تۇرعىن ٷي قۇرىلىس جيناق بانكٸنٸڭ «ٶز ٷيٸم» اتتى جەكە باعدارلاماسىنا قاتىسۋشىلار 2 شٸلدەدەن باستاپ زايمداردى جىلدىق 7% كٶلەمٸندەگٸ مٶلشەرلەمەمەن الا الادى. بۇل تۋرالى "ۇلت اقپارات" بانكتٸڭ باسپاسٶز قىزمەتٸنە سٸلتەمە جاساپ حابارلايدى.
بۇدان بٶلەك, بانك سالىمشىلارىندا باسپانا الۋ مٷمكٸندٸگٸ بۇرىنعىدان دا جوعارى بولۋى ٷشٸن ەڭ تٶمەنگٸ باستاپقى جارنا كٶلەمٸ دە تٶمەندەتٸلٸپ وتىر.
2 شٸلدەدەن باستاپ «ٶز ٷيٸم» باعدارلاماسىنىڭ اياسىندا الدىن-الا تۇرعىن ٷي زايمىن الۋ ٷشٸن شوتتا ٷي باعاسىنىڭ 20%-نا تەڭ سومانىڭ باسىن قۇراۋ جەتكٸلٸكتٸ بولماق. بۇعان دەيٸن «ٶز ٷيٸم» باعدارلاماسىنىڭ اياسىنداعى نەسيەلەردٸڭ پايىزدىق مٶلشەرلەمەسٸ جيناق سوماسىنا تەۋەلدٸ ەدٸ. شوتىندا ٷي قۇنىنىڭ 30%-ىن قۇرايتىن باستاپقى جارناسى بار سالىمشى جىلدىق مٶلشەرلەمەسٸ 9,5% الدىن-الا زايمنان ٷمٸتكەر اتاناتىن. ال دەپوزيتٸندە باسپانا باعاسىنىڭ 50%-ىن جيناعان كليەنت 7,5-8,5% ارالىعىنداعى مٶلشەرلەمەمەن نەسيە الۋعا قۇقىلى بولاتىن.
3,5-5% مٶلشەرلەمەمەن بەرٸلەتٸن تۇرعىن ٷي زايمدارىنىڭ شارتتارى ٶزگەرگەن جوق. مۇنداي نەسيەنٸ رەسٸمدەۋ ٷشٸن بۇرىنعىشا كليەنتكە تۇرعىن ٷي قۇرىلىس جيناق بانكٸندەگٸ شوتىنا ٷي قۇنىنىڭ 50%-ىن كەمٸندە 3 جىل ٸشٸندە جيناپ, قاجەت باعالاۋ كٶرسەتكٸشٸنە قول جەتكٸزۋ كەرەك.
نەسيەلەندٸرۋدٸڭ ەڭ جوعارعى مەرزٸمٸ - 25 جىل. ول تاڭدالعان زايم تٷرٸنە بايلانىستى انىقتالادى.
«ٶز ٷيٸم» باعدارلاماسىن تۇرعىن ٷي قۇرىلىس جيناق بانكٸ 3 جىل بۇرىن مەملەكەتتٸك باعدارلامالارعا قولداۋ رەتٸندە ٸسكە قوسقان ەدٸ. «ٶز ٷيٸم» جوباسى بانك سالىمشىلارىنا قۇرىلىس سالۋشىلار ۇسىناتىن جاڭا ٷيلەردٸ نارىقتاعىدان تٶمەن باعامەن الۋعا مٷمكٸندٸك بەرەدٸ. الماتى مەن استاناداعى 1 شارشى مەتردٸڭ ورتاشا قۇنى - 260 000-290 000 تەڭگە, ال ايماقتاردا 180 000-200 000 تەڭگە. بٸزدٸڭ ەسەپكە سەيكەس, تۇرعىن ٷي قۇرىلىس جيناق بانكٸندە شوتتارىنا ٷي الۋعا قاجەت 20% كٶلەمٸندەگٸ باستاپقى جارنانى جيناعان 45 000-داي سالىمشى بار. بٸز قازٸر وسى ازاماتتارعا قولجەتٸمدٸ ٷي ساتىپ الۋعا كٶمەكتەسٸپ, ولاردى جاڭا, جايلى جەنە باعاسى تٶمەن پەتەرلەرگە ورنالاستىرۋدى ماقسات ەتٸپ وتىرمىز. بۇل باعدارلاما اياسىندا بانك سەنٸم بٸلدٸرٸپ وتىرعان كليەنتتەرگە عانا ەمەس, ەلدەگٸ جالپى قۇرىلىس سەكتورىنا قولداۋ بٸلدٸرەدٸ, - دەپ تٷسٸندٸرٸپ ٶتتٸ تۇرعىن ٷي قۇرىلىس جيناق بانكٸ باسقارما تٶرايىمى لەززات يبراگيموۆا.
وسى جىلى «ٶز ٷيٸم» باعدارلاماسىنىڭ اياسىندا جالپى سوماسى 45,8 ملرد تەڭگە بولاتىن 3 885 پەتەر ساتىلادى دەپ جوسپارلانىپ وتىر. ونىڭ ٸشٸندە 623 پەتەردٸ بانك سالىمشىلارى ٷلەسكەرلٸك قۇرىلىس كەزەڭٸندە ساتىپ الادى.
