ٶزبەكستان ەدٸلەت مينيسترلٸگٸنٸڭ ٶكٸلٸ "رەسەي ٷگٸت-ناسيحاتىن جٷرگٸزەتٸن سايتتار ارانداتىپ وتىر" دەپ ايىپتاي سٶيلەدٸ.
ٶزبەكستان ەدٸلەت مينيسرلٸگٸنٸڭ باسپاسٶز حاتشىسى سەۆارا ۋرينباەۆا رەسەيدٸڭ كەي اقپارات قۇرالدارى مەن ٶزبەكستانداعى كەيبٸر ورىس تٸلدٸ سايتتاردى مينيسترلٸك ۇسىنعان زاڭ جوباسىن بۇرمالاپ تٷسٸندٸردٸ دەپ سىنادى.
تاياۋدا "ٶزبەكستان رەسپۋبليكاسىنىڭ ەكٸمشٸلٸك جاۋاپكەرشٸلٸك كودەكسٸنٸڭ 42-بابىنا ٶزگەرٸستەر ەنگٸزۋ تۋرالى» زاڭ جوباسى قوعام تالقىلاۋىنا شىعارىلعان. جوبادا مەملەكەتتتٸك ورگاندار مەن مەكەمەلەر جۇمىسىندا مەملەكەتتٸك تٸل تۋرالى زاڭ تالاپتارى ساقتالماسا, جاۋاپتى لاۋازىمدى تۇلعالارعا 446 مىڭنان 1,1 ميلليون سۋمعا دەيٸن ($44-108) ايىپپۇل سالۋ مەسەلەسٸ قاراستىرىلعان.
سەۆارا ۋرينباەۆانىڭ سٶزٸنشە, بۇل باستامانىڭ تەك قانا مەملەكەتتٸك ورگاندارعا قاتىسى بار, ودان ٶزبەكستاندا ەشكٸمنٸڭ قۇقىعىنا نۇقسان كەلمەيدٸ.
"مۇنى رەسەيدٸڭ ٷگٸت-ناسيحات سايتتارى بۇرمالاپ, ارانداتا باستادى. رەسەيدٸڭ Regnum اقپارات قۇرالى "ٶزبەكستاننىڭ مەملەكەتتٸك ورگاندارىندا ورىس تٸلٸن قولدانعاندارعا ايىپپۇل سالىنادى" دەپ جازسا, جەرگٸلٸكتٸ Vesti.uz سايتى "ٶزبەكستان پۋشكين تٸلٸنە ايىپپۇل سالماقشى ما? دەپ جازدى. ايىرماسىن بايقادىڭىزدار ما? ٷكٸمەت مەملەكەتتٸك ورگانداردى ٶزبەك تٸلٸن قۇرمەتتەۋگە شاقىرسا, ارانداتۋشىلار "ٶزبەكستاندا ورىس تٸلٸن قولدانعاندارعا ايىپپۇل سالىنادى" دەگٸسٸ كەلەدٸ", – دەيدٸ ٶزبەكستان ەدٸلەت مينيسترلٸگٸنٸڭ ٶكٸلٸ.
- ەگەر ٷكٸمەت مەكەمەلەرٸنٸڭ لاۋازىمدى قىزمەتكەرلەرٸ ٶزبەكستاندا تۇراتىن بولسا, وندا ٶزبەك تٸلٸن قۇرمەتتەۋگە مٸندەتتٸ, ولاي ەتپەسە ايىپپۇل - جاقسى نەتيجەگە جەتكٸزۋدٸڭ بٸر جولى, – دەدٸ ۋرينباەۆا.
ۋرينباەۆانىڭ سٶزٸنشە, ٶزبەكستاندا تۇراتىن ازاماتتارعا ٶزگە تٸلدە سٶيلەگەنٸ ٷشٸن ايىپپۇل سالىنبايدى.
كونستيتۋتسييا بويىنشا ٶزبەكستاندا مەملەكەتتٸك تٸل – ٶزبەك تٸلٸ. "ٶزبەكستاننىڭ مەملەكەتتٸك تٸلٸ تۋرالى" قولدانىستاعى زاڭدا ورىس تٸلٸنە ۇلتارالىق تٸل مەرتەبەسٸ بەرٸلمەگەن.
