الماتىدا پاندەمييا جاعدايىندا قالانىڭ ازىق-تٷلٸك قاۋٸپسٸزدٸگٸن قامتاماسىز ەتۋ – ماڭىزدى مەسەلەلەردٸڭ بٸرٸ بولىپ وتىر. ەكٸمدٸك وسى ماقساتتا بٸرقاتار ماڭىزدى شارانى قولعا الدى, دەپ حابارلايدى "ۇلت اقپارات".
قالالىق ەكٸمدٸك قالا تۇرعىندارىن ٷزدٸكسٸز ازىق-تٷلٸكپەن قامتۋ ٷشٸن ۋاقىتىندا ٸرٸ ٶندٸرۋشٸلەرمەن تيٸمدٸ باعادا كەلٸسٸمشارتقا وتىرىپ ٷلگەرگەن. بۇل ازىق-تٷلٸكتٸڭ تۇراقتاندىرۋ قورىن قۇرۋعا مٷمكٸندٸك بەردٸ.
تۇراقتاندىرۋ قورىن تولىقتىرۋعا جەرگٸلٸكتٸ بيۋدجەتتەن 7 ملرد تەڭگە قاراجات بٶلٸندٸ. جىل باسىنان بەرٸ ەلەۋمەتتٸك تۇرعىدان ماڭىزدى ازىق-تٷلٸكتەردٸڭ باعا يندەكسٸ 108,1% بولعان (قازاقستاندا – 109%).
بۇدان بٶلەك «اينالىم» سىزباسى اياسىندا اۋىلشارۋاشىلىق ٶنٸمدەرٸن ساۋدا جەلٸلەرٸ ارقىلى بەلگٸلەنگەن باعامەن ساتۋ جالعاسىپ جاتىر. بيىل قاراشا ايىنان باستاپ جالپى قۇنى 1,5 ملرد تگ بولاتىن 12 مىڭ توننا «كٶكٶنٸس قورى» ساتىلا باستادى.
سونىمەن قاتار, «اقساي» نان-توقاش كومبيناتى» جشس-نە 1 سۇرىپتى ۇننان ەلەۋمەتتٸك نان ٶندٸرۋ ٷشٸن 1 ملرد تگ كٶلەمٸندە جەڭٸلدەتٸلگەن نەسيە بەرٸلدٸ.
اۋىلشارۋاشىلىق ٶنٸمدەرٸن ٶندٸرۋشٸلەر مەن ديستريبيۋتورلارعا نەسيە بەرۋ جايى پىسىقتالىپ جاتىر. اۋىلشارۋاشىلىق ٶنٸمدەرٸن تٸكەلەي جەتكٸزۋ ۇيىمداستىرىلىپ جاتىر.
سونىمەن قاتار, بٷگٸندە سانيتارلىق شارالاردى ساقتاي وتىرىپ, دەمالىس كٷندەرٸندە 7 جەرمەڭكە كەزەڭ-كەزەڭٸمەن ٶتكٸزٸلدٸ. مۇندا الماتى وبلىسىنىڭ قالاعا جاقىن ورنالاسقان اۋداندارىنىڭ اۋىلشارۋاشىلىق ٶنٸمدەرٸن ٶندٸرۋشٸلەرٸ مەن الماتى قالاسىنىڭ تاماق ٶنەركەسٸبٸ كەسٸپورىندارى ٶنٸمدەرٸن بازارداعىدان تٶمەن باعامەن ساتىپ جاتىر.
جاقىندا الماتى, جامبىل وبلىستارىنىڭ اۋىل شارۋاشىلىعى ٶنٸمدەرٸن ٶندٸرۋشٸلەردٸڭ كەڭەيتٸلگەن جەرمەڭكەلەرٸ ٶتتٸ. وندا 760 توننادان استام ٶنٸم ساتىلدى.
قابىلدانعان شارالار اياسىندا قالانى نەگٸزگٸ ازىق-تٷلٸك تاۋارلارىمەن قامتاماسىز ەتۋ جاعدايى تۇراقتى. ەلەۋمەتتٸك ماڭىزى بار ازىق-تٷلٸك ٶنٸمدەرٸنٸڭ باعاسىن تۇراقتاندىرۋ بويىنشا جۇمىستار جالعاسىپ جاتىر.
