بٷگٸن قر تەۋەلسٸزدٸگٸ كٷنٸ مەرەكەسٸ قارساڭىندا وتىرارلىقتار كٶپتەن كٷتكەن «وقسىز» سپورت كەشەنٸنٸڭ اشىلۋ سالاتاناتىنا كۋە بولدى. تٷركٸستان وبلىسى ەكٸمٸنٸڭ ورىنباسارى تٶلەگەن سەرسەمباەۆتٸڭ قاتىسۋىمەن اشىلعان نىسان بولاشاق چەمپيونداردىڭ ۇستاحاناسىنا اينالماق, دەپ حابارلايدى "ۇلت اقپارات".
وتىراردان شىققان اقىندار عانا ەمەس, نەبٸر عۇلاما عالىمدار, ٶنەر مەن سپورت سالالارىنىڭ تالاي دودالى بەسەكەلەردە توپ جارىپ جٷرگەن سايىپقىران ساڭلاقتارى دا ابىرويىن اسپانداتىپ, تۋىن كٶككە كٶتەرٸپ كەلەدٸ.
- تەۋەلسٸزدٸكتٸڭ العاشقى جىلدارىنان-اق ەلٸمٸز ەگەمەندٸكتٸڭ ەڭ نەگٸزگٸ العى شارتتارىن جاساي الدى. بەرٸنەن بۇرىن كٶپ ۇلتتى, كٶپتٸلدٸ, كٶپ دٸندٸ ەلٸمٸز حالىقتىڭ اۋىزبٸرلٸگٸن ساقتاۋعا قول جەتكٸزدٸ. قازاقستاندى مەكەن ەتكەن بارلىق ۇلتتاردىڭ مٷددەسٸن ورتاقتاستىرا العانى - قازٸرگٸ زاماننىڭ اتاتٷركٸ ھەم ۇلت كٶشباسشىسى اتانعان نۇرسۇلتان ەبٸشۇلى نازارباەۆتىڭ سىندارلى ساياساتىنىڭ ايقىن ايعاعى ەدٸ. ونىڭ نەرلٸ جەمٸسٸن تٷركٸستاندىقتاردىڭ, ونىڭ ٸشٸندە وتىرارلىقتاردىڭ ٶمٸرٸنەن دە اڭعارۋعا بولادى. اتاپ ايتقاندا, اۋدانىمىزدا سوڭعى كەزدە بۇرىن سوڭدى بولماعان يگٸ ٸستەر اتقارىلىپ, بٷگٸنگٸ تاڭدا جالعاسىن تاۋىپ كەلەدٸ.
بيىلعى تەۋەلسٸزدٸك مەرەكەسٸ وتىرارلىقتار ٷشٸن مول تارتۋلارىمەن كەلٸپ وتىر. ەلەمنٸڭ ەكٸنشٸ ۇستازى – ەبۋ ناسىر ەل-فارابيدٸڭ, كٷش اتاسى قاجىمۇحان اتامىزدىڭ تۋعان جەرٸ وتىرار اۋدانىندا زاماناۋي تالاپقا ساي «وقسىز» سپورت كەشەنٸ بوي كٶتەرٸپ, ەل يگٸلٸگٸنە بەرٸلٸپ وتىر, - دەدٸ وبلىس ەكٸمٸنٸڭ ورىنباسارى تٶلەگەن سەرسەمباەۆ عيماراتتىڭ اشىلۋ سالتاناتىندا.
سپورت كەشەنٸ ەلەمنٸڭ ەكٸنشٸ ۇستازى اتانعان ەبۋ ناسىر ەل-فارابيدٸڭ كٸندٸك قانى تامعان ەجەلگٸ وقسىز قالاسىنىڭ اتاۋىمەن اتالادى. ەكٸ قاباتتى عيماراتتىڭ سىيىمدىلىعى 210 ادامعا لايىقتالىپ, 23 سپورت ٷيٸرمەسٸ جۇمىس جاسايدى. سونداي-اق, وبلىستىق, رەسپۋبليكالىق دەرەجەدەگٸ تٷرلٸ سپورتتىق شارالاردى ٶتكٸزۋگە مٷمكٸندٸك تولىعىمەن قاراستىرىلۋدا.
- قر پرەزيدەنتٸ ن.ە.نازارباەۆتىڭ "قازاقستاندىقتاردىڭ ەل-اۋقاتىنىڭ ٶسۋٸ: تابىس پەن تۇرمىس ساپاسىن ارتتىرۋ" اتتى جولداۋىندا ەلٸمٸز بويىنشا 100 سپورتتىق نىسان سالۋ جٶنٸندە ايتىلعان بولاتىن. ەلباسى تاپسىرماسىنا سەيكەس وتىرارلىقتار العاشقىلاردىڭ قاتارىندا تاماشا سپورت كەشەنٸن پايدالانۋعا بەردٸ. ەڭسەلٸ عيماراتتان الداعى كەزدەردە تەۋەلسٸز ەلٸمٸزدٸڭ, قۇت پەن كيە قونعان قاسيەتتٸ ٶلكەمٸزدٸڭ اتىن شىعارىپ, ەلەمگە تانىتاتىن نەبٸر چەمپيوندار شىعاتىنىنا تولىق سەنٸمدٸمٸز, - دەدٸ اۋدان ەكٸمٸ ەرلان ايتاحانوۆ.
جاڭا سپورت كەشەنٸندە تٷركٸستان وبلىسىنىڭ تٶرت اۋدانى مەن شىمكەنت قالاسىنىڭ بالۋاندارى قاتىسقان تٷيە بالۋانداردىڭ اقتىق سىنى ٶتتٸ. شەشۋشٸ سايىستا وتىرار اۋدانىنىڭ نامىسىن قورعاعان جولداسبەك بەكتۇرسىنوۆ جەڭٸمپاز اتانىپ, 1 ملن تەڭگەنٸ قانجىعاسىنا بايلادى.
