ٶزبەكستان ازاماتى ەۆگەنيي حومەنكو تۋىسىنا كٶمەكتەسكەنٸ ٷشٸن قاراعاندى وبلىستىق پوليتسييا دەپارتامەنتٸ جول-پاترۋل پوليتسييا باتالونىنىڭ قىزمەتكەرلەرٸنە جەنە قازاقستان رەسپۋبليكاسى ٸٸم باسشىلىعىنا Facebook ارقىلى العىس ايتتى, دەپ حابارلايدى قازاقپارات جەلٸدەگٸ جازباعا سٸلتەمە جاساپ.
ٶزبەكستان ازاماتى ٶز جازباسىندا ايتقانداي, قىركٷيەك ايىندا قايعىلى وقيعا بولعان. ونىڭ 59 جاستاعى قايىن اتاسى يۆان پەتروۆيچ ميلينچۋك جول ٷستٸندە سىرقاتتانعان. ول ۇزاق جولعا جٷك تاسىمالدايتىن جٷرگٸزۋشٸ بولىپ جۇمىس ٸستەيتٸن ەدٸ.
2018 جىلدىڭ 19 قىركٷيەگٸندە يۆان ميلينچۋك MAN كٶلٸگٸمەن الماتى - ەكاتەرينبۋرگ تاسجولىمەن رەسەي شەكاراسىنا قاراي بەت العان. ەۆگەنييدٸڭ جۇبايى الىس جولعا كەتكەن ەكەسٸمەن بايلانىسپاق بولادى. قىزى ەكەسٸنٸڭ تٸلٸنٸڭ كٷرمەلٸپ, دەنساۋلىعى بولماي تۇرعانىن بٸردەن بايقاپ, توقتاۋىن سۇرايدى. الايدا, يۆان پەتروۆيچ قىزىن جۇباتىپ, جٷك اپارا جاتقانىن ايتادى جەنە ەن دالادا توقتاي المايتىنىن جەتكٸزەدٸ.
يۆان پەتروۆيچتٸڭ تەلەفونىنا ورناتىلعان قوسىمشا ارقىلى تۋىستارى ونىڭ قاراعاندىعا بەت العانىن كٶرەدٸ. ەكەسٸنٸڭ كەشكە قايدا ەكەنٸن بٸلمەك بولعان ەرلٸ-زايىپتىلار ونىڭ تەلەفونىنىڭ ٶشٸپ تۇرعانىن تٷسٸنەدٸ.
20 قىركٷيەك كٷنٸ تاڭەرتەڭ ولارعا يۆان پەتروۆيچتٸڭ دوسى قوڭىراۋ شالىپ, ونىڭ ينسۋلتپەن اۋرۋحاناعا تٷسٸپ قالعانىن حابارلايدى. سونداي-اق, ول قاراعاندى وبلىستىق جپپب قىزمەتكەرٸ لەيتەنانت ەرقانات داتكيننٸڭ نٶمٸرٸن بەرەدٸ. ەۆگەنيي ودان قايعىلى وقيعانىڭ مەن-جايىن ەستيدٸ.
19 قىركٷيەك كٷنٸ 18:40-تا لەيتەنانتتار ەرقانات داتكين مەن جاسۇلان ەگەنوۆ جٷك كٶلٸگٸن كٶرٸپ, ونى توقتاتادى. پوليتسەيلەر ونىڭ ٸشٸنەن سٶيلەي, قيمىلداي الماي قالعان يۆان پەتروۆيچتٸ كٶرٸپ, جەدەل جەردەم شاقىرادى. ەرقانات داتكين جٷرگٸزۋشٸنٸڭ تەلەفونىنداعى سوڭعى قوڭىراۋ شالعان نٶمٸرگە حابارلاسىپ, مەن-جايدى ايتادى. جپپ قىزمەتكەرلەرٸ ناۋقاستى جەدەل جەردەمنٸڭ الىپ كەتكەنٸن كٷتەدٸ, كەيٸن ماشينانى اقىلى تۇراققا جەتكٸزەدٸ جەنە تاۋارلار بۇزىلىپ كەتپەس ٷشٸن ونداعى تەمپەراتۋرانى ەكٸ تەۋلٸك بويى باقىلاۋدا ۇستايدى.
ەۆگەنيي پوليتسەيلەرمەن سٶيلەسكەننەن كەيٸن قازاقستانعا ۇشىپ جەتەدٸ. دەرٸگەرلەر يۆان پەتروۆيچتٸڭ ٶمٸرٸن ساقتاپ قالا الماعان, ونىڭ ميىنىڭ باسىم بٶلٸگٸ زارداپ شەككەن. 22 قىركٷيەكتە ول كٶز جۇمادى.
«مەن بٶتەن قالادا, بٶتەن ەلدە جٷرسەم دە, ماعان ەكٸ پوليتسييا قىزمەتكەرٸ - لەيتەنانت ەرقانات ەبدٸراحمانۇلى داتكين مەن جاسۇلان جامبىلۇلى ەگەنوۆ كٶمەكتەستٸ. ولارعا العىسىم شەكسٸز. استانادان قاراعاندىعا جەتكەنگە دەيٸن ولار مەنٸمەن بايلانىسىپ, اۋرۋحاناعا جٸبەردٸ. ەكٸ تەۋلٸك بويى مۇزداتقىشتاعى تەمپەراتۋرالىق رەجٸمدٸ باقىلاپ وتىردى. سونداي-اق, ٶزبەكستاننان جٷرگٸزۋشٸ كەلگەن كەزدە ماعان حابارلاسىپ, ول ادامعا سەنەتٸنٸمدٸ ناقتىلاپ, ەكەمنٸڭ كٶلٸگٸن تاپسىرۋعا رۇقسات سۇرادى. سەبەبٸ, كٶلٸكتە ەكەمٸزدٸڭ جەكە زاتتارى, قۇجاتتار, اقشالار بولدى», - دەيدٸ ەۆگەنيي حومەنكو.
ونىڭ ايتۋىنشا, 2 قازاقستاندىق لەيتەنانت ەۋەجايعا كەلگەن كەزدە دە حابارلاسقان.
«مەنٸ مٷلدەم تانىمايتىن 2 بٶتەن ادام مەنٸڭ پروبلەمالارىما جانى كٷيزەلٸپ, ونى شەشۋگە جانتالاستى جەنە قايعىما ورتاقتاستى. ولاردىڭ اتا-اناسىنا, ۇستازدارىنا, كومانديرلەرٸنە ٷلكەن راحمەت. ەكٸ لەيتەناتقا ايتار العىسىم شەكسٸز. قازاقستان اۋماعىندا جٷرگەن كەزٸمدە ولارمەن كەزدەسپەدٸم, تەك تەلەفون ارقىلى قاشىقتىقتان بايلانىسىپ وتىردىق. بٸراق, ولار ناعىز ازامات رەتٸندە قول ۇشىن بەردٸ. ٶزٸمنٸڭ, جۇبايىمنىڭ جەنە تۋىستارىمنىڭ اتىنان العىس ايتامىن. ەگەر كٶمەك قاجەت بولسا, قولىمنان كەلگەنٸن ايامايمىن. قازاقستان رەسپۋبليكاسى ٸشكٸ ٸستەر مينيسترلٸگٸنە وسىنداي قىزمەتكەرلەر ٷشٸن كٶپ راحمەت», - دەپ العىس بٸلدٸردٸ حات يەسٸ.
