Foto: twitter.com/MeghUpdates
Pákistannyń ońtústik-batysynda jankeshti lańkes ózin jaryp jiberdi, - dep habarlaidy Massaget.kz portaly DW-ǵa silteme jasap.
Shabýyl Belýdjistan provintsiiasynyń astanasy Kvettadan shyǵysqa qarai 160 shaqyrym jerde ornalasqan Sibi qalasy mańynda bolǵan. Bilik ókilderiniń aitýynsha, jankeshti mototsiklmen kele jatyp, politsiianyń júk kóligine soǵylǵan.
Jarylys saldarynan toǵyz qaýipsizdik qyzmetkeri qaza tapty. Taǵy 16 adam jaraqat aldy.
Bilik ókilderi málimetinshe, politseiler bir aptalyq mal kórmesinde qaýipsizdik sharasyn saqtap, sodan qaityp kele jatqan.
Ázirge birde-bir top jarylys úshin jaýapkershilikti óz moinyna alǵan joq. Biraq bul qarashada Úkimet pen tálipter arasyndaǵy beibit kelissózder aiaqtalǵannan keiin Pákistan politsiiasyna jasalǵan shabýyldar kóbeiýi aiasynda bolǵan. Belýdjistan provintsiiasy Aýǵanstanmen de, Iranmen de shektesedi.
