2020 جىلى ەلٸمٸزدە قوي سانى بٸر جىلدا 837 مىڭعا ٶستٸ. بۇل تۋرالى جازىلبەك قۋانىشباەۆتىڭ 125 جىلدىعىنا ارنالعان «قازاقستاننىڭ قوي شارۋاشىلىعى: ٶتكەنٸ, بٷگٸنٸ جەنە كەلەشەگٸ» تاقىرىبىنداعى كونفەرەنتسييادا قر اۋىل شارۋاشىلىعى مينيسترٸ ساپارحان وماروۆ ايتتى, دەپ حابارلايدى قازاقپارات.
«2020 جىلدىڭ قورىتىندىلارى بويىنشا ٷيلەسٸمدٸ جۇمىس پەن ۋاقتىلى قابىلدانعان شارالاردىڭ ارقاسىندا اگروٶنەركەسٸپتٸك كەشەن سالاسىندا ٸس جٷزٸندە بارلىق ماكروكٶرسەتكٸشتەر بويىنشا وڭ ٶسۋ سەرپٸنٸ بايقالادى. 2020 جىلى قوي شارۋاشىلىعىن دامىتۋ ماقساتىندا مەملەكەتتٸك بيۋدجەتتەن 16 ملرد تەڭگە قاراجات بٶلٸندٸ. بۇل 2019 جىلدىڭ دەڭگەيٸمەن سالىستىرعاندا مەملەكەتتٸك قولداۋ كٶلەمٸنٸڭ 35 پايىزعا ارتقانىن كٶرسەتەدٸ. نەتيجەسٸندە 2020 جىلى قوي سانى 17,7 ملن باسقا جەتٸپ, ونىڭ ٸشٸندە كەسٸپورىندار مەن فەرمەر قوجالىقتارىندا 8,4 ملن باس, جۇرتشىلىق شارۋاشىلىقتارىندا 9,2 ملن باستى قۇراپ وتىر. 2020 جىل بويىنشا جىلدىق قوي باسىنىڭ ەڭ جوعارعى ٶسٸمٸ تٸركەلدٸ. ياعني 1 جىلدا 837 مىڭ باسقا ٶستٸ», - دەدٸ مينيستر.
ونىڭ اتاپ ٶتۋٸنشە, اسىل تۇقىمدى قويدىڭ ٷلەسٸ 16,1 پايىزعا نەمەسە 2,8 ملن باسقا جەتتٸ. 300 مىڭ باس اسىل تۇقىمدى قوي ساتىلدى. ال بۇل ٶز كەزەگٸندە سەلەكتسييالىق جۇمىستىڭ دامۋىنا ٷلەسٸن تيگٸزٸپ وتىر.
«جالپى اگروٶنەركەسٸپتٸك كەشەنٸن, سونىڭ ٸشٸندە قوي شارۋاشىلىعىن دامىتۋدا مەملەكەتتٸك قولداۋدىڭ تەتٸكتەرٸ رەتٸندە جەكە توقتالا كەتەتٸن مەسەلە, ول - عىلىممەن قامتاماسىز ەتۋ. بۇل قولداۋ مەملەكەت تاراپىنان عىلىمي جۇمىستاردى باعدارلامالىق-نىسانالى قارجىلاندىرۋ ارقىلى جٷزەگە اسىرىلادى. سوڭعى 3 جىل ارالىعىندا قازاق مال شارۋاشىلىعى جەنە ازىقتاندىرۋ عىلىمي-زەرتتەۋ ينستيتۋتى جٷرگٸزگەن عىلىمي جۇمىستار نەتيجەسٸندە قوي شارۋاشىلىعىندا رەسپۋبليكانىڭ ەر ٶڭٸرٸندە 20 مودەلدٸك فەرما قۇرىلىپ, ولار زاماناۋي تەحنيكالارمەن جابدىقتالىپ, قوي ٶسٸرۋ مەن جايىلىمداردى قولدانۋدا جاڭا يننوۆاتسييالىق تەحنولوگييالاردى پايدالانىپ, فەرمەرلەر مەن ستۋدەنتتەردٸ وقىتۋ بازاسى رولدەرٸن اتقارىپ وتىر. بۇل ٸس-شارالارعا بيۋدجەتتەن 735,6 ملن تەڭگە بەرٸلدٸ», - دەدٸ ساپارحان وماروۆ.
سونىمەن قاتار مينيتر عىلىمي قامتاماسىز ەتۋ نەتيجەسٸندە قوي شارۋاشىلىعى سەلەكتسيياسى مەن كٷتٸپ-باعۋ تەحنولوگييالارىن جەتٸلدٸرۋ باعىتىندا عىلىمي جۇمىستار اتقارىلعانىن, اسىل تۇقىمدى قويلاردىڭ ۇرىقتارى مەن ەمبريوندارىن الۋ, ساقتاۋ پروتسەستەرٸ جەتٸلدٸرٸلگەنٸن ايتتى.
«قازاق ۇلتتىق اگرارلىق زەرتتەۋ ۋنيۆەرسيتەتتٸڭ عالىمدارىنىڭ قاتىسۋىمەن جايىلىمدارعا عارىشتىق مونيتورينگ جٷرگٸزۋ, قۇنارلىعىن انىقتاپ ولاردى جاقسارتۋ ەدٸستەمەلەرٸ دايىندالدى. بۇل ٶز كەزەگٸندە قوي شارۋاشىلىعىنا وڭ ەسەرٸن تيگٸزەتٸنٸ انىق», - دەدٸ ول.
