بٷگٸن پارلامەنت سەناتىنىڭ جالپى وتىرىسىندا «پەداگوگ مەرتەبەسٸ تۋرالى» زاڭ قابىلداندى, دەپ حابارلايدى "ۇلت اقپارات".
«پەداگوگ مەرتەبەسٸ تۋرالى» زاڭ جوباسى 21 باپتان تۇرادى جەنە جارتى ميلليوننان استام ۇستازدىڭ جۇمىسىنا قاتىستى. جالپى, زاڭ جوباسى تٶرت باعىتتى قامتيدى. بٸرٸنشٸدەن, ۇستازداردىڭ قۇقىقتارىن كەڭەيتۋ جەنە ٶزٸنە تەن ەمەس جۇمىستاردان بوساتۋ, ولاردىڭ جٷكتەمەسٸن ازايتۋ. ەكٸنشٸدەن, مۇعالٸمنٸڭ قىزمەتٸنە قويىلاتىن تالاپتاردى كٷشەيتۋ. ٷشٸنشٸدەن, ماتەريالدىق ەمەس ىنتالاندىرۋ تەتٸكتەرٸ, سونداي-اق تٶرتٸنشٸدەن, ماتەريالدى ىنتالاندىرۋ قادامدارى», - دەدٸ قر بٸلٸم جەنە عىلىم مينيسترٸ اسحات ايماعامبەتوۆ.
ونىڭ سٶزٸنە قاراعاندا, بٸرٸنشٸ باعىت - پەداگوگتاردىڭ قۇقىقتارى بويىنشا بٸرنەشە نورما قاراستىرىلعان. ولاردىڭ بارلىعى مۇعالٸمنٸڭ جەكە دامۋىنا جەنە وقۋ پروتسەسٸن جەتٸلدٸرۋگە مٷمكٸندٸك بەرەدٸ. مۇعالٸمدەردٸ ارتىق جۇمىسقا, ٶزٸنٸڭ قىزمەتٸنە كٸرمەيتٸن جۇمىسقا تارتۋعا, شامادان تىس ەسەپ بەرۋگە, قاعازباستىلىققا, نەگٸزسٸز تەكسەرۋ جٷرگٸزۋگە تىيىم سالۋ ارقىلى جٷكتەمەنٸ ازايتۋ بويىنشا جەكە نورمالار كٶزدەلگەن.
«پەداگوگ مەرتەبەسٸن ارتتىرۋ ونىڭ قىزمەتٸنە قويىلاتىن تالاپتاردى كٷشەيتۋدٸ قاجەت ەتەدٸ. وسى ورايدا زاڭ جوباسىنا سەيكەس, پەداگوگيكالىق جۇمىسقا جٸبەرٸلمەيتٸن سەبەپتەر دە كەڭەيتٸلدٸ. بۇدان بٶلەك, مۇعالٸمدەردٸڭ ەتيكا مەسەلەلەرٸنە دە كٶڭٸل اۋدارىلىپ وتىر. ەر بٸلٸم مەكەمەسٸندە ەدەپ بويىنشا كەڭەستەر ينستيتۋتى ەنگٸزٸلٸپ, جۇمىس ٸستەيدٸ», - دەدٸ مينيستر.
ا. ايماعامبەتوۆتىڭ ايتۋىنشا, مۇعالٸمدەردٸڭ بالالارىنا بالاباقشاعا بٸرٸنشٸ كەزەكتە ورىن بەرۋ نورماسى قاراستىرىپ وتىر. بارلىق پەداگوگ قىزمەتكەرلەر الداعى ۋاقىتتا 56 كٷندٸك دەمالىسقا شىعا باستايدى.
سونىمەن قاتار اۋىلدىق جەرلەردە جۇمىس ٸستەيتٸن پەداگوگتارعا جەكە تۇرعىن ٷي قۇرىلىسى ٷشٸن جەر ۋچاسكەلەرٸن الۋ ٷشٸن باسىمدىق بەرٸلمەك. بٸلٸم بەرۋ ۇيىمدارىندا جۇمىس ٸستەيتٸن ەر ازاماتتاردى ەسكەري قىزمەتكە شاقىرۋدى كەيٸنگە قالدىرۋ نورماسى دا قاراستىرىلعان. بۇنىڭ الدىندا وسى نورما اۋىلدىق جەرگە قاتىستى بولسا, قازٸرگٸ ۋاقىتتا بۇل نورما كەڭەيتٸلٸپ وتىر.
«مەملەكەت باسشىسىنىڭ تامىز كونفەرەنتسيياسىندا بەرگەن تاپسىرماسىنىڭ اياسىندا تٶرت جىل ٸشٸندە مۇعالٸمدەردٸڭ ەڭبەكاقىسى ەكٸ ەسە ارتادى. بۇل تۇرعىدان الداعى قاڭتار ايىنان باستاپ پەداگوگتاردىڭ جالاقىسى 25 پايىزعا ٶسەدٸ. دەپۋتاتتاردىڭ قولداۋىمەن وسى بەكٸتٸلگەن بيۋدجەتتە تيٸستٸ قاراجات قاراستىرىلعان. بٸز وسى جۇمىسقا قاڭتاردان باستاپ كٸرٸسۋگە دايىنبىز», - دەدٸ اسحات ايماعامبەتوۆ.
بەلگٸلٸ بولعانداي, وقۋ ورىندارىنىڭ مۇعالٸمدەرٸنە ماگيستر دەرەجەسٸ ٷشٸن قوسىمشا اقى ەنگٸزٸلەدٸ.
ايتا كەتەيٸك, سەناتتىڭ جالپى وتىرىسىندا «قازاقستان رەسپۋبليكاسىنىڭ كەيبٸر زاڭنامالىق اكتٸلەرٸنە پەداگوگ مەرتەبەسٸ, وقۋشى مەن مۇعالٸمگە جٷكتەمەنٸ تٶمەندەتۋ مەسەلەلەرٸ بويىنشا ٶزگەرٸستەر مەن تولىقتىرۋلار ەنگٸزۋ تۋرالى» زاڭى دا ەكٸ وقىلىمدا قارالىپ, قابىلداندى.
