7 قازان كٷنٸ ساعات 08:13-تە سىردارييا وبلىسىنىڭ گٷلستان قالاسىنداعى «الپوميش» سپورت كەشەنٸندە وتتەگٸ باللونى جارىلدى, دەپ حابارلايدى "ۇلت اقپارات" ٶزبەكستان رەسپۋبليكاسى تٶتەنشە جاعدايلار مينيسترلٸگٸنٸڭ Telegram-داعى رەسمي پاراقشاسىنا سٸلتەمە جاساپ.
«وقىس وقيعا بولعان سپورت كەشەنٸ قازٸرگٸ تاڭدا كوروناۆيرۋس ينفەكتسيياسىن جۇقتىرعان ناۋقاستارعا مەديتسينالىق كٶمەك كٶرسەتۋ ٷشٸن ۋاقىتشا كلينيكا رەتٸندە جاساقتالعان.
وتتەگٸ باللونىنىڭ جارىلۋى سالدارىنان عيماراتتىڭ تەرەزەلەرٸ سىنىپ, بٸر ازامات جاراقات الدى. قازا تاپقاندار جوق. وبلىستىق تٶتەنشە جاعدايلار باسقارماسى مەن باسقا دا تيٸستٸ ورگاندار دەرەۋ وقيعا ورنىنا كەلٸپ, ازاماتتاردى قاۋٸپسٸز جەرگە كٶشٸردٸ. جاعداي تولىق باقىلاۋدا», - دەپ جازدى ٶزبەكستان رەسپۋبليكاسى تٶتەنشە جاعدايلار مينيسترلٸگٸ Telegram-داعى رەسمي پاراقشاسىندا.
