فوتو: twitter.com/MeghUpdates
پەكٸستاننىڭ وڭتٷستٸك-باتىسىندا جانكەشتٸ لاڭكەس ٶزٸن جارىپ جٸبەردٸ, - دەپ حابارلايدى Massaget.kz پورتالى DW-عا سٸلتەمە جاساپ.
شابۋىل بەلۋدجيستان پروۆينتسيياسىنىڭ استاناسى كۆەتتادان شىعىسقا قاراي 160 شاقىرىم جەردە ورنالاسقان سيبي قالاسى ماڭىندا بولعان. بيلٸك ٶكٸلدەرٸنٸڭ ايتۋىنشا, جانكەشتٸ موتوتسيكلمەن كەلە جاتىپ, پوليتسييانىڭ جٷك كٶلٸگٸنە سوعىلعان.
جارىلىس سالدارىنان توعىز قاۋٸپسٸزدٸك قىزمەتكەرٸ قازا تاپتى. تاعى 16 ادام جاراقات الدى.
بيلٸك ٶكٸلدەرٸ مەلٸمەتٸنشە, پوليتسەيلەر بٸر اپتالىق مال كٶرمەسٸندە قاۋٸپسٸزدٸك شاراسىن ساقتاپ, سودان قايتىپ كەلە جاتقان.
ەزٸرگە بٸردە-بٸر توپ جارىلىس ٷشٸن جاۋاپكەرشٸلٸكتٸ ٶز موينىنا العان جوق. بٸراق بۇل قاراشادا ٷكٸمەت پەن تەلٸپتەر اراسىنداعى بەيبٸت كەلٸسسٶزدەر اياقتالعاننان كەيٸن پەكٸستان پوليتسيياسىنا جاسالعان شابۋىلدار كٶبەيۋٸ اياسىندا بولعان. بەلۋدجيستان پروۆينتسيياسى اۋعانستانمەن دە, يرانمەن دە شەكتەسەدٸ.
