قازاقستان مەديتسينا ۋنيۆەرسيتەتٸنٸڭ ەپيدەميولوگييا, بيوستاتيستيكا جەنە دەلەلدٸ مەديتسينا كافەدراسىنىڭ دوتسەنتٸ رافايل قىپشاقباەۆ كوروناۆيرۋس پاندەميياسىنىڭ قاشان اياقتالاتىنى تۋرالى بولجامىن ايتتى, دەپ حابارلايدى قازاقپارات.
«بولجام جاساۋ - ابىروي بەرمەيتٸن ٸس. پاندەميياعا كەلسەك, بۇعان دەيٸنگٸ تۇسپالدارىم تەرٸس كەتٸپ كٶرگەن جوق. ۆيرۋس مۋتاتسيياعا تٷسكەن سايىن تارالۋ اۋقىمى كەڭەيەتٸنٸن, ٸندەت جۇقتىرعانداردىڭ سانى ارتا تٷسەتٸنٸن, بٸراق اۋىرتپالىعى العاشقىدان جەڭٸلٸرەك بولاتىنىن ايتقان ەدٸم. سولاي بولدى دا. بەلكٸم, كوروناۆيرۋس سيمپتومسىز ينفەكتسييا دەڭگەيٸنە دەيٸن تٷرلەنەتٸن شىعار. ياعني, بٸرٸنشٸدەن, ۆيرۋس عايىپ بولمايدى. ول بٸزبەن بٸرگە ٶتە ۇزاق ٶمٸر سٷرەتٸن شىعار. يە, قازٸر بٸز ۆيرۋستىڭ سالدارىمەن عانا كٷرەسٸپ وتىرمىز. سەبەبٸن ەمدەۋ مٷمكٸن بولماي تۇر. وسىنى ەسكەرسەك, پاندەمييا توقتاي قويمايدى», - دەدٸ عالىم دەنساۋلىق مينيسترلٸگٸ ۇيىمداستىرعان ونلاين دەرٸستە.
ماماننىڭ ايتۋىنشا, كوروناۆيرۋستىڭ تۇماۋ سيياقتى دەڭگەيدەگٸ اۋرۋعا اينالاتىنى تۋرالى بولجامداردىڭ نەگٸزٸ بار.
«كوروناۆيرۋس پاندەميياسىنا بايلانىستى شەكتەۋ شارالارىنىڭ بەرٸ 1-1,5 جىلدان كەيٸن اياقتالۋى مٷمكٸن. سودان كەيٸن بۇل ۆيرۋس ٶمٸرٸمٸزگە مىقتاپ ەنٸپ, تۇماۋ مەن سۋىق تييۋ اراسىنداعى اۋىرتپالىعى بار اۋرۋ قوزدىرعىشقا اينالادى. سيرەك جاعدايلاردا تەۋەكەل توپتارىنىڭ ٶكٸلدەرٸ ٷشٸن اسقىنۋلارى بولۋى مٷمكٸن. بٸراق باسىم جاعدايدا ادامدار بۇل ينفەكتسييانى وڭاي ەرٸ جەڭٸل ٶتكەرەدٸ», - دەدٸ رافايل قىپشاقباەۆ.
