سۋرەت اشىق دەرەككٶزدەن الىندى
قازاقستاندا جالعان تەرروريزمدٸ اۋىر قىلمىستار ساناتىنا اۋىستىرۋ جوسپارلانىپ وتىر, - دەپ حابارلايدى "ۇلت اقپارات" باس پروكۋراتۋرانىڭ باسپاسٶز قىزمەتٸنە سٸلتەمە جاساپ.
ۆەدومستۆو مەلٸمەتٸنشە, 2022 جىلى تەرروريزم اكتٸلەرٸ بويىنشا جالعان حابارلامالار سانى كٶبەيگەن. قىلمىستىق كودەكستٸڭ 273-بابى بويىنشا 181 قىلمىستىق ٸس قوزعالعان.
"ەدەتتە, اتالعان فاكتٸلەردٸ تەكسەرۋ كٶپ ۋاقىت پەن رەسۋرستاردى قاجەت ەتەدٸ. وقيعا ورنىنا پوليتسييا, قۇتقارۋشىلار, كينولوگتار, ٶرت سٶندٸرۋشٸلەر, جەدەل جەردەم بريگادالارى, جەدەل تەرگەۋ توپتارى بارادى. كەسٸپورىنداردىڭ قالىپتى جۇمىس رەجٸمٸ بۇزىلادى.
بۇل كٷش پەن قۇرالداردىڭ ايتارلىقتاي اۋىتقۋىنا ەكەلەدٸ, تەكسەرٸلەتٸن كوممەرتسييالىق كەسٸپورىندار ميلليونداعان شىعىنعا ۇشىرايدى, تەررولىق شابۋىل تۋرالى جالعان حابارلامالار ادامداردى ەۆاكۋاتسييالاۋ كەزٸندە دٷربەلەڭ مەن قۇرباندىققا ەكەلۋٸ مٷمكٸن.
قۇقىق قورعاۋ جەنە ارنايى ورگاندار وسىنداي انونيمدٸ حابارلامالاردىڭ اۆتورلارىن انىقتاۋ بويىنشا شارالار قابىلدايدى", - دەلٸنگەن حابارلامادا.
2022 جىلى 25 ادام سوتتالعان.
مىسالى, 2022 جىلعى شٸلدەدە قوستاناي وبلىسىنىڭ تۇرعىنى ٶز كٶرشٸسٸنەن كەك الۋ ماقساتىندا ەلەكتروندىق پوشتاسىن بۇزىپ, ونىڭ اتىنان استانا جەنە الماتى قالالارىنىڭ 13 نىسانىنا (ساۋدا ورتالىقتارى, ەۋەجايلار, بانكتەر جەنە ت.ب.) تەرروريزم اكتٸسٸ تۋرالى كٶرٸنەۋ جالعان حابارلاما جٸبەرگەن ٷشٸن 1 جىل 6 ايعا باس بوستاندىعىنان ايىرىلعان.
ال الماتى وبلىسىندا قۇرداستارىمەن بەستەسٸپ, ەلەكتروندى پوشتا ارقىلى 3 مەكتەپتٸ مينالاۋ تۋرالى حابارلاما جٸبەرگەن 13 جاستاعى بالا انىقتالىپ, پوليتسيياعا جەتكٸزٸلگەن. كەمەلەتكە تولماعان بالانى تەربيەلەۋ جٶنٸندەگٸ مٸندەتٸن ورىنداماعان ٷشٸن وقۋشىنىڭ اتا-اناسى جاۋاپكەرشٸلٸككە تارتىلدى.
"ايتا كەتۋ كەرەك, قۇقىقتىق تەرتٸپتٸ قورعاۋ ورگاندارىندا قىلمىستىق جاۋاپكەرشٸلٸككە تارتۋ ٷشٸن وسىنداي قۇقىق بۇزۋشىلاردى جەدەل انىقتاۋ پراكتيكالىق تەجٸربيەسٸ بار. تەجٸريبە كٶرسەتكەندەي, قىلمىسكەرلەر تەك ەل ٸشٸندە عانا ەمەس, ودان تىس جەرلەردە دە ەرەكەت ەتەدٸ.
جەدەل ٶزارا ٸس-قيمىل ماقساتىندا شەت مەملەكەتتەرمەن ينتەرنەت-كەڭٸستٸكتەگٸ انونيمدٸ حابارلامالاردىڭ اۆتورلارىنا قاتىستى دەرەكتەر الماسۋ بويىنشا قازاقستاننىڭ باس پروكۋراتۋرانىڭ ٷيلەستٸرۋمەن بۋداپەشت كونۆەنتسيياسىنا («كومپيۋتەرلٸك قىلمىستار تۋرالى») قوسىلۋعا جۇمىس جٷرگٸزٸلٸپ جاتىر.
سونداي-اق, باس پروكۋراتۋرا مٷددەلٸ مەملەكەتتٸك ورگاندارمەن بٸرلەسٸپ كٶرٸنەۋ جالعان تەرروريزم بويىنشا قىلمىستىق جاۋاپتىلىقتى كٷشەيتۋ جەنە قۇقىق بۇزۋشىلىقتىڭ وسى تٷرٸن «اۋىر» ساناتىنا جاتقىزۋ (7 جىلعا دەيٸن باس بوستاندىعىنان ايىرۋ مەرزٸمٸ) تۋرالى مەسەلەنٸ پىسىقتاپ جاتىر", - دەلٸنگەن ۆەدومستۆو حابارلاماسىندا.
