28 قازان كٷنٸ ٶزبەكستان پرەزيدەنتٸنٸڭ تٶراعالىعىمەن مەملەكەتتٸك كەسٸپورىنداردى رەفورمالاۋ جەنە پرەزيدەنت جارلىعىنا سەيكەس مەملەكەتتٸك اكتيۆتەردٸ جەكەشەلەندٸرۋ مەسەلەلەرٸ بويىنشا ۆيدەوسەلەكتورلىق كەڭەس ٶتتٸ, دەپ حابارلايدى ٶزا اگەنتتٸگٸ.
ٶزبەكستان پرەزيدەنتٸ شاۆكات ميرزييوەۆ 27 قازان كٷنٸ مەملەكەتتٸك اكتيۆتەردٸ جەدەلدەتٸلگەن تٷردە جەكەشەلەندٸرۋ بويىنشا جارلىققا قول قويدى.
جارلىقتا كٶرسەتٸلگەن شارالارمەن 2 مىڭنان استام مەملەكەتتٸك اكتيۆ قامتىلادى. ولاردىڭ ٸشٸندە 479 كەسٸپورىن مەن 15 جىلجىمايتىن مٷلٸك نىسانىن ساۋدا-ساتتىققا شىعارۋ كٶزدەلگەن. 62 كەسٸپورىن جەكەشەلەندٸرۋگە دايىندالادى. 32 كەسٸپورىن مەن سالا ترانسفورماتسييالانسا, 507 بازاردىڭ قىزمەتٸ جەتٸلدٸرٸلەتٸن بولادى.
ونىمەن قوسا, بۇعان دەيٸنگٸ اكتٸلەردە كٶرسەتٸلگەن 386 نىسان, سونداي-اق حوكيمدەر ٸسكە اسىرۋعا قۇزىرەتتٸ 559 نىسان ساۋدا-ساتتىققا شىعارىلادى.
«كۋكون نەفتگاز پارمالاش يشلاري» جەنە «حورازمسۋۆكۋريليش» سىندى 62 ٸرٸ كەسٸپورىندى جەكەشەلەندٸرۋ مەسەلەسٸندە, ولاردىڭ ينۆەستيتسييالىق تارتىمدىلىعىن ارتتىرۋ ماڭىزدىلىعى اتاپ ٶتٸلدٸ.
سونداي-اق مەملەكەتتٸك جوبالاۋ ينستيتۋتتارىن ترانسفورماتسييالاۋ مەسەلەسٸ قوزعالدى. ەلدە ٸرٸ قۇرىلىس كومپانييالارىنىڭ سانى ارتىپ كەلەدٸ. قۇرىلىس كومپانييالارى مەن مەملەكەتتٸك جوبالاۋ ينستيتۋتتارىنىڭ تىعىز كووپەراتسيياسى ەسەبٸنەن جوبالاردىڭ ساپاسى مەن باسقارۋ جٷيەسٸن جاقسارتۋ مٸندەتٸ قويىلدى. جاڭا جٷيە ەڭ الدىمەن, 6 جوبالاۋ ينستيتۋتىندا ەنگٸزٸلەتٸن بولادى. كەيٸننەن جوبالاۋ ينستيتۋتتارىنداعى مەملەكەتتٸڭ قاتىسۋى قۇرىلىستاعى سەرٸكتەس-ۇيىمداردا ٸسكە اسىرىلماق.
بۇدان بٶلەك, كەڭەس بارىسىندا 500-دەن استام بازار مەن ساۋدا كەشەندەرٸنە مەملەكەتتٸڭ قاتىسۋىن تٷبەگەيلٸ قايتا قاراۋ قاجەتتٸگٸ ايتىلدى. بۇل ٷشٸن ينۆەستورلار اراسىندا كونكۋرس جارييالانادى. ەگەر بازار تابىسى ٶسٸپ, سالىقتىق تٷسٸمدەر مەن جۇمىس ورىندارىنىڭ سانى تۇراقتى تٷردە ارتاتىن بولسا, وندا كەسٸپكەر مەملەكەتتٸك ٷلەستٸ بٶلٸپ تٶلەۋ شارتىمەن ساتىپ الا الادى.
