بٷگٸن پارلامەنت مەجٸلٸسٸنٸڭ جالپى وتىرىسىندا پالاتا دەپۋتاتتارى سىبايلاس جەمقورلىققا قارسى ٸس-قيمىل مەسەلەلەرٸ بويىنشا قۇجاتقا سەنات ەنگٸزگەن تولىقتىرۋلارمەن كەلٸستٸ, دەپ حابارلايدى "ۇلت اقپارات".
«قازاقستان رەسپۋبليكاسىنىڭ كەيبٸر زاڭنامالىق اكتٸلەرٸنە سىبايلاس جەمقورلىققا قارسى ٸس-قيمىل مەسەلەلەرٸ بويىنشا ٶزگەرٸستەر مەن تولىقتىرۋلار ەنگٸزۋ تۋرالى» قر زاڭ جوباسىن پارلامەنت مەجٸلٸسٸ 2020 جىلعى 3 ماۋسىمدا ماقۇلداعان. سەنات ەنگٸزگەن ٶزگەرٸستەر مەجٸلٸس ماقۇلداعان زاڭ جوباسىنىڭ تۇجىرىمداماسىن ٶزگەرتپەيدٸ جەنە مازمۇنىن ناشارلاتپايدى. قر ەكٸمشٸلٸك قۇقىق بۇزۋشىلىق تۋرالى كودەكسٸنەن تٷزەتۋلەردٸ الىپ تاستاۋ – وسى كودەكسكە جەكە زاڭمەن عانا ٶزگەرٸستەر نەمەسە تولىقتىرۋلار ەنگٸزۋدٸ تالاپ ەتەتٸن نورمانىڭ 2020 جىلعى 1 شٸلدەدەن باستاپ كٷشٸنە ەنۋٸنە بايلانىستى. باس كوميتەتتٸڭ وتىرىسىندا كەلٸپ تٷسكەن ٶزگەرٸستەر جان-جاقتى قارالدى. وسىعان وراي حالىقارالىق ٸستەر, قورعانىس جەنە قاۋٸپسٸزدٸك كوميتەتٸ سەنات ەنگٸزگەن ٶزگەرٸستەرمەن كەلٸسۋدٸ ۇسىنادى», - دەدٸ دەپۋتات جانات جاراسوۆ.
بۇدان بۇرىن حابارلانعانداي, بيىل 17 قىركٷيەكتە پارلامەنت سەناتىنىڭ جالپى وتىرىسىندا پالاتا دەپۋتاتتارى «قازاقستان رەسپۋبليكاسىنىڭ كەيبٸر زاڭنامالىق اكتٸلەرٸنە سىبايلاس جەمقورلىققا قارسى ٸس-قيمىل مەسەلەلەرٸ بويىنشا ٶزگەرٸستەر مەن تولىقتىرۋلار ەنگٸزۋ تۋرالى» زاڭ جوباسىن ەكٸنشٸ وقىلىمدا تالقىلادى. قۇجاتقا تولىقتىرۋلار ەنگٸزٸلگەندٸكتەن, زاڭ جوباسى مەجٸلٸسكە قايتارىلدى.
زاڭ جوباسىنىڭ نەگٸزگٸ مٸندەتٸ – سىبايلاس جەمقورلىق كٶرٸنٸستەرٸنٸڭ جٷيەلٸ تٷردە الدىن الۋ جٶنٸندەگٸ قوسىمشا شارالاردى ەنگٸزۋ. اتاپ ايتقاندا, مەملەكەتتٸك قىزمەتشٸگە قۇنى قانداي دا بولسىن سىيلىقتار سىيلاۋعا تىيىم بەلگٸلەنەدٸ. سونداي-اق ٶزٸنە سىبايلاس جەمقورلىق شەكتەۋلەرٸن قابىلدايتىن ادامداردىڭ وتباسى مٷشەلەرٸنە ماتەريالدىق سىيلىقاقى, سىيلىقتار نەمەسە كٶرسەتٸلەتٸن قىزمەتتەر قابىلداۋعا تىيىم ەنگٸزٸلەدٸ.
