ٶزبەكستاننىڭ شورتەپا اۋدانى جەرٸنە 23 ماۋسىمدا ەنٸپ كەتكەن اۋعانستاننىڭ شەكارا ەسكەرٸ مەن جەرگٸلٸكتٸ جاساعىنىڭ 53 قارۋلى ساربازى ۇستالعان. ٶزبەكستان سىرتقى ٸستەر مينيسترلٸگٸنٸڭ باسپاسٶز قىزمەتٸ ولاردىڭ "تيٸستٸ جاۋاپ الۋ مەن تەرگەۋ شاراسىنان كەيٸن ٶز ەلٸنە قايتارىلعانىن" ايتتى دەپ حابارلادى ازاتتىقتىڭ ٶزبەك قىزمەتٸ – Oزودليق راديوسى.
رەسمي تاشكەنت اۋعانستانداعى, ونىڭ ٸشٸندە وسى ەلدٸڭ سولتٷستٸگٸندەگٸ شەكارالاس ايماقتارداعى ەسكەري-ساياسي احۋالدى مۇقييات قاداعالاپ وتىرعانىن ايتادى. ٶزبەك سىرتقى ٸستەر مينيسترلٸگٸ جانجالعا قاتىسۋشى بارلىق تاراپتاردى كٷش قولدانۋدان باس تارتىپ, بەيبٸت تۇرعىندار اراسىندا ادام قانىنىڭ تٶگٸلۋٸنە جول بەرمەۋگە شاقىردى.
"ٶزبەكستان اۋعانستانمەن دەستٷرلٸ دوستىق جەنە تاتۋ كٶرشٸ قاتىناسىن بەرٸك ساقتاۋعا بارىنشا قولداۋ كٶرسەتۋگە, بەيتاراپتىقتى ساقتاۋ جەنە كٶرشٸ ەلدٸڭ ٸشكٸ ٸسٸنە ارالاسپاۋ ۇستانىمىنان ەشقاشان اينىمايتىنىن نىق سەنٸممەن مەلٸمدەيدٸ" دەگەن مينيسترلٸك.
بەيسەنبٸدە تەجٸكستان ۇلتتىق قاۋٸپسٸزدٸك كوميتەتٸنٸڭ شەكارا ەسكەرٸ مەملەكەتتٸك شەكارانى اۋعانستان ٷكٸمەت كٷشتەرٸنٸڭ 134 ەسكەري قىزمەتشٸسٸ كەسٸپ ٶتكەنٸن حابارلاعان. تەجٸك شەكاراشىلارى "گۋمانيزم مەن تاتۋ كٶرشٸ پرينتسيپتەرٸن باسشىلىققا الا وتىرىپ, اۋعان ەسكەريلەرٸنە تەجٸكستان اۋماعىنا ەركٸن كٸرۋگە رۇقسات بەردٸ" دەلٸنگەن رەسمي حابارلامادا.
25 ماۋسىمدا تەجٸكستان, قازاقستان جەنە ٶزبەكستان باسشىلارى اۋعانستاننىڭ سولتٷستٸگٸندەگٸ جاعدايدى تالقىلادى.
اۋعانستانداعى "تاليبان" قوزعالىسىنىڭ قارۋلى جاساعى كەيٸنگٸ بٸرنەشە اپتادا ونداعان اۋداندى باسىپ الدى. بۇعان دەيٸن اقش پەن حالىقارالىق كواليتسييا كٷشتەرٸ 2021 جىلدىڭ 11 قىركٷيەگٸنەن قالماي اۋعانستاننان شىعىپ كەتەتٸنٸ حابارلانعان, "تاليبان" ول مەرزٸمدٸ كٷتپەستەن بەلسەندٸ ٸس-قيمىلعا كٶشكەن.
تەلٸپتەر قازٸر اۋعانستان اۋماعىنىڭ 70 پايىزىنا دەيٸنگٸ بٶلٸگٸن باقىلاۋىندا ۇستاپ وتىر.
كەيٸنگٸ كەزدە ولار تەجٸكستانمەن شەكارالاس ٶلكەدەگٸ بٸرقاتار اۋداندى باعىندىردى. 22 ماۋسىمدا "تاليبان" كٷشتەرٸ اۋعانستان مەن تەجٸكستان شەكاراسى ارقىلى ٶتەتٸن نەگٸزگٸ ٶتكەلدٸ – شەرحان-بانداردى باسىپ الدى. بۇل شەكارا ٶتكەلٸ قۇندىز ۋەلاياتىنىڭ ەكٸمشٸلٸك ورتالىعىنان 50 شاقىرىم جەردە ورنالاسقان, قازٸر ول قالانىڭ ٶزٸ دە "تاليبان" قورشاۋىندا قالىپ وتىر.
