ٶزبەكستان رەسپۋبليكاسى عىلىم اكادەميياسىنىڭ گەنوميكا جەنە بيوينفورماتيكا ورتالىعىنىڭ عالىمدارى قىزاناقتان COVID-19 ينفەكتسيياسىنا قارسى ۆاكتسينا جاسادى, دەپ حابارلايدى قازاقپارات ٶزا-عا سٸلتەمە جاساپ.
«قىزاناقتى اس رەتٸندە پايدالانعاندا ول اسقازاندا ىدىراپ, انتيدەنە تٷزەدٸ. تەجٸريبە اياسىندا بٸزدەر ٶزبەكستاندا تابىلعان كوروناۆيرۋستى الىپ, ونىڭ بٸر بٶلٸگٸن كلونداپ, ٶسٸمدٸك جاسۋشاسىنا ەنگٸزۋ ارقىلى تەكسەرٸپ كٶردٸك. نەتيجەسٸندە ۆاكتسينا شىنىمەن ٶسٸمدٸك جاسۋشاسىنان بٶلٸنۋدە», - دەيدٸ ورتالىق ديرەكتورى زابارداست بۋريەۆ.
ونىڭ ايتۋىنشا, ازىق-تٷلٸكپەن ۆاكتسينا جاساۋ تەجٸريبەسٸ رەسەي مەن كانادادا سٷت پەن جٷگەرٸ سيياقتى ٶنٸمدەردە قولدانىلۋدا. ولاردىڭ كلينيكالىق سىناقتارى دا اياقتالۋعا جاقىن.
ورتالىق ديرەكتورىنىڭ مەلٸمەتٸنە قاراعاندا, قىزاناقتا سينتەزدەلگەن كوروناۆيرۋستىڭ S-اقۋىزى اسقازان ارقىلى ٸشەككە ەنٸپ, يممۋندىق جٷيەنٸ وياتادى. وسىلايشا پايدا بولعان انتيدەنەلەر قوزدىرعىشپەن كٷرەسە باستايدى. مۇنداي ۆاكتسينالار بالالار ٷشٸن ٶتە قولايلى.
قازٸرگٸ كەزدە ۆاكتسينا زەرتحانادا پٸسۋ پروتسەسٸندە. سودان كەيٸن ونى تىشقان, قويان جەنە ەگەۋقۇيرىق سىندى جانۋارلاردا سىناقتان ٶتكٸزٸلٸپ, نەتيجەلەرٸ تالدانادى. جوسپار بويىنشا سىناقتاردىڭ بيىل اياقتالۋى كٶزدەلگەن.
مامانداردىڭ ايتۋىنشا, قازٸر كوروناۆيرۋسقا قارسى ۆاكتسينا كانادادا تەمەكٸ مەن جٷگەرٸدەن, ال رەسەيدە بيوكەفيردەن, ياعني سٷت ٶنٸمدەرٸنەن الىنادى. ۆاكتسينالىق ٶنٸم اسقازان ارقىلى ٸشەككە ٶتەدٸ جەنە ٸشەكتە انتيدەنەلەردٸڭ سٸڭۋٸ نەتيجەسٸندە ورگانيزمدە يممۋندىق جٷيەنٸڭ جۇمىسىنا بايلانىستى كوروناۆيرۋسقا قارسى يممۋنيتەت پايدا بولادى.
