sýret ashyq derekkózden alyndy
Qazaqstanda jalǵan terrorizmdi aýyr qylmystar sanatyna aýystyrý josparlanyp otyr, - dep habarlaidy "Ult aqparat" Bas prokýratýranyń baspasóz qyzmetine silteme jasap.
Vedomstvo málimetinshe, 2022 jyly terrorizm aktileri boiynsha jalǵan habarlamalar sany kóbeigen. Qylmystyq kodekstiń 273-baby boiynsha 181 qylmystyq is qozǵalǵan.
"Ádette, atalǵan faktilerdi tekserý kóp ýaqyt pen resýrstardy qajet etedi. Oqiǵa ornyna politsiia, qutqarýshylar, kinologtar, órt sóndirýshiler, jedel járdem brigadalary, jedel tergeý toptary barady. Kásiporyndardyń qalypty jumys rejimi buzylady.
Bul kúsh pen quraldardyń aitarlyqtai aýytqýyna ákeledi, tekseriletin kommertsiialyq kásiporyndar milliondaǵan shyǵynǵa ushyraidy, terrolyq shabýyl týraly jalǵan habarlamalar adamdardy evakýatsiialaý kezinde dúrbeleń men qurbandyqqa ákelýi múmkin.
Quqyq qorǵaý jáne arnaiy organdar osyndai anonimdi habarlamalardyń avtorlaryn anyqtaý boiynsha sharalar qabyldaidy", - delingen habarlamada.
2022 jyly 25 adam sottalǵan.
Mysaly, 2022 jylǵy shildede Qostanai oblysynyń turǵyny óz kórshisinen kek alý maqsatynda elektrondyq poshtasyn buzyp, onyń atynan Astana jáne Almaty qalalarynyń 13 nysanyna (saýda ortalyqtary, áýejailar, bankter jáne t.b.) terrorizm aktisi týraly kórineý jalǵan habarlama jibergen úshin 1 jyl 6 aiǵa bas bostandyǵynan aiyrylǵan.
Al Almaty oblysynda qurdastarymen bástesip, elektrondy poshta arqyly 3 mektepti minalaý týraly habarlama jibergen 13 jastaǵy bala anyqtalyp, politsiiaǵa jetkizilgen. Kámeletke tolmaǵan balany tárbieleý jónindegi mindetin oryndamaǵan úshin oqýshynyń ata-anasy jaýapkershilikke tartyldy.
"Aita ketý kerek, quqyqtyq tártipti qorǵaý organdarynda qylmystyq jaýapkershilikke tartý úshin osyndai quqyq buzýshylardy jedel anyqtaý praktikalyq tájirbiesi bar. Tájiribe kórsetkendei, qylmyskerler tek el ishinde ǵana emes, odan tys jerlerde de áreket etedi.
Jedel ózara is-qimyl maqsatynda shet memlekettermen internet-keńistiktegi anonimdi habarlamalardyń avtorlaryna qatysty derekter almasý boiynsha Qazaqstannyń Bas prokýratýranyń úilestirýmen Býdapesht konventsiiasyna («Kompiýterlik qylmystar týraly») qosylýǵa jumys júrgizilip jatyr.
Sondai-aq, Bas prokýratýra múddeli memlekettik organdarmen birlesip kórineý jalǵan terrorizm boiynsha qylmystyq jaýaptylyqty kúsheitý jáne quqyq buzýshylyqtyń osy túrin «aýyr» sanatyna jatqyzý (7 jylǵa deiin bas bostandyǵynan aiyrý merzimi) týraly máseleni pysyqtap jatyr", - delingen vedomstvo habarlamasynda.
