسسييا قازاقستان رەسپۋبليكاسى تەۋەلسٸزدٸگٸنٸڭ 30 جىلدىعى اياسىندا ٶتتٸ. بۇل ەلٸمٸزدٸڭ باستى مەملەكەتتٸك مەرەكەسٸ عانا ەمەس, بارشا قازاقستاندىقتاردى بٸرٸكتٸرەتٸن ۇلتتىق تاريحي ماڭىزدى كەزەڭ. ەكٸنشٸدەن, تەۋەلسٸزدٸكتٸڭ 30 جىلدىعىنداعى ماڭىزدى كەزەڭدەردٸڭ بٸرٸ – قازاقستان رەسپۋبليكاسى پارلامەنتٸنٸڭ 25 جىلدىق مەرەيتويى. پارلامەنتتٸڭ قالىپتاسۋى مەن دامۋى ەگەمەن قازاقستاننىڭ تاعدىرىمەن تىعىز بايلانىستى. ٷشٸنشٸدەن, ەل دامۋىنداعى جاڭا كەزەڭنٸڭ باستالۋىن بٸلدٸرەتٸن كونستيتۋتسيياعا تٷزەتۋلەر جٶنٸندەگٸ رەسپۋبليكالىق رەفەرەندۋم بولدى», - دەدٸ قوشانوۆ.
وسى ورايدا ول پارلامەنتتٸڭ وسى سەسسيياسى بارشا قازاقستاندىق قوعام ٷشٸن ايرىقشا جاۋاپتى كەزەڭدە ٶتكەنٸن اتاپ ٶتتٸ.
«ەڭ الدىمەن, بٸز ەكٸ جىلعا سوزىلعان كوروناۆيرۋس پاندەميياسىن ەڭسەرٸپ قانا قويماي, ورتاق كٷش-جٸگەرٸمٸزدٸڭ ارقاسىندا ايتارلىقتاي نەتيجەلەرگە قول جەتكٸزدٸك. دەنساۋلىق ساقتاۋ جٷيەسٸندەگٸ تەسٸلدەر ٶزگەرتٸلدٸ, بٸلٸم بەرۋ سالاسىندا وقىتۋدىڭ جاڭا ستاندارتتارى ەنگٸزٸلدٸ, بيزنەستٸڭ, بانك جەنە قارجى قۇرىلىمدارىنىڭ, قىزمەت كٶرسەتۋ جەنە كٶلٸك سالاسىنىڭ جۇمىس فورماتى ٶزگەردٸ. كوروناۆيرۋس پاندەميياسى كەزەڭٸندەگٸ شەكتەۋ شارالارى پارلامەنتتٸڭ قىزمەتٸنە دە ٶز ەرەكشەلٸگٸن ەنگٸزدٸ», - دەدٸ مەجٸلٸس تٶراعاسى.
«قاڭتاردا ەلٸمٸز ٷلكەن قاتەردەن امان-ەسەن شىقتى. مۇنداي وقيعا مەملەكەتٸمٸزدٸڭ جاڭا تاريحىندا بۇرىن سوڭدى بولماعان. سوعان ساي, دەر كەزٸندە جەنە جەدەل ەرەكەت ەتۋ قاجەت بولدى. مەملەكەت باسشىسى قاسىم-جومارت كەمەلۇلى توقاەۆتىڭ جٸگەرلٸ شەشٸمدەرٸ ەلدٸ تەرروريستٸك سوققىدان امان الىپ شىعىپ, جاعدايدى قىسقا مەرزٸم ٸشٸندە تۇراقتاندىردى. بۇل بٸزدٸڭ ەلٸمٸز بەن مەملەكەتٸمٸزدٸ ساقتاۋ جولىنداعى بٸردەن-بٸر دۇرىس ەرٸ بايىپتى قادام بولدى. وسىنداي كٷردەلٸ كەزەڭدە, مەملەكەت باسشىسى پارلامەنت قابىرعاسىندا قازاقستان حالقىنا جولداۋ جاساپ, اۋقىمدى ساياسي جاڭعىرتۋ باعدارلاماسىن ۇسىندى. ساياسي ترانسفورماتسييانىڭ نەگٸزگٸ ٶزەگٸ – جاڭا ەرٸ ەدٸلەتتٸ قازاقستان قۇرۋ, بارلىق قازاقستاندىقتارعا بٸردەي مٷمكٸندٸكتەر جاساۋ. ال ٶتكەن رەفەرەندۋمنىڭ قورىتىندىلارى قازاقستاندىقتاردىڭ باسىم كٶپشٸلٸگٸنٸڭ پرەزيدەنتتٸڭ ساياسي جاڭعىرتۋ باعدارلاماسىن قولدايتىنىن كٶرسەتتٸ», - دەدٸ ەرلان قوشانوۆ.
بۇدان بۇرىن حابارلانعانداي, قوشانوۆ ەكٸنشٸ سەسسييانىڭ زاڭنامالىق كٷن تەرتٸبٸ ايتارلىقتاي مازمۇندى بولعانىن ايتتى.
«مەسەلەن, پرالامەنت پالاتالارىنىڭ 4-شٸ بٸرلەسكەن وتىرىسى ٶتتٸ. مەجٸلٸستٸڭ 42 جالپى وتىرىسى ٶتٸپ, وندا 271 مەسەلە قارالدى. سەناتتىڭ 42 جالپى وتىرىسى ٶتٸپ, وندا 148 مەسەلە قارالدى. وسى سەسسييا كەزٸندە قوس پالاتانىڭ جۇمىسىندا 127 زاڭ جوباسى بولدى, ونىڭ 78-ٸ قابىلداندى», - دەدٸ مەجٸلٸس تٶراعاسى.
