ەل اۋماعىندا جىل سايىن كٶكتەم مەن كٷزدە اعاش وتىرعىزۋ اكتسيياسى قارقىندى جٷرٸپ كەلەدٸ. وسى ورايدا سول وتىرعىزىلعان اعاش تٷپتەرٸنٸڭ قانشا پايىزى جەرسٸنٸپ, نەتيجەسٸن بەرٸپ جاتىر? بۇل سۇراققا قر ەكولوگييا, گەولوگييا جەنە تابيعي رەسۋرستار ۆيتسە-مينيسترٸ ەلييا شالابەكوۆا جاۋاپ بەردٸ, دەپ حابارلايدى قازاقپارات.
«بٸزدەگٸ وتىرعىزىلعان اعاش تٷپتەرٸنٸڭ جەرسٸنۋ كٶرسەتكٸشٸ 65% قۇرايدى. ەگەر جىل قۇرعاق نەمەسە قاتتى اياز بولسا, وندا كٶشەتتەر ٶسپەي قالۋى مٷمكٸن. ٶسپەي قالعان جاعدايدا ول جەردە سول اعاش نەمەسە باسقا ٶسٸمدٸك تٷرٸ وتىرعىزىلادى. وسى جايتتاردى ەسكەرە كەلە بٸز 65% دەپ بولجام وتىرمىز. جالپى ەگٸلگەن اعاش كٶشەتٸنٸڭ تٸرشٸلٸگٸن جالعاستىرۋى كليماتتىق جاعدايلارعا بايلانىستى», - دەدٸ ا.شالابەكوۆا ورتالىق كوممۋنيكاتسييالار قىزمەتٸندە ٶتكەن باسپاسٶز مەسليحاتىندا.
ونىڭ ايتۋىنشا, بٷگٸندە ەل اۋماعىندا نەگٸزٸنەن سەكسەۋٸل, قاراعاي, قايىڭ, شەگٸرشٸن جەنە تاعى اعاش تٷرلەرٸ وتىرعىزىلىپ جاتىر.
«مىسالى, سەكسەۋٸلدٸ الساق ونىڭ جەرسٸنۋٸ قيىن, شامامەن 20-25% عانا ۇلاسىپ ٶسٸپ كەتەدٸ. ٶزدەرٸڭٸز بٸلەتٸندەي, اتالعان اعاش تٷرٸ شٶلەيتتٸ اۋماقتاردا ٶسەدٸ. سونداي-اق, بٸز بٷگٸندە ارال تەڭٸزٸنٸڭ قۇرعاپ قالعان ورنىندا اعاش وتىرعىزۋمەن اينالىسىپ جاتىرمىز. ول جەردە سەكسەۋٸلدٸڭ جەرسٸنٸپ كەتۋ كٶرسەتكٸشٸ 20-25% اسپايدى», - دەيدٸ ول.
سونداي-اق, ۆيتسە-مينيستر وتىرعىزىلعان اعاش كٶشەتتەرٸنٸڭ ٶسۋٸ كٷتٸمگە دە بايلانىستى ەكەنٸن ايتىپ ٶتتٸ.
