ٶزبەكستاندا وقۋشى قىزدارعا اق نە اشىق تٷستٸ ورامال تاعۋعا جەنە تاقييا كييۋگە رۇقسات بەرٸلدٸ. بٸلٸم مينيسترٸ شەرزود شەرماتوۆ بۇل شارانىڭ ماقساتى بارلىق بالاعا بٸلٸم بەرۋ دەدٸ.
بۇل تۋرالى ٶزبەك بٸلٸم مينيسترٸ 4 قىركٷيەك كٷنٸ بولعان اشىق ديالوگ كەزٸندە ايتتى.
"كٶپتەگەن اتا-انانىڭ ٶتٸنٸشٸن ەسكەرە وتىرىپ, قىزدارىمىزعا وسى وقۋ جىلىنان باستاپ مەكتەپتە اق نەمەسە اشىق تٷستٸ ۇلتتىق ورامال تاعىپ, تاقييا كيٸپ جٷرۋگە رۇقسات ەتپەكپٸز" دەدٸ ٶزبەكستان بٸلٸم مينيسترٸ شەرزود شەرماتوۆ.
مينيستردٸڭ سٶزٸنشە, قىزدارعا جاعاسى ۇزىن كٶيلەك كييۋگە دە رۇقسات بەرٸلمەك. بٸراق شەرماتوۆ مۇنى قانداي زاڭعا سٷيەنٸپ جٷزەگە اسىراتىنىن ايتپادى.
ٶزبەكستان مينيسترلەر كابينەتٸنٸڭ 2018 جىلعى 15 تامىزداعى قاۋلىسىنىڭ ("مەملەكەتتٸك ورتا مەكتەپ وقۋشىلارىن زاماناۋي مەكتەپ فورماسىمەن قامتاماسىز ەتۋ تۋرالى") 7-تارماعىنا سەيكەس, وقۋ ورنى ٸشٸندە وقۋشىلار باس كيٸمٸنسٸز جٷرۋٸ تيٸس.
كەزٸندە بۇل قاۋلىنىڭ قابىلدانۋى دٸن جولىن ۇستاناتىن اتا-انالاردىڭ نارازىلىعىن تۋدىرعان. ولار ورامال تاققان قىزدارىنىڭ مەكتەپكە كٸرە الماي قالعانىن ايتىپ شاعىنعان. ول كەزدە بۇعان شەرزود شەرماتوۆ مىناداي جاۋاپ قاتقان:
"كٶبٸ ورامال مەن حيدجاب تۋرالى ايتادى. بٸراق قازٸر بۇل باستى مٸندەت ەمەس. بٸزدٸڭ نەگٸزگٸ مٸندەتٸمٸز – جاقسى بٸلٸم مەن تەلٸم العان ۇرپاقتى ٶسٸرۋ. ادامداردىڭ باسى ەكٸنشٸ دەڭگەيلٸ مەسەلەگە قاتىپ وتىر".
وسىنىڭ الدىندا ازاتتىقتىڭ ٶزبەك قىزمەتٸنە سۇحبات بەرگەن اتا-انانىڭ بٸرٸ بٸرىڭعاي مەكتەپ فورماسىن تالاپ ەتۋ ساباقتىڭ ٷزدٸكسٸز توقتاي بەرۋٸنە ەكەلٸپ, بٸلٸم ساپاسىنا تەرٸس ەسەر ەتٸپ وتىر دەگەن.
ٶزبەكستاندا جاڭا وقۋ جىلى 6 قىركٷيەكتە باستالادى.
