سامارقان قالاسىندا ٸشكٸ ٸستەر ورگاندارىنىڭ قىزمەتكەرلەرٸ قازاقستاندىق تۋريستەردٸ توقتاتىپ, قۇجات كٶرسەتۋدٸ تالاپ ەتكەن. ارتىنان جانجال شىققان. سول كەزدە پوليتسەيلەر ەلەكتروشوكەر قولدانعان. ٶزبەكستاننىڭ ٸشكٸ ٸستەر مينيسترلٸگٸ قىزمەتتٸك تەكسەرٸس باستالعانىن مەلٸمدەدٸ, دەپ حابارلايدى Sputnik قازاقستان.
جەبٸرلەنۋشٸلەردٸڭ بٸرٸ وقيعانىڭ مەن-جايىن ايتىپ بەردٸ. ونىڭ سٶزٸنە قاراعاندا, سامارقان قالاسىنا قازاقستاننان ٷش تۋريست بارعان, تاعى بٸرەۋٸ تاشكەنتتەن ۇشىپ كەلٸپتٸ. بارلىعى تٷنگٸ ساعات 3:30-دىڭ شاماسىندا كلۋبتان شىعىپ, تاكسي كٷتٸپ تۇرعان. وسى كەزدە ەكٸ پوليتسەي كەلٸپ, الدىمەن قۇجات كٶرسەتۋدٸ تالاپ ەتكەن. ودان كەيٸن بٶلٸمشەگە بارۋ قاجەتتٸگٸن ايتقان.
تەرتٸپ ساقشىلارى سامارقان قالاسىندا كومەندانتتىق ساعات ەنگٸزٸلگەنٸن جەتكٸزگەن. الايدا ناقتى قانداي زاڭ بويىنشا ەنگٸزٸلگەنٸن تٷسٸندٸرە الماعان. نە ٷشٸن ۇستاپ جاتقاندارىن دا ايتپاعان. سودان جانجال شىققان. پوليتسەيلەر ەرٸپتەستەرٸن شاقىرىپ, سوسىن ەلەكتروشوكەر قولدانعان.
ٶزبەكستاننىڭ ٸشكٸ ٸستەر مينيسترلٸگٸ جارييالاعان اقپاراتقا سەيكەس, 21 مامىرعا قاراعان تٷنٸ سامارقان ٸشكٸ ٸستەر باسقارماسىنىڭ پاترۋلدٸك قىزمەتٸ ميرزو ۋلۋگبەك كٶشەسٸندە تۋريستەردٸ تەكسەرۋ كەزٸندە كەسٸبي ەتيكا نورمالارىن ٶرەسكەل بۇزعان.
"ولار قىزمەت بابىن تەرٸس پايدالانىپ, ارنايى تەحنيكالىق قۇرالداردى قولدانعان. قازٸرگٸ كەزدە ٸشكٸ ٸستەر مينيسترلٸگٸنٸڭ جەكە قاۋٸپسٸزدٸك قىزمەتٸ پروكۋراتۋرا ورگاندارىمەن بٸرگە قىزمەتتٸك تەكسەرٸستٸ باستادى. سونىڭ نەتيجەسٸندە زاڭدى بۇزعان بارلىق قىزمەتكەردٸ جاۋاپقا تارتۋ جەنە جۇمىستان شەتتەتۋ تۋرالى شەشٸم قابىلدانادى", - دەيدٸ مينيسترلٸكتٸڭ رەسمي ٶكٸلٸ.
تەرتٸپ بۇزعان پوليتسەيلەردٸڭ باسشىلارى دا جاۋاپقا تارتىلادى.
