ٶتكەن تەۋلٸكتە قازاقستاندا كوروناۆيرۋس ينفەكتسيياسىن جۇقتىرعانى زەرتحانادا دەلەلدەنگەن 2 877 ادام تٸركەلدٸ. بۇل جٶنٸندە دەنساۋلىق ساقتاۋ مينيسترلٸگٸ حابارلادى.
بەيسەنبٸدە كوروناۆيرۋستان 31 ادام, "وعان ۇقساس پنەۆمونييادان" 7 ادام قايتىس بولدى.
دياگنوزى پتر ەدٸسٸمەن دەلەلدەنگەندەر اراسىندا ەلدٸڭ ەكٸ ٸرٸ قالاسى الدا تۇر. Covid-پەن الماتىدا 697 ادام, نۇر-سۇلتاندا – 570 ادام تٸركەلدٸ. ايماقتار اراسىندا قاراعاندى وبلىسى الدا تۇر, مۇندا بٸر تەۋلٸك ٸشٸندە 235 ناۋقاس انىقتالعان.
بىلتىرعى ناۋرىزدان بەرٸ قازاقستاندا كوروناۆيرۋس جۇقتىرعانداردىڭ رەسمي كٶرسەتكٸشٸ 322 695 ادامعا جەتتٸ, 3 699 ادام كٶز جۇمدى.
29 سەۋٸر, بەيسەنبٸ كٷنٸ ەلدە پتر تەستٸ تەرٸس نەتيجە كٶرسەتسە دە, سيمپتومدارى كوروناۆيرۋسقا ۇقسايتىن "كوۆيد تەكتەس پنەۆمونييامەن" اۋىرعان 98 ناۋقاس تٸركەلدٸ, ٸندەت ٶرشٸگەن بىلتىرعى تامىزدا بەرٸ جٷرگٸزٸلەتٸن بۇل ساناققا 52 942 ادام ەنگەن. رەسمي مەلٸمەت بويىنشا, "كوۆيد تەكتەس پنەۆمونييادان" 801 ادام قايتىس بولعان.
1 مامىرداعى مەلٸمەت بويىنشا, قازاقستاندا 42 510 ادام كوروناۆيرۋس ينفەكتسيياسىنان (42 019 كٸسٸ Covid-تان, 491 ادام "سوعان ۇقساس پنەۆمونييادان") ەمدەلٸپ جاتىر, سونىڭ ٸشٸندە 14 843 پاتسيەنت ستاتسيوناردا, 27 677 ناۋقاس امبۋلاتورييالىق دەڭگەيدە ەم الىپ جاتىر.
وسى كٷنٸ 769 ادامنىڭ جاعدايى اۋىر, 184-ٸنٸڭ جاعدايى ٶتە اۋىر, 125 ناۋقاس ٶكپە جەلدەتكٸش اپپاراتتا جاتىر.
ٶتكەن تەۋلٸكتە 3062 ادام كوروناۆيرۋس دەرتٸنەن ەمدەلٸپ شىقتى.
سەنبٸ كٷنٸ دەنساۋلىق ساقتاۋ مينيسترلٸگٸ كوروناۆيرۋس ۆاكتسيناسىنىڭ بٸرٸنشٸ كومپونەنتٸ 1,3 ميلليونداي ادامعا, ەكٸنشٸ كومپونەنتٸ 266 مىڭداي ادامعا سالىنعانىن حابارلادى. قازٸر ەلدە رەسەيدە ەزٸرلەنٸپ, قاراعاندىدا شىعارىلعان "سپۋتنيك V" جەنە وتاندىق QazVac ۆاكتسينالارى سالىنىپ جاتىر. 30 سەۋٸردە دەنساۋلىق مينيسترٸ الەكسەي تسوي بٸرٸككەن اراب ەمٸرلٸكتەرٸندە ٶندٸرٸلگەن قىتايلىق Sinopharm كومپانيياسىنىڭ ۆاكتسيناسى دا جاقىن ارادا ايماقتارعا جٸبەرٸلەتٸنٸن ايتتى.
امەريكالىق دجونس حوپكينس ۋنيۆەرسيتەتٸنٸڭ دەرەگٸنە قاراعاندا ەلەمدە كوروناۆيرۋس جۇقتىرعان 151 ميلليوننان استام جاعداي تٸركەلگەن, 3,1 ميلليونداي ادام Covid-تەن كٶز جۇمعان. جۇقتىرعانداردىڭ ەڭ كٶپ كٶرسەتكٸشٸ اقش, ٷندٸستان, برازيلييا, فرانتسييا جەنە تٷركييادا تٸركەلگەن. جاقىندا تٷركييادا كوروناۆيرۋس جۇقتىرعاندار سانى رەسەيدەگٸدەن اسىپ كەتتٸ.
ايماقتار بويىنشا كوروناۆيرۋس جۇقتىرعانداردىڭ تولىق دەرەگٸ:
ايماقتار بويىنشا:
نۇر-سۇلتان قالاسى - 570
الماتى قالاسى - 697
شىمكەنت قالاسى - 105
اقمولا وبلىسى - 148
اقتٶبە وبلىسى - 117
الماتى وبلىسى - 210
اتىراۋ وبلىسى - 83
شىعىس قازاقستان وبلىسى - 97
جامبىل وبلىسى - 71
باتىس قازاقستان وبلىسى - 155
قاراعاندى وبلىسى - 235
قوستاناي وبلىسى - 28
قىزىلوردا وبلىسى - 87
ماڭعىستاۋ وبلىسى - 60
پاۆلودار وبلىسى - 165
سولتٷستٸك قازاقستان وبلىسى - 25
تٷركٸستان وبلىسى - 24
