ل.ن. گۋميلەۆ اتىنداعى ەۋرازييا ۇلتتىق ۋنيۆەرسيتەتٸندە «ناۋرىز – حالىق بٸرلٸگٸنٸڭ مەدەني كودى: زەرتتەۋ, تۇجىرىمداما, تەجٸريبە» اتتى حالىقارالىق عىلىمي-تەجٸريبەلٸك كونفەرەنتسييا ٶتتٸ.
شاراعا قازاقستان رەسپۋبليكاسىنداعى يۋنەسكو ٶكٸلدٸگٸ, يران يسلام رەسپۋبليكاسى, تٷركييا, تٷركٸمەنستان جەنە تەجٸكستان رەسپۋبليكالارى ەلشٸلٸگٸنٸڭ ٶكٸلدەرٸ, ساراپشى ماماندار جەنە وتاندىق عالىمدار قاتىستى. كونفەرەنتسييادا ادامزات تاريحىندا ورنى ايرىقشا مەرەكەنٸڭ بٷگٸنگٸ زامانداعى مەرتەبەسٸ عىلىمي-پراكتيكالىق تۇرعىدا جان-جاقتى زەردەلەنٸپ, بايىپتالدى.
عىلىمي جيىنعا قاتىسۋشى وتاندىق جەنە شەتەلدٸك عالىمدار ناۋرىزتانۋدىڭ قازٸرگٸ ٶزەكتٸ مەسەلەلەرٸن تالقىلاپ, بٷگٸن, تاياۋدا جەنە بولاشاقتا اتقارىلاتىن عىلىمي ٸزدەنٸستەر مەن جوبالاردىڭ ٸس-جوسپارىن بەلگٸلەدٸ.
قاتىسۋشى عالىمدار كونفەرەنتسييانىڭ تٶمەندەگٸ قارارىن قابىلدادى:
- ناۋرىزناماعا بايلانىستى زەرتتەۋلەر مەن پراكتيكالىق ٸزدەنٸستەردٸڭ مەيلٸنشە تولىق ەلەكتروندىق بازاسى جاساقتالسىن;
- ل.ن.گۋميلەۆ اتىنداعى ەۋرازييا ۇلتتىق ۋنيۆەرسيتەتٸ گۋمانيتارلىق جەنە ەلەۋمەتتٸك عىلىمدار فاكۋلتەتٸ (فيلوسوفييا, ەتنولوگييا, مەدەنيەتتانۋ باعىتى) تاراپىنان «ناۋرىز مەرەكەسٸ: زاماناۋي تالعام مەن تالاپ» اتتى جۇمىس كوميسسيياسى قۇرىلسىن;
- سوڭعى جىلدارداعى «ناۋرىز مەرەكەسٸن» اتاپ ٶتۋ مەن جٷرگٸزۋدٸڭ ستسەنارييلەرٸ تاريحشى, ەتنوگراف, مەدەنيەتتانۋشى عالىمداردىڭ سٷزگٸسٸنەن ٶتٸپ, جيناق تٷرٸندە ەزٸرلەنٸپ, شىعارىلىپ, تيٸستٸ ورىندارعا, بارلىق كٸتاپحاناعا تاراتىلسىن;
- ناۋرىز مەرەكەسٸنە قاتىستى ٸس-شارالار كەشەنٸ تەۋەلسٸزدٸك قۇندىلىقتارىمەن ساباقتاستىرىلا بايىپتالىپ, كەڭٸنەن ناسيحاتتالسىن;
- «تاريحي ناۋرىزناما» (ەلەمدٸك انتولوگييا) بۇۇ تٸلدەرٸنە اۋدارىلىپ, حالىقارالىق كەڭٸستٸككە تانىتىلسىن;
- ناۋرىزدىڭ مەن-ماڭىزىنا بايلانىستى عىلىمي تۇجىرىمدار مەن قاعيداتتار بٸلٸم ٷدەرٸسٸنە, ەسٸرەسە مەدەنيەتتانۋ, فيلوسوفييا, ەتنولوگييا جەنە ٶنەرتانۋ سالالارىنا ەنگٸزٸلسٸن;
- پارسى جەنە تٷركٸ مەدەنيەتٸندەگٸ ناۋرىزناماعا بايلانىستى تەجٸريبەلەر, ويلار, عىلىمي قورىتىندىلار ەلەم مەدەنيەتٸندە كەڭ قولدانۋعا مٷمكٸندٸكتەر جاسالسىن;
- تٷركٸستان ٶڭٸرٸندە ساقتالعان كٶنە ەسكەرتكٸشتەردٸ, سونىڭ ٸشٸندە ناۋرىزعا قاتىستى عۇرىپتاردى زەرتتەۋگە ات سالىسۋ;
- شىعىس ەلدەرٸ مەن تٷركٸ دٷنيەسٸنٸڭ حالىقارالىق ساياسي, ەكونوميكالىق, مەدەني شارالارىن ناۋرىز مەرەكەسٸنە ورايلاستىرۋ سۇرالسىن;
- ناۋرىزعا وراي حالىقارالىق كٸتاپ جەنە ۇلتتىق مەدەنيەت كٶرمەلەرٸ ۇيىمداستىرىلسىن;
- «ناۋرىز» تٶسبەلگٸسٸن ەزٸرلەۋ, ونى قوعامعا كەڭٸنەن تاراتۋ جاۋاپتى ورىنداردان سۇرالسىن;
- ناۋرىز شارالارىنىڭ بٷلدٸرشٸندەر مەن بالالارعا ارنالعان تانىمدىق جەنە زاماناۋي باعدارلامالارى كٶبەيتٸلسٸن;
- ناۋرىزدىڭ (مەرەكەنٸڭ) تەحنولوگييالىق, اقپاراتتىق, قولدانبالىق مازمۇنىن, ماڭىزىن, ەلەۋەتٸن كٶتەرۋدٸ قولعا الۋ كەرەك;
- قايىرىمدىلىق, راحىمشىلىق شارالارىن ناۋرىزعا ورايلاستىرۋدى قاراستىرۋ.
قارار جوباسى كونفەرەنتسييانىڭ قورىتىندى بٶلٸمٸندە وقىلىپ, تالقىلانىپ, بەكٸتٸلدٸ.
