ٶزبەكستاندا ەپيدەميولوگييالىق جاعدايدىڭ ناشارلاۋىنا بايلانىستى بارلىق بۇقارالىق ٸس-شارالار ۋاقىتشا توقتاتىلادى, دەپ حابارلايدى "ۇلت اقپارات".
تيٸستٸ شەشٸم جاقىندا كوروناۆيرۋسقا قارسى ٸس-قيمىل جٶنٸندەگٸ ارنايى رەسپۋبليكالىق كوميسسييادا قابىلداندى.
«مۇندا بارلىق مەرەكەلٸك بۇقارالىق ٸس-شارالار, سپورتتىق شارالار سونداي-اق كونتسەرتتەر, فەستيۆالدەر, تەاتر جەنە كينوكٶرسەتٸلٸمدەر تۋرالى ايتىلىپ وتىر. شارانىڭ قاي جەردە ٶتەتٸنٸ – اشىق الاڭدا نەمەسە جابىق عيماراتتا ۇيىمداستىرىلۋى ماڭىزدى ەمەس, بەرٸنە شەكتەۋ قويىلادى. ال سپورتتىق جارىستاردى جانكٷيەرلەرسٸز ٶتكٸزۋگە بولادى», - دەلٸنگەن حابارلامادا.
سونىمەن بٸرگە, 1 تامىزدان باستاپ ٶزبەكستان اۋماعىندا توي, جەرلەۋ جەنە باسقا دا وتباسىلىق شارالار ٶتكٸزۋدەگٸ سانيتارلىق-گيگيەنالىق ەرەجەلەردٸڭ ساقتالۋىن باقىلاۋ كٷشەيتٸلەدٸ جەنە وعان قاتىسۋشىلار سانى 50 ادامعا دەيٸن شەكتەلەدٸ.
ٶزبەكستاننىڭ دەنساۋلىق ساقتاۋ مينيسترلٸگٸنٸڭ مەلٸمەتٸنشە, بۇل تىيىمدار كوروناۆيرۋس بويىنشا سانيتارلىق-ەپيدەميولوگييالىق جاعداي جاقسارعانشا كٷشٸندە بولادى.
ەسكە سالا كەتەيٸك, 28 ماۋسىمنان باستاپ ٶزبەكستاندا ەپيدەميولوگييالىق جاعدايدىڭ ۋشىعۋىنا بايلانىستى كارانتيندٸك تالاپتار كٷشەيتٸلدٸ.
