وتباسىنىڭ ناۋقاس مٷشەسٸنە كٷتٸم جاسايتىن جۇمىسكەرلەرگە تولىق ەمەس جۇمىس ۋاقىتى رەجٸمٸنە قۇقىق بەرٸلمەك. بۇل تۋرالى پارلامەنت مەجٸلٸسٸندە ەڭبەك مەسەلەلەرٸ جٶنٸندەگٸ زاڭ جوباسىن تالقىلاۋ كەزٸندە قر ەڭبەك جەنە حالىقتى ەلەۋمەتتٸك قورعاۋ مينيسترٸ بٸرجان نۇرىمبەتوۆ مەلٸم ەتتٸ, دەپ حابارلايدى "ۇلت اقپارات".
«جالاقىسى ساقتالمايتىن دەمالىس بٷگٸندە تاراپتاردىڭ ٶز كەلٸسٸمٸ بويىنشا بەرٸلەدٸ. الايدا وتباسىنىڭ ناۋقاس مٷشەسٸنٸڭ كٷتٸمٸ بويىنشا ۇزاق دەمالىس قاجەت بولعان كەزدە, جۇمىسكەرلەر جالاقىسى ساقتالمايتىن دەمالىس الا الماي, سونىڭ سالدارىنان جۇمىستان شىعۋعا مەجبٷر بولىپ جاتادى. وسىعان بايلانىستى مەديتسينالىق قورىتىندىعا سەيكەس, كٷتٸمدٸ قاجەت ەتەتٸن وتباسى مٷشەسٸنە كٷتٸم جاساۋ ٷشٸن جۇمىسكەرلەرگە تولىق ەمەس جۇمىس ۋاقىتى رەجٸمٸن ەنگٸزۋ ۇسىنىلادى», - دەدٸ مينيستر.
بۇدان بۇرىن حابارلانعانداي, مەجٸلٸستٸڭ جالپى وتىرىسىندا «قازاقستان رەسپۋبليكاسىنىڭ كەيبٸر زاڭنامالىق اكتٸلەرٸنە ەڭبەك مەسەلەلەرٸ بويىنشا ٶزگەرٸستەر مەن تولىقتىرۋلار ەنگٸزۋ تۋرالى» زاڭ جوباسى بٸرٸنشٸ وقىلىمدا ماقۇلداندى.
زاڭ جوباسىندا جۇمىسكەردٸڭ لايىقتى ەڭبەك جەنە تۇرمىس جاعدايلارىنا قۇقىعىن بەلگٸلەۋ جەنە ەكٸمشٸلٸك زاڭناماعا تەڭ ەڭبەك جاعدايلارى بويىنشا كەمسٸتۋ فاكتٸلەرٸنە جول بەرگەنٸ ٷشٸن جۇمىس بەرۋشٸلەردٸ جاۋاپكەرشٸلٸككە تارتۋعا نەگٸزدەمە ەنگٸزۋگە ۇسىنىلادى.
قۇجات ەڭبەك قاتىناستارىن, ەلەۋمەتتٸك سەرٸكتەستٸكتٸ, قاۋٸپسٸزدٸك جەنە ەڭبەكتٸ قورعاۋ مەسەلەلەرٸن رەتتەۋگە باعىتتالعان.
