توكيودا ٶتٸپ جاتقان پاراليمپيادا ويىندارىندا قازاقستان كومانداسى العاشقى "التىنىن" يەلەندٸ, دەپ حابارلايدى "ۇلت اقپارات" وlympic.kz-كە سٸلتەمە جاساپ.
پاۋەرليفتينگتەن ەرلەر اراسىندا 54 كەلٸگە دەيٸنگٸ سالماقتا سىنعا تٷسكەن داۆيد دەگتيارەۆ پاراليمپيادا چەمپيونى اتاندى.
ول ٶزٸنٸڭ ٷزدٸك نەتيجەسٸندە 174 كەلٸنٸ كٶتەرٸپ, التىن مەدال جەڭٸپ الدى.
بۇل سالماقتا فرانتسۋز بۋرلون اكسەل (165 كگ) «كٷمٸس» جٷلدەگە يە بولسا, «قولا» جٷلدە گرەك باكوچريستوس ديميتريوسكە (165 كگ) بۇيىردى.
وسىلايشا, قازاقستان قۇراماسى پاراليمپيادا ويىندارى اياسىندا بٸرٸنشٸ ماراپاتقا يە بولدى.
داۆيد دەگتيارەۆ 1996 جىلى اقمولا وبلىسىنىڭ اتباسار قالاسىندا دٷنيەگە كەلگەن. ول پارا پاۋەرليفتينگپەن 2016 جىلدان بەرٸ اينالىسقان. جەكە جاتتىقتىرۋشىسى - كولەسنيكوۆ يۋريي نيكولاەۆيچ. 2021 جىلى تبليسيدە ٶتكەن ەلەم كۋبوگٸندە 185 كگ-عا دەيٸن سالماق كٶتەرٸپ, ازييا رەكوردشىسى بولدى.
ايتا كەتسەك, قازاقستان تاراپىنان 26 پاراسپورتشى 7 سپورت تٷرٸ بويىنشا قاتىسىپ, ەل نامىسىن قورعايدى. پاراليمپيادا ويىندارى 2021 جىلدىڭ 24 تامىزىنان – 5 قىركٷيەك ارالىعىندا توكيودا ٶتٸپ جاتىر.
