بٷگٸن, 26 شٸلدە كٷنٸ 2024 جىلعى پاريج وليمپياداسى سالتاناتتى تٷردە اشىلادى, دەپ حابارلايدى "ۇلت اقپارات" Olympic.kz سٸلتەمە جاساپ.
سالتاناتتى رەسٸم بۇرىنعى وليمپيادالاردان ٶزگەرەك بولماق. دەستٷرلٸ سپورتشىلار شەرۋٸ بيىل ەلدەقايدا باسقاشا فورماتتا ٶتەدٸ. اتاپ ايتار بولسا, شەرۋ ستاديوندا ەمەس, ٶزەندە ٶتپەكشٸ. سپورتشىلار دەلەگاتسيياسىنىڭ شەرۋٸن پاريجدەگٸ سەنا ٶزەنٸ قابىلدايدى.
ەربٸر قۇراماعا ارنايى قايىق بٶلٸنەدٸ (قايىق سانى 100-گە جۋىقتاۋى مٷمكٸن. سەبەبٸ, بٸرقاتار قۇرامالار بٸر قايىققا سىيمايدى). ال ٶزەن جاعالاۋىنان شەرۋدٸ جانكٷيەرلەر تاماشالاي الادى. سپورتشىلار قايىقپەن التى شاقىرىم جٷزەدٸ. ۇيىمداستىرۋشىلاردىڭ ايتۋىنشا, بۇل شەرۋ پاريج تاريحى مەن ارحيتەكتۋراسىنا ۆيزۋالدى ساياحات بولماق.
شەرۋ تروكادەرو الاڭىنىڭ ماڭىندا اياقتالادى. مۇندا اشىلۋ سالتاناتىنىڭ كەلەسٸ بٶلٸگٸ - وليمپيادا الاۋىن جاعۋ رەسٸمٸ ٶتەدٸ.
شوۋدى فرانتسييالىق تەاتر رەجيسسەرٸ ەرٸ اكتەر توما جوللي دايىنداعان. قويىلىمعا 3000-عا جۋىق ەرتٸستەر قاتىسادى. سونداي-اق, ەنشٸلەر سەلين ديون مەن لەدي گاگا ٶنەر كٶرسەتەدٸ دەپ كٷتٸلۋدە.
قازاقستان ۋاقىتىمەن تٸكەلەي كٶرسەتٸلٸم ساعات 22:30-دا Qazaqstan, Qazsport, Jibek Joly جەنە "حابار" ارنالارىنان كٶرسەتٸلەدٸ.
ايتا كەتەلٸك, بوكسشى اسلانبەك شىمبەرگەنوۆ پەن ولگا سافرونوۆا ەلٸمٸزدٸڭ تۋىن ۇستاپ شىعادى.
