قازاقستاندا وتاندىق ٶنٸمدەردٸ قولداۋ ماقساتىندا «ەل ٸشٸندەگٸ قۇندىلىق» اتتى جاڭا ۇعىم ەنگٸزٸلەدٸ. ٶنەركەسٸپ سالاسىندا تالقىلانىپ جاتقان جاڭا زاڭ جوباسىنا وسىنداي ۇعىم كٸرٸكتٸرٸلٸپ وتىر, دەپ حابارلايدى قازاقپارات.
«وتاندىق ٶنەركەسٸپتٸك ٶنٸمدٸ ٶتكٸزۋ نارىقتارىندا ٸلگەرٸلەتۋ كەرەك. وسى ماقساتتا زاڭ جوباسىندا بٸرٸنشٸ كەزەكتە ٶنٸمدەرٸ قوسىلعان قۇننىڭ جاھاندىق تٸزبەگٸنە ەنۋٸ مٷمكٸن شەتەلدەگٸ مەكەمەلەرٸمٸزمەن جۇمىس ٸستەيمٸز. بٸزدٸڭ كەسٸپورىندارىمىز ولاردى قولداسا ەكسپورتقا باعدارلانعان ٶنەركەسٸپتٸك كەسٸپورىنداردى قولداۋعا شوعىرلاندىرۋ كەرەك. بٸز ەكسپورتتاۋشىلارىمىزعا سىرتقى نارىقتارداعى كەدەرگٸلەردٸ (كەدەندٸك, ەكٸمشٸلٸك جەنە باسقا دا توسقاۋىلداردى) الىپ تاستاۋ مەسەلەلەرٸندە دە جەردەمدەسۋگە تيٸسپٸز», - دەدٸ يندۋسترييا جەنە ينفراقۇرىلىمدىق دامۋ مينيسترٸ بەيبٸت اتامقۇلوۆ سەناتتا ٶتٸپ جاتقان «قر ٶنەركەسٸپتٸك ساياساتتى زاڭنامالىق رەتتەۋ: جاي-كٷيٸ, پروبلەمالارى جەنە شەشۋ جولدارى» تاقىرىبىنداعى ٷكٸمەت ساعاتىندا.
ونىڭ ايتۋىنشا بيىلدان باستاپ بٸز دٷنيەجٷزٸلٸك ساۋدا ۇيىمىنىڭ شارتتارىنا بايلانىستى جەرگٸلٸكتٸ قامتۋدى دامىتۋ جٶنٸندەگٸ جۇمىس قايتا قارالادى.
«وسىعان بايلانىستى زاڭ جوباسىمەن ەل ٸشٸندەگٸ قۇندىلىق دەگەن جاڭا ۇعىم ەنگٸزٸلەدٸ. زاڭ جوباسىنىڭ بٸرقاتار نورمالارى ساتىپ الۋلاردا ۇلتتىق ستاندارتتاردى قولدانۋدى مونيتورينگتەۋ ارقىلى ۇلتتىق ەكونوميكانىڭ ٶزٸندٸك قاجەتتٸلٸگٸن قامتاماسىز ەتۋگە باعىتتالعان. سونداي-اق, جۇمىس مەملەكەتتٸك ساتىپ الۋداعى ۇلتتىق رەجيمنەن الىپ تاستاۋدى بەلگٸلەۋ باعىتى بويىنشا جٷرگٸزٸلەتٸن بولادى», - دەدٸ ول.
