18 جەلتوقسان كٷنٸ 16:30-دا ەلوردادا جاقسىلىق ٷشكەمپٸروۆ اتىنداعى Jekpe Jek سارايىندا وليمپيادا چەمپيونى دانييار ەلەۋسٸنوۆ پەن ارگەنتينالىق حۋان ەرنان لەال جارتىلاي ورتا سالماقتاعى IBO چەمپيوندىق بەلبەۋٸنە تالاسقا تٷسەدٸ, دەپ حاباراليدى قازاقپارات.
حالىقارالىق بوكس كەشٸندەگٸ ەكٸنشٸ باستى كەزدەسۋدە اسا اۋىر سالماق ٶكٸلٸ, قوس وليمپيادا قولاسىنىڭ يەگەرٸ يۆان دىچكو (10-0, 10 كو), تەجٸريبەلٸ رەسەيلٸك بوكسشى الەكساندر ۋستينوۆپەن (36-5-1, 27 كو) قولعاپ تٷيٸستٸرەدٸ.
ال تانىمال بوكسشى جانقوش تۇراروۆ (24-0, 17 كو) مىسىرلىق ابدۋمونەم سايدپەن (22-1-1, 11 كو) جەكپە-جەك ٶتكٸزبەك. ودان بٶلەك, بوكس كەشٸندە ەلٸمٸزگە تانىمال دەۋرەن ەلەۋسٸنوۆ, دەۋلەت دەۋكەنوۆ, ايدار شەرٸباەۆ جەنە انگەلينا لۋكاس سەكٸلدٸ بوكسشىلار كٷش سىناسادى.
سونىمەن قاتار ەل كەسٸپقوي بوكسىنىڭ تاريحىندا اراعا 20 جىل سالىپ العاش رەت 55,3 كەلٸ سالماق دەرەجەسٸ بويىنشا, ەرجان زاليلوۆ پەن ەسكەندٸر حارسان, قازاقستان چەمپيونى اتاعىنا KFPB تيتۋلى ٷشٸن تالاسقا تٷسەدٸ. بوكس كەشٸ اياسىندا جانكٷيەرلەر 13 قازاقستاندىق بوكسشىنىڭ ٶنەرٸن تاماشالاي الادى.
«قازاقستاننىڭ تەۋەلسٸزدٸگٸ قۇتتى بولسىن! وسىنداي ماڭىزدى كٷن ٷشٸن, قوناقجايلىلىقتارىڭىز ٷشٸن ٶتە قۋانىشتىمىن! جاڭا تيتۋل ٷشٸن جەكپە-جەككە وسىلاي جاعداي ۇيىمداستىرعاندارىڭىز ٷشٸن كٶپ راحمەت!», - دەدٸ ارگەنتينالىق حۋان ەرنان لەال ەلوردادا ٶتكەن باسپاسٶز مەسليحاتىندا.
ٶز كەزەگٸندە دانييار ەلەۋسٸنوۆ بارشا قازاقستاندىقتاردى تەۋەلسٸزدٸگٸمٸزدٸڭ 30 جىلدىق مەرەيتويىمەن قۇتتىقتادى.
«وتىز جىلدىق قارساڭىندا كەرەمەت شوۋ ٶتكەلٸ جاتىر, بارشا ۇيىمداستىرۋشىلارعا العىس بٸلدٸرگٸم كەلەدٸ. بەرٸ جوعارى دەڭگەيدە ٶتەدٸ دەگەن سەنٸمدەمٸن. بوكسشىلارىمىزعا تەك سەتتٸلٸك تٸلەيمٸن. جانكٷيەرلەرگە دە قىزىقتى بولادى دەپ ويلايمىن. تيتۋلدىق كەزدەسۋدٸڭ ٶز ەلٸمدە ٶتٸپ جاتقانى مەن ٷشٸن ٷلكەن مەرتەبە. 2013 جىلى الماتى قالاسىندا ەلەم چەمپيونى اتانعان ەدٸم, ەندٸ استانادا دا چەمپيون بولۋدى بۇيىرسىن», - دەدٸ ەلەۋسٸنوۆ.
ايتا كەتەيٸك, 17 جەلتوقسان كٷنٸ ساعات 13:30-دا بوكس كەشٸنٸڭ جۇلدىزدارى رەسمي سالماق ٶلشەۋ رەسٸمٸن ٶتكٸزەدٸ. سپورت جانكٷيەرلەرٸ 18 جەلتوقساندا دانييار ەلۋەسٸنوۆتٸڭ چەمپيوندىق جەكپە-جەگٸن «حابار» تەلەارناسىنىڭ تٸكەلەي ەفيرٸنەن تاماشالاي الادى.
