ٶزبەكستان اقش-تى ەكٸ اپتا بۇرىن اۋعانستاننان قاشقان ەسكەري ۇشقىشتاردى ەلٸنە قايتارۋى مٷمكٸن ەكەنٸن ەسكەرتتٸ. بۇل تۋرالى ۆاشينگتونداعى دەرەككٶزٸنە سٸلتەي وتىرىپ The Wall Street Journal باسىلىمى حابارلادى, دەپ جازادى ازاتتىق.
باسىلىمنىڭ مەلٸمەتٸنشە, ٶزبەكستاننىڭ بۇل قادامىنا تەلٸپتەردٸڭ قىسىمى تٷرتكٸ بولعان.
ۆاشينگتوننىڭ سٶزٸنشە, ٶزبەكستان اقش-تان اۋعان ۇشقىشتارىن ٷشٸنشٸ ەلگە مەيلٸنشە جىلدام الىپ كەتۋدٸ سۇراپ وتىر. ٶيتپەگەن جاعدايدا, تاشكەنت تەلٸپتەرمەن قارىم-قاتىناسىن ۋشىقتىرماۋ ٷشٸن ۇشقىشتاردى اۋعانستانعا قايتارۋعا مەجبٷر بولادى.
مۇنىڭ الدىندا ٶزبەكستان باس پروكۋراتۋراسى 14-15 تامىز كٷندەرٸ اۋعانستاننىڭ 22 ەسكەري ۇشاعى مەن 24 ەسكەري تٸكۇشاعى ٶزبەكستان اۋماعىنا زاڭسىز ٶتكەنٸن, ولاردىڭ تەرمەز ەۋەجايىنا كٷشپەن قوندىرىلعانىن ايتقان. الايدا كٶپ ۇزاماي باس پروكۋراتۋرا بۇل حابارلاماسىن جوققا شىعارعان.
"تاليبان" (قازاقستاندا تىيىم سالىنعان ۇيىم) ۇشقىشتاردى جاۋ سانايدى, سەبەبٸ ولار سوعىس جىلدارى دەل وسى ەۋە شابۋىلدارىنان كٶپ زارداپ شەككەن. "تاليبان" ٶزبەكستاننان ۇشقىشتارمەن بٸرگە ەۋە تەحنيكالارىن دا قايتارۋدى تالاپ ەتٸپ وتىر دەپ حابارلايدى The Wall Street Journal.
اۋعانستان اۋداندارىنىڭ باسىم كٶپشٸلٸگٸن جاۋلاپ العان "تاليبان" 15 تامىز كٷنٸ كابۋلعا كٸرٸپ, تۇتاس ەلدٸ باقىلاۋىنا العانىن مەلٸمدەگەن. سودان بەرٸ ەل دٷرلٸگٸپ, تەلٸپتەردٸڭ رەپرەسسيياشىل زاڭدارىنان قورىققان اۋعاندار ەلدەن كەتۋگە اسىقتى. تەلٸپتەردٸڭ اۋعان ٷكٸمەتٸ ەسكەرٸن مۇنشالىق جىلدام قارقىنمەن جەڭەتٸنٸن كٷتپەگەن باتىس كواليتسيياسى ەۋەجايعا شەگٸنٸپ, ونى ەۆاكۋاتسييا ورتالىعىنا اينالدىرعان.
31 تامىز كٷنٸ اقش باستاعان حالىقارالىق كواليتسييا اۋعانستاننان بٸرجولا كەتتٸ. ولار 14-31 تامىز ارالىعىندا ەلدەن 123 مىڭ شەتەلدٸك پەن ديپٶكٸلدٸكتەرٸنە قىزمەت ەتكەن اۋعانداردى ەۆاكۋاتسييالاپ ٷلگەردٸ.
