سولتٷستٸك قازاقستان وبلىسى اققايىڭ اۋدانىندا تەمٸرجول ٶتكەلٸنەن ٶتٸپ بارا جاتقان تراكتور سىنىپ, بٸر ساعاتقا جولدى جاپتى, دەپ حابارلايدى "ۇلت اقپارات".
سقو پوليتسييا دەپارتامەنتٸ باسپاسٶز قىزمەتٸنٸڭ مەلٸمەتٸنشە, وقىس وقيعا 9 قىركٷيەك كٷنٸ ساعات 21.05-تە بولعان. اققايىڭ اۋداندىق پوليتسييا بٶلٸمٸنە قييالى مەن سميرنوۆو ەلدٸ مەكەندەرٸنٸڭ اراسىنداعى «جاڭاجول» تەمٸرجول ٶتكەلٸندە ك-700 تراكتورىنىڭ سىنىپ تۇرعانى جايىندا حابار تٷسەدٸ.
تراكتوردىڭ رۋلٸندە اۋدانداعى جشس بٸرٸنٸڭ 38 جاستاعى تراكتورشىسى ەكٸ تٸركەمە بيدايدى اۋدان ورتالىعىنا اپارا جاتقان. الايدا تەمٸرجولدى كەسٸپ ٶتكەن كەزدە تٸركەمەسٸنٸڭ بٸرٸنٸڭ
ارتقى دوڭعالاعىنىڭ شٷلدٸگٸ (وس) سىنىپ كەتكەن. سالدارىنان سىنعان شٷلدٸك ٶتكەلدٸڭ رەزەڭكە جابىندىسىنا كٸرٸپ, تراكتوردىڭ قوزعالۋىنا كەدەرگٸ كەلتٸرگەن.
«تەمٸرجولدىڭ دەل وسى ۋچاسكەسٸ ارقىلى جولاۋشىلار پويىزى جيٸ ٶتەدٸ. سول سەبەپتٸ تەز ارادا جولدى بوساتۋ قاجەت بولدى. تەمٸرجولشىلار, شارۋاشىلىق جۇمىسشىلارى ك-700-دٸ سٷيرەپ شىعارىپ جاتقاندا, تەرتٸپ ساقشىلارى جول قوزعالىسىنىڭ قاۋٸپسٸزدٸگٸن قاداعالادى. ساعات 22.10 مينۋت كەتكەندە تراكتور جولدان الىندى, ال 15 مينۋتتان كەيٸن ول جەردەن ەش كەدەرگٸسٸز «الماتى-پەتروپاۆل» باعىتىنداعى 15- پويىز ٶتتٸ», - دەيدٸ پوليتسەيلەر.
تەمٸرجولشىلار ٶتكەلدەگٸ زاقىمدالعان رەزەڭكە جابىندىنى اۋىستىردى. ال تەكسەرۋ بارىسىندا ك-700 تراكتورى جٷرگٸزۋشٸسٸنٸڭ كٶلٸكتٸ باسقارۋعا رۇقسات بەرەتٸن قۇجاتتارى بولماي شىقتى.
تەرتٸپ ساقشىلارى وعان تەمٸرجول ٶتكەلٸن زاقىمداعانى ٷشٸن دە ەكٸمشٸلٸك ٸس جيناپ, ماتەريالدى سوتقا بەرۋگە ەزٸرلەپ جاتىر.
