قر پرەمەر-مينيسترٸنٸڭ ورىنباسارى ەرالى توعجانوۆ ەلٸمٸزدە Pfizer ۆاكتسيناسى نەگە اقىلى تٷردە قولجەتٸمدٸ ەمەستٸگٸن تٷسٸندٸردٸ, دەپ حابارلايدى قازاقپارات.
جۋرناليستەر توعجانوۆتان Pfizer ۆاكتسيناسى قىرعىزستان مەن ٶزبەكستاندا اقىلى تٷردە سالىناتىنىن, ال قازاقستاندا مۇنداي مٷمكٸندٸك نەگە بەرٸلمەگەنٸن سۇرادى.
«ٶزبەكستاندا دا, قىرعىزستاندا دا بۇل - ۆاكتسينا تٷرٸندەگٸ گۋمانيتارلىق كٶمەك بولدى. ال قازاقستانعا مٷلدەم باسقا شارتتار قويىلدى. بٸز ولارمەن ۇزاق كەلٸسسٶز جٷرگٸزدٸك. ساقتاندىرۋ قورىن قۇرۋ تۋرالى تالاپتار مەن شارتتار قويىلدى, ەرينە, بٸز مۇنداي شارتتاردى قابىلداي المادىق. سوندىقتان, بٸز ولارمەن تٶرت ميلليون Pfizer ۆاكتسيناسىن بٶلەك جەتكٸزۋ تۋرالى ٶزارا كەلٸسٸمگە كەلدٸك. كەلٸسٸمدە بٸزدە جەكە نارىقتا اقىلى تٷردە سالۋ قاراستىرىلماعان», - دەدٸ توعجانوۆ قر مەدەنيەت جەنە سپورت مينيسترلٸگٸنٸڭ القا مەجٸلٸسٸنەن كەيٸن تٸلشٸلەرگە بەرگەن سۇحباتىندا.
جۋرناليستەر «گۋمانيتارلىق كٶمەكتٸ (ٶزبەكستان مەن قىرعىزستانعا ۆاكتسينا تٷرٸندە جەتكٸزٸلگەن) ساتۋعا بولا ما?» دەگەن سۇراق قويدى.
«ونىسىن بٸلمەيمٸن, قالاي بولعاندا دا, مەنٸڭ بٸلۋٸمشە Pfizer كومپانيياسى بٸر دە بٸر ەلدە ەلٸ ساتۋعا رۇقسات بەرگەن جوق. قانداي سحەما بويىنشا جٷرٸپ جاتىر? باسقا مەملەكەتتەر ٷشٸن جاۋاپ بەرە المايمىن, بٸلمەيمٸن», - دەدٸ ەرالى توعجانوۆ.
سونىمەن بٸرگە ول وتاندىق ۆاكتسينا شەتەلدٸك ۆاكتسينالاردان كەم ەمەس ەكەنٸن جەنە بالاما ٷشٸن قىتايلىق ۆاكتسينا دا بار ەكەنٸن ايتتى.
«نەلٸكتەن بٸز ٶز ۆاكتسينامىزدى پايدالانبايمىز, نەگە باسقالارىنا جارماسامىز? Pfizer-دٸ كٷتۋدٸڭ قاجەتٸ جوق – بار نەرسەنٸ الۋ كەرەك. بالاما رەتٸندە قىتايلىق ۆاكتسينا دا بار», - دەدٸ توعجانوۆ.
ايتا كەتەيٸك, قازاقستاندا Pfizer ۆاكتسيناسىن ەگۋگە بولاتىن سانات كەڭەيتٸلدٸ. بۇعان دەيٸن ايتىلعان 12-18 جاس ارالىعىنداعى جاسٶسپٸرٸمدەر, جٷكتٸ جەنە بالا ەمٸزەتٸن ەيەلدەرگە قوسا, ەندٸ بارلىق توپتاعى مٷگەدەكتٸگٸ بار ادامدار دا Pfizer ەكتٸرە الادى.
ودان بٶلەك, 50 جاستان اسقان قازاقستاندىقتار دا Pfizer ۆاكتسيناسىمەن رەۆاكتسينا جاساتۋ قۇقىعىنا يە بولادى. شەتەلدە Pfizer-دٸڭ بٸرٸنشٸ كومپونەنتٸن الىپ, ەكٸنشٸسٸنە ٷلگەرمەگەندەر دە قازاقستاندا Pfizer-دٸڭ ەكٸنشٸ كومپونەنتٸن سالا الادى.
