مەملەكەت باسشىسى قاسىم-جومارت توقاەۆ ەلٸمٸزدە ورىن الىپ جاتقان ساياسي رەفورمالارعا قاتىستى پٸكٸر بٸلدٸردٸ, دەپ حابارلايدى قازاقپارات.
«مەملەكەت باسشىسىنا قاتىستى «پرەزيدەنتكە قانداي دا بٸر ساياسي پارتييا قاتارىندا بولۋدىڭ قاجەتٸ جوق» دەپ شەشٸم قابىلدادىم جەنە بۇل تەجٸريبە بولاشاقتا دا قولدانىستا بولاتىن شىعار. ياعني, قازٸرگٸ ۋاقىتتا مەن پارتييا قاتارىندا ەمەسپٸن. مۇنىڭ ٷستٸنە ەلٸمٸز ٷشٸن ماڭىزدى پرەزيدەنتتٸڭ جاقىن تۋىستارىنا قاتىستى نورما ەنگٸزٸلدٸ. جاڭا كونستيتۋتسيياعا سەيكەس ولاردىڭ مەملەكەتتٸك قىزمەتتە لاۋازىمدا بولۋىنا جەنە كۆازيمەملەكەتتٸك سەكتوردا, ياعني مەملەكەتتٸك كومپانييالاردا باسشىلىق قىزمەت اتقارۋعا قۇقىعى جوق», - دەدٸ قر پرەزيدەنتٸ رەسەيلٸك جۋرناليست اندرەي كوندراشوۆقا بەرگەن سۇحباتىندا.
مەملەكەت باسشىسىنىڭ اتاپ ٶتۋٸنشە, قازٸرگٸ جاعدايدا بيلٸكتٸڭ پارلامەنتتٸك جٷيەگە كٶشۋٸ قيسىنسىز بولار ەدٸ.
«بۇل ٸركٸلٸس پەن قاراما-قارسىلىق جٷيەسٸن كٷشەيتە تٷسەدٸ دەپ ويلايمىن. مەنٸڭشە, بۇل - دۇرىس جٷيە. ٶيتكەنٸ, قازاقستانداعى ازاماتتىق قوعام تولىسقان. دەل وسى جٷيەگە سۇرانىس ٶتە جوعارى. باتىستاعى كەيبٸر بەلسەندٸلەر مەن بايقاۋشىلار ٷندەپ جٷرگەن پارلامەنتتٸك جٷيەگە كٶشۋگە قاتىستى ايتار بولسام, ەرينە, مەن بۇل جٷيەنٸ حالىققا ۋەدە ەتكەنٸم جوق جەنە ٶتە كٷردەلٸ گەوساياسي جاعدايدا ول ەلٸمٸز ٷشٸن جەتكٸلٸكسٸز دەپ سانايمىن. پرەزيدەنتتٸك رەسپۋبليكا, بٸراق, كٷشتٸ پارلامەنتٸ جەنە ەسەپ بەرەتٸن ٷكٸمەتٸ بار. ايتپاقشى, «كٷشتٸ پرەزيدەنت – ىقپالدى پارلامەنت – ەسەپ بەرەتٸن ٷكٸمەت» فورمۋلاسىن پرەزيدەنت لاۋازىمىنا كەلمەي تۇرىپ-اق ۇسىنعان ەدٸم», - دەدٸ توقاەۆ.
