فوتو: yandex.kz
كەيٸنگٸ جىلدارى قازاقستان تۇرعىندارى كٶرشٸلەس ٶزبەكستانعا جيٸ ساياحاتتايتىن بولعان. ونىڭ بٸر سەبەبٸ كەز كەلگەن ساياحاتشىنى ٶزٸنە تارتا الاتىن كٶرشٸ ەلدٸڭ كٶرٸكتٸ جەرلەرٸ بولسا, ەكٸنشٸ سەبەبٸ بٸزدٸڭ ەل تۇرعىندارىنىڭ قالتاسىنا اۋىر تيمەيتٸن قولجەتٸمدٸ باعالار. ٶز اعامىزدىڭ ەلٸنە ساياحاتتاۋعا نيەتتٸلەردٸڭ قالاۋىن ەسكەرٸپ, ULT.KZ تٸلشٸسٸ ٶزبەكستانعا ساياحاتتاۋشىلارعا تيٸمدٸ كەڭەستەر ۇسىنادى.
ەدەتتە تۋريستەر ٶزبەكستانعا ورتاعاسىرلىق شىعىستىڭ اتموسفەراسىنا ەنٸپ, جەرگٸلٸكتٸ تۇرعىنداردىڭ سالت-دەستٷرلەرٸمەن تانىسىپ, ەيگٸلٸ ٶزبەك قاۋىن-قاربىزى مەن پالاۋىنان دەم تاتۋ ٷشٸن كەلەدٸ. كٶنە ەسكەرتكٸشتەردٸ ارالاۋدان ٷزٸلٸس العىسى كەلەتٸندەر جەرگٸلٸكتٸ ديسنەيلەندكە بارىپ, شارباق كۋرورتىندا دەمالۋى نەمەسە شىمعان تاۋلارىنا ساياحاتتاۋى, بٸلدٸرساي اسپالى كٶپٸرٸنە مٸنۋلەرٸنە بولادى.
ەل تۋرالى نەگٸزگٸ مەلٸمەتتەر
• ەۋە بيلەتٸنسٸز ەلدە بٸر كٷندٸك كومفورتتى دەمالىسقا 20-30 مىڭ تەڭگە جۇمسالادى. وعان قوناق ٷيدە تٷنەۋ, تاماقتانۋ, پويىزبەن ەلدە تاكسيمەن جٷرۋ, كٶرٸكتٸ جەرلەردٸ ارالاۋ, تەتتٸلەر مەن شاعىن كەدەسىيلار ساتىپ الۋ كٸرەدٸ. بۇل بيۋدجەت قازٸرگٸ تاڭدا جەكە ەكسكۋرسييالىق تۋرلاردىڭ ەسەبٸمەن ەسەپتەلدٸ.
• جەرگٸلٸكتٸ تۇرعىندار قوناقجاي جەنە اقكٶڭٸل. ولار سٸزگە ەش قيىندىقسىز جول كٶرسەتەدٸ, باعالار تۋرالى اقپاراتپەن بٶلٸسەدٸ جەنە تاكسي تابۋعا كٶمەكتەسەدٸ. قوناقجايلىلىعى جاعىنان ٶزبەكستان بارلىق ورتالىق ازييا رەسپۋبليكالارىنىڭ ەش بٸرٸنەن كەم تٷسپەيدٸ.
• كليماتى كٷرت كونتينەنتتٸك, قۇرعاق. رەسپۋبليكانىڭ كٶپ بٶلٸگٸندە جىلىنا 80-200 مم جاۋىن-شاشىن تٷسەدٸ. قاڭتاردا سولتٷستٸك-شىعىستا تەرمومەتر -10 °C-قا جەتەدٸ. ال شٸلدەدە اۋا +50 °C دەيٸن قىزادى. جازدىڭ ىستىعىنا شىدامسىز جاندار ٶزبەكستاندا قىستا قىدىرۋلارىنا بولادى. بۇل مەملەكەتتە قىس جىلى ەرٸ جاۋىن-شاشىننىڭ ازدىعىمەن جايلى.
قاشان بارۋ كەرەك?
ٶزبەكستانعا بارۋدىڭ ەڭ جاقسى ۋاقىتى – جەلتوقسان, ناۋرىز جەنە قىركٷيەك پەن قازان ايلارى. دەگەنمەن ٶزبەكستننىڭ ەسٸگٸ تۋريستەرگە ەرقاشان اشىق. جاز ايلارىندا قاتتى ىستىققا بايلانىستى ساياحاتتاۋ ىڭعايسىز بولۋى مٷمكٸن, بٸراق قۇرعاق كليماتتا ىستىققا تٶزٸمدٸ جاندار كەشكٸ تاشكەنت پەن سامارقاندتىڭ ەسەم كٶرٸنٸستەرٸن تاماشالاۋىنا بولادى.
تاكسيلەر مەن قوعامدىق كٶلٸكتەر كونديتسيونەرمەن سيرەك جابدىقتالعان, سوندىقتان جول جٷرۋ ىڭعايسىز بولادى. كٷز بەن قىس مەزگٸلٸندە اۋا-رايى اشىق جەنە قۇرعاق, ال تەمپەراتۋرا + 15-20 ° C دەيٸن تٶمەندەيدٸ, بۇل ۇزاق سەرۋەندەۋگە وڭتايلى. قىستا قالا ماڭىنداعى شاڭعى كۋرورتتارىنا بارۋعا بولادى, بۇل ۋاقىتتا تۋريستٸك ٶمٸر توقتاپ قالمايدى.
فوتو:flickr.com
اۋا تەمپەراتۋراسىنىڭ جوعارى بولۋىنا قاراماستان ٶزبەكستاندا تىم اشىق كيٸم كييۋ ەدەتكە اينالماعان. ٶزبەكستانعا ساياحاتتاۋ ٷشٸن ەشقانداي ارنايى كيٸم ٷلگٸسٸ تالاپ ەتٸلمەيدٸ. بٸراق تاشكەنتتە جەنە باسقا دا ٸرٸ قالالاردا تۇرعىندار ميني-يۋبكا كيگەندەرگە ەرسٸ قاراۋى مٷمكٸن. ەسكەرەتٸن بٸر جايت, «ەر ەلدٸڭ سالتى باسقا, يتتەرٸ قارا قاسقا», سوندىقتان بۇل ەلدٸڭ دە دەستٷرٸ مەن تانىم-تٷسٸنٸگٸنە قۇرمەت پەن تٷسٸنٸستٸك تانىتقان جٶن. ەرلەر شورتى از كيەدٸ, ال ەيەلدەر يىعى جابىق, جەڭٸل كٶيلەك كييۋگە ەدەتتەنگەن.
قازان جەنە قاراشا ايلارىندا ٶزٸڭٸزبەن بٸرگە جىلى كيٸم العانىڭىز ابزال, ٶيتكەنٸ كەيدە تٷندە اۋا ايتارلىقتاي سۋىتادى.
فوتو:wikipedia.org
باعالار
ٶزبەكستان بويىنشا ساياحاتتاۋ ٷلكەن شىعىنداردى قاجەت ەتپەيدٸ. ەيگٸلٸ تاشكەنت ورتالىعىنداعى پالاۋدىڭ ەڭ قىمبات پورتسيياسى 25 000 - 30 000 سۋم ارالىعىندا (1100 تەنگەدەن سەل استام), شەلپەك نەمەسە سامسا – 7000 سۋم (250 تەڭگەدەن استام), شاي – 2000-5000 سۋم (90-200 تەڭگە ارالىعىندا). اسحانا مەن شايحانالارداعى تاعام ٶتە مايلى بولعانىمەن, ارزان ەرٸ دەمدٸ. قوناق ٷي كافەلەرٸ بارلىق تۋريستەرگە قىزمەت كٶرسەتۋگە قۋانىشتى, شەكسٸز فۋرشەت (شۆەد ستولى) قۇنى 5 دوللار (2500 تەڭگە).
كٶلٸكتٸ جالعا الۋ ەڭ قىمباتقا تٷسەدٸ, دياپازون تەۋلٸگٸنە 15-20 مىڭ تەڭگە ارالىعىندا شىعىندانۋعا تۋرا كەلەدٸ. دەگەنمەن شەتەل كٶلٸكتەرٸن الۋ باعاسى ەلدە قايدا جوعارى. تيٸمدٸسٸ تاكسي قىزمەتٸنە جٷگٸنگەن دۇرىس. شىعىنداردىڭ ەكٸنشٸ نەگٸزگٸ بٶلٸگٸ – جەكە ەكسكۋرسييالىق تۋرلار مەن گيد قىزمەتتەرٸ (كٷنٸنە 15 مىڭ).
قوناق ٷيدٸ ەلەۋمەتتٸك جەلٸ نەمەسە سايتتاردى قولدانىپ برونداۋ وڭاي, سالىستىرمالى تٷردە جايلى قوناق ٷي باعاسى 10 مىڭ تەڭگەدەن باستالادى, جاقسى قوناقٷيدەگٸ بٸر تٷننٸڭ قۇنى 15-30 مىڭ تەڭگەنٸ قۇرايدى. بازارلاردا دەستٷرلٸ ساۋدا نەگٸزٸندە باعا 10-20 پايىزعا كٶتەرٸلەدٸ. سوندىقتان ەرقاشان ساتۋشىمەن ساۋدالاسقان ابزال. بازارلاردا ساۋدالاسۋ ەدەتكە اينالعان جەنە ساۋداگەرلەردٸڭ سٷيٸكتٸ ٸسٸ. ەگەر سٸز بۇل قىزىققا قاتىسقىڭىز كەلمەسە, رەنجٸمەيسٸز, تاۋار سٸزگە ناقتى باعاسىنان سەل قىمباتقا تٷسەدٸ.
قىستا بارۋعا بولاتىن كٶرٸكتٸ جەرلەرٸ
نەگٸزگٸ دەمالىس ورنى تيان-شان تاۋلارىنداعى شىمعان تاۋ شاڭعىسى كۋرورتى. مۇندا تۋريستەردٸ تازا اۋا, شىرشالى ورماندار جەنە اسپالى كٶپٸرمەن سەرۋەندەپ تاۋلاردى ارالاۋ مٷمكٸندٸگٸ قىزىقتىرادى. شىمعان تاشكەنتتەن 80 كم قاشىقتىقتا ورنالاسقان جەنە جىل بويى قوناقتاردى قۋانا قارسى الادى.
تاشكەنت - ٶزبەكستاننىڭ نەگٸزگٸ جەنە ەڭ زاماناۋي قالاسى. مۇندا كٶنە جەدٸگەرلٸكتەر كٶپ قالعان جوق, بٸراق قالادا كٶپتەگەن قىزىقتى مۇراجايلار, تەاترلار مەن كٸتاپحانالار بار. جەرگٸلٸكتٸ ديسنەيلەندكە, اكۆاپارككە نەمەسە جاقىن ماڭداعى تاۋ شاڭعىسى كۋرورتتارىنا بارۋعا بولادى. تەلەمۇناراداعى تانىمال تۋريستٸك اينالمالى مەيرامحانانىڭ تەرەزەلەرٸنەن قالانىڭ كەرەمەت پانوراماسى اشىلادى. ودان بٶلەك, قازٸرگٸ تاڭدا ەلٸمٸزدٸڭ تۋريستەرٸ تاشكەنتتە جاڭادان اشىلعان Magic City پاركٸنە كٶپ ساياحاتتاۋدا.
فوتو:kapital.kz
قىس مەزگٸلٸندە تاشكەنت پەن شىمعان تاۋلى ايماقتارىنان باسقا سامارقاند, حيۋا, بۇحارا مەن ناۋاي وبلىستارىنا ساياحاتتاۋ مٷمكٸندٸگٸ بار. بۇل وبلىستار ٶزٸنٸڭ تاريحي جەدٸگەرلٸكتەرٸ مەن كٶنە عيماراتتارىمەن تانىمال. ودان بٶلەك تاماقتانۋ ورىندارىن ارالاۋعا بولادى. ەسٸرەسە تاشكەنت قالاسىندا ورنالاسقان چورسۋ بازارىنىڭ تاماقتانۋ ورنى كٶپتەگەن تۋريستەردٸ ٶزٸنە قاراتۋدا. مۇندا تاماق ساتۋ ٶنەرٸنٸڭ ٶزگەشە ٷلگٸسٸن كٶرۋگە بولادى. ۇلتتىق اسحاناسى مەن بازارداعى تٷرلٸ قولٶنەر بۇيىمدارىمەن داڭقى شىققان چورسۋدا ٶزبەك ۇلتتىق تاعامدارىنىڭ تٷر-تٷرٸنەن دەم تاتۋعا بولادى.
